إبداعات حسينية

#مسابقة_أنا_حسيني

🟢 #المشاركة_الفائزة_هي:
#للشاعرة_أم_محمد_الحجاج

4⃣ ✅

يبو الاكـبر مـحرم گــــربت ايّـامه
دخيلك لاتظل مهـضــومه خدّامه
ضعنكم بالدرب جاي
فــارگــناكــم هــواي
خادمكم محـضّر للـــعـزه حـزامه

▪️▪️

گبل لاتوصل ضعونك يبو سكينه
نـريـدك سـيـدي تـتـفـضّل علـينه
يالتدري بعشــگنه ولهــفة البـينه
نحــضـر كربله نــقدم تـعــازينـه

على الگبة الشـريفة نـبدّل الراية
نعلن موسم الدمـعة والقـــــراية
نثوّب للضـــعن ماي
فارگـــناكم هـــواي
خادمكم محضّر للعـزه حـــزامه



①✍🏻 #الشاعرة_أم_محمد_الحجاج/ العبادي

▪️▪️

بمحرم كل سنة تجمـعنه بمصابك
نطوف بحضرتك ونـقبل اعــتابك
نلبي بصوت عالي وتسمع احبابك
نحس امك اويـانه وحامله ثيابك

العزائك تنشـر اثيــابك يمـــولانه
وتهل دمعة حزنها بحــرگه ويانه
نركض جينه حفاي
فارگنـــاكم هــواي
خادمكم محـضّر لـلعـزه حــزامه


②✍🏻 #الشاعرة_أم_عباس_العبادي

▪️▪️

بدمعـات العقيلة ودم علي الاكبر
وبچفوف الگمر وبگطعت المنحر
وبــغربة رقــيه بدم اذنــها الخر
نريدك تفزع النه سيدي وتحـظر

تزيل الشده بيدك نعـرف جوابك
ويهل شهر المحرم واحنه خدامك
واجي للحضرة عناي
فارگـــــناكم هـــواي
خادمكم مـحضّر للــعزه حـــزامه


③✍🏻 #الشاعر_سيد_فاخر_الدنيناوي

▪️▪️

يسلـطـان الگـلب يبن الزچيه
مانـعـيش بلا لـطم وبلا عزيه
گرب شهرك يبو سكنه ورقيه
مد چفك وفك باب الحسينيه

محرومين صرنه من الـمجالس
واحدنه اشكثر بدموعه واهس
حارمنه هالداي
فارگناكم هواي
خادمكم محضر للعزه حزامه

④ #الشاعر_عمار_حسن_الدراجي

▪️▪️

محرم نعمه للشــيعه تعــم بــيها
نحَيّي اظعونك وزينب نواسـيها
حسره بـكل گلـــب لا لا تـخـليها
بدعائك سيــدي الأمــه تنَــجّيها

تشب النار بينّه ودمـعه عالوجنه
نريد ايعود صوت اللطمه والونه
بعد ظل يمك الراي
فارگــــناكم هــواي
خادمكم محـضّر للــعزه حــزامه

⑤✍🏻 #الشاعرة_ولائـية_وافتـخر (دعاء العامري)

▪️▪️

يالفوگ الترب ودمـومك خضابك
كرب النه وعد ونشاهد اصحابك
تدخل جنتــك لو توكــف ابــابك
يالمذبوح تصــرخ وآه يمــصابك


ياربنـه انتــوجـه ترفـــع الغــمـة
وتردلـنه المجــالس نعـمة الامـة
انادي لك يوفـاي
فارگناهم هــواي
خادمكم محضر للعـزه حـــزامه

⑥✍🏻 #الشاعر_مصطفى_الجوراني


@AsoaatHoseneua

🎤أداء #الرادود_إحسان_المالكي

✍🏻كلمات
#الشاعرة_أم_محمد_الحجاج\العبادي

┏━━━ • ◾️ • ━━━┓

@AsoaatHoseneua

┗━━━ • ◾️ • ━━━┛

🎤أداء #الرادود_محمد_كريم_البهادلي

✍🏻كلمات
#الشاعرة_أم_محمد_الحجاج/العبادي

┏━━━ • ◾️ • ━━━┓
@AsoaatHoseneua
┗━━━ • ◾️ • ━━━┛

🎤أداء #الرادود_عباس_الطليباوي

✍🏻 كلمات #الشاعرة_أم_محمد_الحجاج/ العبادي

┏━━━ • 🏴 • ━━━┓

@AsoaatHoseneua

┗━━━ • 🏴 • ━━━┛

#قصيدة_التجمع_الثقافي_لخدمة_الحسين_المشتركة

#القصيدة_المهدوية



أشـرقت سماؤنا .... بنورِ مَهدِينا
وأنورت سماؤنا .... بِنورِ مَهدِينا

إمامنا الثاني عشر
وجـده خير البشر
هو الإمام المنتظر

💐💐💐💐

أخـفاهُ ربُّ العـُلى مـثل النَبيُّ الكـَلـيـمْ
لا بـانَ حِـملنٌ ولا بـأمـرهِ مـن عـلـيـم
غـير الالـه الـــذي اخفى الولي الكريم
في فجرِ يوم اتى جاءَ الوليدُ العظـيم

