Daronkolaaa درونکلا

هِــوا اَمــرو بهــار ِ وا ره دارنه

زمین هَنـدا نِشــای را ره دارنه

ته خسّه دوشا بالِ دور، نشاگِر

نفـار اَمرو تِه‌وِسّه جا ره دارنه


✍ #حوا_واحدی_گشنیانی
📸 #نرگس

@daronkolaaa

بَئو مِسّه ته رَنگارو چه زرده؟

بِهار ِ ما، ته خَنّه چَنده سرده؟

مه گوشِ بِن بَئو شه دلِ درده

بَدیمه ته جِوونی ره دَشیّه

نَدومّه دِلخِشی رِ کِجه وَرده!؟


✍ #حوا_واحدی_گشنیانی
📸 #نرگس

@daronkolaaa

گلِ نرگس، تِره مِن دَسّه کِمبه

تِمومِ دلخشی ره رَسّه کمبه

تره بو کشمّه صبح تا نِماشون

شه دلِ ناخِشی ره خسّه کِمبه


✍ #حوا_واحدی_گشنیانی
📸 #نرگس

@daronkolaaa

بِلِنّه سیِّ سَر، مه دَم زَنونه

گت ِ لَته، مِنا یار ِ میونه

نَدومّه، دِلبِخا ره چه گِمونه

صِواحی نِماشون، کَم اِنه شونه


✍ #حوا_واحدی_گشنیانی

@daronkolaaa
#کانال_تلگرامی_درونکلا

صِواحی، خو ره دِرو کمبه تِسّه

بخاری رِ هیمه چو کمبه تِسّه

مره خَور هِدانه خانی بِئی

تنیر ِ نونا دِشو‌‌ کِمبه تِسّه


✍ #حوا_واحدی_گشنیانی
📸 #فرشته_اصغری

@daronkolaaa

کَسو ته بالِ سر تن دارنی خَسّه

کَمِل، کوفا کِنّی دَسّه به دسّه

کیله رِه پِر کِنّی، هشت بَهیّه مَشت

ته اَتّا سالِ خَرجِ ، تِرِه وَسّه


✍ #حوا_واحدی_گشنیانی
📸 #اسماعیل_عبدالله_زاده

@daronkolaaa

هِــوا اَمــرو بهــار ِ وا ره دارنه

زمین هَنـدا نِشــای را ره دارنه

ته خسّه دوشا بالِ دور، نشاگِر

نفـار اَمرو تِه‌وِسّه جا ره دارنه


✍ #حوا_واحدی_گشنیانی
📸 #نرگس

@daronkolaaa

کجه بورم ته عطره بو هاکنم

شه وارش دَیته چشّه خو هاکنم

کجه دری ته مه دنیای خِشی

شه دل ِ دردِ تِسّه رو هاکنم


✍ #حوا_واحدی_گشنیانی
📸 #کانال_تلگرامی_درونکلا

@daronkolaaa

هِمِنّ ِسوزِ دیم، مه چِشه سوئه

مه دلگـــرمی، بهار ِ رنگ ِ روئه

بَخون بلبل، مه دلّه نِشکِن اَمرو

ته وَر دَیِّــن، مِــه وِسّــه آرزوئه


✍ #حوا_واحدی_گشنیانی
📸 #کانال_تلگرامی_درونکلا

@daronkolaaa

بمو وارِش، تیلِن هاکِرده او ره

بِوارسّه، بَشِسّه، چِشِ خو ره

اتی لَستر بِوار ابرِ بهاری

خو بَوینم شه دلِ آرزو ره


✍ #حوا_واحدی_گشنیانی
📸 #کانال_تلگرامی_درونکلا

@daronkolaaa

دیزْنونّه بیارِم کِتری بِلِم سَر

چایی بار هاکِنم از عشقِ دلبَر

کولِکّه دی هادِم تا که بسوزه

تِمومِ غمِ دِنیا ره هادیم پَر


✍ #حوا_واحدی_گشنیانی

@daronkolaaa
#کانال_تلگرامی_درونکلا

صواحی هَندا اِفتاب لو بِموئه

تاریک ِخِنه ی چِشْ سو بِموئه

روجینّه وا هاکِرده جانِ دلوَر

بِهارنارنجِ بِکّ و بو بِموئه


✍ #حوا_واحدی_گشنیانی
📸 #کانال_تلگرامی_درونکلا

@daronkolaaa

بمو وارِش، تیلِن هاکِرده او ره

بِوارسّه، بَشِسّه، چِشِ خو ره

اتی لَستر بِوار ابرِ بهاری

خو بَوینم شه دلِ آرزو ره


✍ #حوا_واحدی_گشنیانی
📸 #کانال_تلگرامی_درونکلا

@daronkolaaa

گلِ نرگس، تِره مِن دَسّه کِمبه

تِمومِ دلخشی ره رَسّه کمبه

تره بو کشمّه صبح تا نِماشون

شه دلِ ناخِشی ره خسّه کِمبه


✍ #حوا_واحدی_گشنیانی
📸 #نرگس

@daronkolaaa

بِلِنّه سیِّ سَر، مه دَم زَنونه

گت ِ لَته، مِنا یار ِ میونه

نَدومّه، دِلبِخاره چه گِمونه

صِواحی نِماشون، کَم اِنه شونه


✍ #حوا_واحدی_گشنیانی

@daronkolaaa
#کانال_تلگرامی_درونکلا

صِواحی، خو ره دِرو کمبه تِسّه

بخاری رِ هیمه چو کمبه تِسّه

مره خَور هِدانه خانی بِئی

تنیر ِنونا دِشو‌‌ کِمبه تِسّه


✍ #حوا_واحدی_گشنیانی

@daronkolaaa
#کانال_تلگرامی_درونکلا

سَرینّه بِهِلم، سَرّه هادِم دَم

عُمِر، بورده خَله، بَمونِّسه کَم

قِت و قُوِّت دَنیّه دوش و بالّه

کِدورِت مه زانو رِه هاکرده خَم


✍ #حوا_واحدی_گشنیانی

@daronkolaaa
#کانال_تلگرامی_درونکلا

جانِ پِرِ خِنه رِ او سَر هایته

وِنه بار و بِنِه رِ او سَر هایته

بومِ کاتی رِ اویِ رو بَدیمه

مه هَر دِ چِش خِنه رِ او سَر هایته

✍ #حوا_واحدی_گشنیانی

@daronkolaaa
#کانال_تلگرامی_درونکلا

ته خَنّه مه دوای درده، دونّی؟

دَنیواشی مه خِنه سرده، دونّی؟

بِرو تا قدرِ همدیگه بدونیم

اَمه دِنیا خله نامرده، دونّی؟

✍ #حوا_واحدی_گشنیانی

@daronkolaaa
#کانال_تلگرامی_درونکلا

مه تنْ خَسّه ی اوضاع ِزَمونه

مه چِشْ هر لحظه گیرْنه ته نِشونه

کجه بوردی تِره دِرْ بیْیّه بورْدِن؟

مثله تازه چِلیک گیرْمه بِهونه

✍ #حوا_واحدی_گشنیانی
📸 #سیدحسن_مقدسی

@daronkolaaa