🍃🍂🍃🍂🍃🍂🍃🍂بسمۀ تعالی
🍃((یلدا شو، امینه، جشن و سروره))
🍃یلدا شو، امینه، جشن و سروره
🍁کسالت از همه ایرانی دوره
🍀همه دوس دارننه دورِ همی ره
🍂همه اهل خِنَه دور و وری ره
🍃بزرگ هر فامیل دارنه تدارک
🍁همه جمع ووننه هرچاق و نازک
🍀ادّا مهمون داره، ادّا محبّت
🍂ادّا شعر خونّه بر، حافظ رفاقت
🍃ته فالِ گیرننه، حسب تفعّل
🍂تو دنّه و خدا، هاکن تعقّل
🍀یکی هم شعرخونّه از باب این شو
🍂بِگو بِخن وونه، امشو سر شو
🍃ادّا جُک گنه و، ادّا خاطره
🍁رعایت وونه، تا نوو مسخره
🍀تلاش هر که وو، دل بیاره دس
🍂ز خنّه تا جایی، همه بوئن وس
🍃همگی دننّه این شو درازه
🍁سر شو تا سحر دروازه بازه
🍀شویِ راز و نیازه ، تا سحرگاه
🍂ملایک ورنِنِه بالا به درگاه
🍃هر جا که رد وُونِه دارننه مهمون
🍁خدایی این شو ره، دارننه ایمون
🍀جمعِ هر خنه از فامیل و هر بوم
🍁بساطِ اون خنه، آجیل و بادوم
🍃سماور جوش و، قری کته وه سر
🍂پلّخ پلّخ کنّه، گنه خاک مه سر
🍀چایی ره بخوارن، قری معطّل
🍁تازه دَمِه، وه بو، هسّه معطّر
🍃کلاش کلاش دینه آجیل ره هر وقت
🍂ته دلخواه اَینِه رو، تو هسّه خشوقت
🍀کامِ شکم وونه غبغبِ گلی
🍁فشار نیّار به خود، هی هَتِکَلّی
🍃اگه کاه تِنِه نیئه،کاه دون که،تِه شه
🍂نَوو زحمت، نو که الآن مِنِه شِه
🍀حساب دمّالین ره، دار همیشه
🍁نَزِن با شنه تیشه، هر چی ریشه
🍃نییر آجیل گرونه، نیئه لازم
🍂اگه هایری تِنَه، سخت و مزاحم
🍀انار و سِف و همرو دَرِه هر جا
🍁آجیل ره کم بخوار، توم نَوو یکجا
🍃انار دونه دونه سِفِ مَیخِش
🍂اگه هندونه وو، تو سرخ، ته دسخِش
🍀مجلس شیرین وونه با هندوونه
🍁نشاط همگی هسّه نشونه
🍃انار از قرمزی لبخند دارنه
🍂سِفِ تازه فقط در بند دارنه
🍀مهم اینه همه خوشحال هسواشِن
🍁ته دل شاد و، ناراضی نواشِن
🍃دل ره شاد ها کردن، خیلی مهمّه
🍂از اون خِشتر نیئه، هر چی که دمّه
👈تو سابع یلدا شو، ها کرده شوخی
✨الهی امشو خِش وو، تا صوایی
♦️روز
#سهشنبه مورّخه ۱۳۹۷/۹/۲
✍️جناب آقای
#عباستوکلی (سابع)
🗻#روستایکلاونگاه🍃🍂🍃🍂🍃🍂@baladeh_e_noor