عصر دلفان

بِچِن بِرساقِ عشق ئَر دُورِ دُوری
دَماخِت چاخ و فالِت قوُرگُوری

بِراکَم! خُوئکَم! عیدئ که ها مائ
بِمارک وژت و هر که دوسَه مُوری

#مرتضا_خدایگان
#نوروز #نوروژ
#شعر_لکی

@asredelfan

وِرَه‌لا کَه کاوَه‌مارونِ گیسِت
بِلُویلِن شَپشَپَه‌تُویتُونِ گیسِت

خِری باریرَه وختِ چُویچ‌ومُویچَه
بِگرمِه باوِشت چُوی گَرتَه‌چُویچه

دَماکه، ئی انار تُرشَه بِشکِن
تِکی آو ئَر لِچِ لوچِم بِپِشکِن

بِنیش ئَر «دَم‌تنگ» و نو بارِه بازار
اناری ئِه انارِ «ژیرتنگ بار»

بِخَن تا باوَه‌جِد شوگار بایِه‌ر
گِه هور ئِه پِشت «ویزنیار» بایِه‌ر

سیاو ئَر سر سیاو ئَر سر سیاوم
تونی گِه مِه بِچی کم بورِه خاوِم

تو گِه زیتُوین سُوزی، تو گِه کاوی
تو گِه خوینی من و خوینی سیاوی

بِچم ئَر ئی تَنگَه نُومت بُواشِم
بنالم، «داگله» ئِه یک بپاشم

بچُویچِنمِت، بِچِنمِت ئِه دُوارَه
بِکَنمِت، ئِه نُوا بِنمِت دُوارَه

گِه آخر کی دیه آگِر حُنِک بو؟
تو دیتَه گِلمِتی عاشِق کُچِک بو؟

تو دیتَه مُونگ ئَه نوک دارا؟ مِه دیمه
هور و آساره ئَر یه جا؟ مه دیمَه

مه دیمه، هِن یَسَه هُونَه مَنالِم
اگر بُوینی مَزونی چُوینَه حالِم

تو دیته کَنی و کَل ئِه بَخَل یَک؟
کتوُن و باد و مشعل ئِه بخل یک؟

مه دیمه، هن یَسَه موشم مه دیمه
مه دیمه هِن یسه دیوانه بیمَه

نِموشی «بای‌بِردَه» دِلمَه موُری؟
مَلوُیلی، منزل ئَر منزلمَه موُری

کَل ئَر کَل تیمو ئَر تیمو وَه تُورتا
کل ئَر کل، آهو ئَر آهو وَه تُورتا

گُلاوِت داسَه دَس بادِ شَمالا
انارِ تو انارِ باخِ بالا

خدا وِژ باخِ تو آباد کَردَه
انار تو انار «باخ‌زردَه»

خدا وژ نُومِ نازارِ تو ناسی
وِژِه یِه شاخَه ئِه دارِ تو ناسی

گِلاناری وِجاخِ باخ سردَه
گِلارا لامَصُو ایلاخ سردَه

مه بی تو آومَه مُوری، چیشی ئَر سر
مَچو بی کِش ئِه «خورچی‌کش» میِه دَر

تو نُومِت «تنگ‌سیاوه» باخِت آباد
رَگِت «وار آسیاوه» باخِت آباد

دَمِت شِلکینیهُ و خُرما و رُوینَه
لُوه‌ت تِلیاقَه، گیسِت مار و پُوینَه

وَه ئی حالا گه ئِه داخِ تو داخِم
ولی مِه کُر کو و بوسون و باخِم

مَتُرکِم مامَه تُور دارَل انارا
دلم ئِه آو گِلادَه بِیتَه وارا

مَتُرکِم مامَه تُور دارَل انگُویرا
دیارَه دارَلِت ئِه بَرزِ دوُیرا

کَل أر کَل تیمو ئَر تیمو وه تُورتا
کو ئَر کو، آسو ئَر آسو وَه تُورتا

هُوره‌تاوِت کَموتَر هاتیه‌رَه
انارت شیر مادر هاتیه‌ره

داوار و مَشکَه و مالار و هیزَه
انارت خاصَه انجیرت عزیزه

#مرتضا_خدایگان

پی نوشت:
۱- داگِله: نام کوهی که زیرتنگ را از پشت‌تنگ جدا می‌کند و تنگه‌ی زیرتنگ در این کوه ایجاد شده است.
۲- بای‌بِردَه: بادی سرد و معروف در میان بومیان منطقه که قبل از طلوع خورشید شروع شده و تا چند ساعت وزیدن دارد و از تنگه‌ی سیاب وارد انارستان می شود.
۳- دم‌تنگ: ورودی زیرتنگ پس از عبور از تنگه‌ی سیاب که روستایی کوچک با همین نام در آنجا واقع شده است.
۴- خُورچی‌کُش: نام قسمتی معروف و با جریان تند در پایین دست رودخانه‌ی سیاب که از مناطق خطرناک این رودخانه است.
۵- وار آسیاو: قسمتی از رودخانه‌ی سیاب که پایین‌تر از یک آسیاب قدیمی قرار دارد و سال‌هاست محلی مناسب برای آبتنی اهالی است.


@asredelfan

مِن و تو هونه جوریمن اَگَر یَک
مَری فیک و بلوریمن اَگَر یَک

مِن و تو وَ یکا شِئرَه منویسیم
مَری شاکه و مَصوریمن اَگَر یَک

#مرتضا_خدایگان
#شعر_لکی

@asredelfan

مِه لَشِم خَرقِ دَریایَه، تو چُوینی؟
حَقِم ئِه عشق حُوَریایَه، تو چُوینی؟

حاول ئَژ ئی دلِ ژارَه مَپِرسی
مِه آومِه سر گُذریایَه، تو چُوینی؟

#مرتضا_خدایگان
#شعر_لکی

@asredelfan

#آگرآباد

▫️شعر:
و یه گل ئِه دس بالم چیه ره        
موشقی زخمیم بالت بیه ره
اگر ماو یه بژانگی ئِه وژت بار             
درکمی ها دله ره باریه ره

دروینم آگرآباده  مزانی                     
فقط هی داد و بیداده  مزانی
خمی که مه ئَه روی کوله مکیشم        
فقط گرداله فرهاده مزانی

▫️ترجمه:
یکباره از دست و بالم در رفت   
می بخشی! زخمی ام، آستینی بالا بزن
اگر برایت ممکن است مژه ای از خود بیاور 
خاری در دلم است، آن را بیرون بکش

درونم سرشار آتش است و می داند  
فقط افسوس و بیداد است و می داند
غم و اندوهی که من به دوش می کشم 
فقط برای فرهاد قابل فهم است
🎼🎼🎼
خواننده: #حسین_رضا_اسدی
آهنگساز: #شهرام_منظمی
شاعر: #مرتضا_خدایگان

تار، عود، بم تار : #آزاد_میرزاپور
کمانچه، ویلن آلتو: #علیرضا_دریایی
تمبک، دف، دایره، دهل، ضرب زورخانه: #سینا_مهری
سنتور : #شهرام_منظمی
ضبط: استودیو نغمه سازان
میکس و مسترینگ: #احمد_میرمعصومی
طراح گرافیک: #حسین_ابراهیمی_گُلباغی


@asrerelfan

#پلامار
خواننده: #حسین_رضا
تنظیم: #مهدی_مرتضایی
ترانه: #مرتضا_خدایگان
@asredelfan
#فولکلور #لکی #حماسی #تراژیک

چِلَه بِرّ

خواننده: #حسین_رضا
تنظیم:#مهدی_مرتضایی
ترانه سرا: #مرتضا_خدایگان
#لکی #آلبوم_هنارس

@asredelfan

متن ترانه آوياري زَل
شاعر: مرتضا خدایگان

دلم ئِه جا کَنیر و پَل پَلِم کِرد
اَرا یَه بوسی ئَه لاتا شَلِم کِرد

وَ یِه گِل گَرت و توزِت مَن،وِژِت چین
وَ دینِم عُمری آویاری زَلِم کِرد

نیاتَه داخی ئَر دِل آ نِمَه‌چو
خَمِت بارِ هُوَلَه ئِه جا نمه‌چو

مِن و دِل هَر دِکی لیوَه تونیمِن
ولی آومُونَه یِه جورا نَمِه‌چو

وَ یَک بوشی و دو بوشی مَوازِم
دو صُو بوشی ، سِه صُو بوشی مَوازِم

دو دسماله، چَپی، ئِه لا کَتی، راس
وَ هَر سازی که تو بوشی مَوازِم

#مرتضا_خدایگان
#آویاری_زل
#شعر_لکی
@asredelfan

خواننده: #رسول_مومنی(کاوش)
#آویاری_زل
شاعر: #مرتضا_خدایگان
آهنگساز، تنظیم‌کننده و نوازنده كمانچه: #داوود_رضایی
#موسیقی_لکی
@asredelfan

🎥🔺 موزیک ویدئوی لکی #هنارس ارکسترال

#حسین_رضا_اسدی
#جواد_شاهی
#مرتضا_خدایگان
با کیفیت متوسط

@asredelfan

یکم اردیبهشت زادروز هنرمند برجسته دلفان حسین رضا اسدی
#آمان_گُلیا ترانه فولکلور
#حسین_رضا
#مهدی_مرتضایی #مرتضا_خدایگان
@asredelfan

#آواز_گلارا
باصدای: #حسین_رضا_اسدی
ترانه: #مرتضا_خدایگان
@asredelfan

#آواز_گلارا
باصدای: #حسین_رضا_اسدی
ترانه: #مرتضا_خدایگان
@asredelfan

#آواز_گلارا
باصدای: #حسین_رضا_اسدی
ترانه: #مرتضا_خدایگان
@asredelfan

#آواز_گلارا
باصدای: #حسین_رضا_اسدی
ترانه: #مرتضا_خدایگان
@asredelfan

چِلسِرو
خواننده و آهنگساز: #حسین_رضا_اسدی
موسیقی: مهدی مرتضایی
ترانه: #مرتضا_خدایگان

@asredelfan

چِلَه بِرّ

خواننده: #حسین_رضا
تنظیم:#مهدی_مرتضایی
ترانه سرا: #مرتضا_خدایگان
#لکی #آلبوم_هنارس

@asredelfan

#پلامار
خواننده: #حسین_رضا
تنظیم: #مهدی_مرتضایی
ترانه: #مرتضا_خدایگان
@asredelfan
#فولکلور #لکی #حماسی #تراژیک

💥🔴 آهنگ بسیار زیبای لکی

عنوان: هِرَنگ
از آلبوم ماندگار لکی هنارس

خواننده: #حسین_رضا_اسدی
تنظیم:#مهدی_مرتضایی
ترانه سرا: #مرتضا_خدایگان


@asredelfan

.
.

ئَه دَر باخِ دو چَمِت آگِرِم دَه
ئَه سَر داخِ دو چَمِت آگِرِم دَه

هناسی! #چوارشمه_سویری نِزیکَه
وَه چَخماخِ دو چَمِت آگِرِم دَه...

#مرتضا_خدایگان

چوُارشَمَه سوُیری کُلتون بِماِک بو و بی قضا💚