أزهرت أرجـاؤُنا .... بنورِ مَهدينا
وأنورت سماؤنا .... بنورِ مَهدينا

يُجيـرُنا من الـظُلـم
وتزدهي فيهِ الأمم
هو الإمام المـنتـظر


1✍🏻 #الشاعرة_أم_أحمد_العبادي

💐💐💐💐

جـاءَ الإمـامُ الـذي قـَرْتْ بـهِ كُلُ عَيـنْ
تـاسِـعُ نــورٍ بـــداۤ ضـاءَ بهِ الخافِقَينْ
عـدلاً يَزِينْ الـدُنى ويـمـلأُ المَـشـْرِقَين
مفْـتاحُ بابِ الرجا ومـنقـذِ العـالمـيـنْ

أزْهـرَتْ آمـــالـنا .... بنورِ مهدينا
وأنورت سماؤنا .... بنورِ مهدينا

فأبن الحسن جاءَ بها
أشــرق نــــورُ ربـهــا
هـو الإمـام الـمنتـظر


2✍🏻 #الشاعر_مهند_الحسناوي

💐💐💐💐

آ يـالــهـا مـنْ فــَرحَـةٍ قد زادت الكون بهاء
شعت ضياها بـهـجـةٍ عالي عُلاها في السماء
ذا منـقذ الديـنِ أتـى من نسلِ أصحاب الكساء
والكون أضحى معلناً حـُباًُ لأبـِن الأوصــياء

تفاخرت أفراحنا .... بنور مهدينا
وأنورت سمـاؤنا .... بنور مهدينا

مـَتــى نــراهُ أتــياً
ولــلـصـلاحِ ناشـراً
هو الإمام المنتظر


3✍🏻 #الشاعرة_أم_عباس_هيثم_العبادي

💐💐💐💐

جـئناك قـلباً نـازفاً يـهديك جرحاً للجراح
فأنظر إلى قلـوبنا كالشمس تأتي بلصباح
أيا نسـائم عـمـرنا عـاث بـنا هـزو الريـاح
فيا ضماد جراحنا قد أثـرت فـينا الرماح

أثـمرت احـلامنـا .... بنور مهدينا
وانورت سـماؤنا .... بنور مهدينا

قد أيـنـع الوجــود
بـغــائـبٍ مـوعــود
هو الإمام المنتظر


4✍🏻 #الشاعر_حسن_لعيبي_الحريشاوي

💐💐💐💐

مـتی نـری شمـسـنا قد أشرقت من مغيب
طالَ الجویٰ سيدي غــوثـاً لـنـا يا حـبـيـب
العين قـد أبيـضـت والرأس اضحى مشيب
يـايوسـفي ثـوبـكَ فـيـه الـدوى يا طبـيب

يـرتـفـع لوائـــنا .... بنور مهدينا
وانورت سماؤنا .... بنور مهدينا

أعدائنا عاشوا الندم
أنـشــر لواءاً للــقيم
هو الإمـام المـنتظر


5✍🏻 #الشاعرة_أم_محمد_الحجاج/العبادي

💐💐💐💐💐💐💐💐💐💐💐

🎤اداء #الرادود_أمير_الفتلاوي

✍🏻كلمات #الشاعرة_أم_محمد_الحجاج/العبادي

┏━━━ • 🏴 • ━━━┓

@AsoaatHoseneua

┗━━━ • 🏴 • ━━━┛

🎤اداء #الرادود_حاتم_العتابي

✍🏻كلمات #الشاعرة_أم_محمد_الحجاج/العبادي

┏━━━ • 🏴 • ━━━┓

@AsoaatHoseneua

┗━━━ • 🏴 • ━━━┛

▪️السلام على المعذب بقعر المطامير▪️


جنازه حاضنهه الجسر
بيهه لزهره عطر
وكسرة ظلوع. وكسرة ظلوع
وچبد ضامي وسلسله
مثل غربة كربله
وكسرة ظلوع وكسرة ظلوع

1

چبد بالسم نمرد ماشرب ماي وبرد
بسجن هارون
وچبد صابوه بالسهم وصوط يروع بالحرم وساگ الضعون
حسين عالغبره يون وموسى وحده بالسجن تغيير اللون

چبد بالسم نمرد
ماحظر عنده ولد
ولااخو يمه حظر
بيهه لزهره عطر
وكسرة ظلوع وكسرة ظلوع

2

الليله (اليوم)وافاه الاجل عينه تتنطر اهل
حانت منيته
بالسلاسل منجرح تذبح بساگه ذبح
وين اهل بيته
ليل الم كلش صعب. يموت مابين الغرب
يم اهله ريته

گضت روحه من الالم
للاسف مات بهظم
گلبه بالحسره نفطر
بيهه لزهره عطر
وكسرة ظلوع وكسرة ظلوع

3

مات ماحظروه هله مثل جده بكربله
ما عنده ناصر
بقعر سجنه لوحده مات محد مدده
بليل المطامر
بالگيود وبالحديد. گضى عن اهله بعيد
اشبعد باچر

مات امام الرافضه
ما حظر عنده الرضا
حسين يمه ام الخدر
بيهه لزهره عطر
وكسرت ظلوع وكسرة ظلوع

4

بس حياطين السجن ونت وياه من يون
ياليل الفراگ
يجري لحبابه الدمع من حنينه منوجع
لعزازه مشتاگ
حيل لبنيته اشتهى امل ملگاها انتهى
من حگها تشتاگ

تحسب ايام وتعد
محسبه ليهه يرد
لجيت ابوها تنتظر
بيهه لزهره عطر
وكسرة ظلوع وكسرة ظلوع

5

لا عشيره الحظرته غربه شالو جثته
عالجسر عافوه
لا انصارولا اهل بذله جثمانه نحمل
عدوانه شالوه
دمه من ساگه يصب نعشه عافوه بالدرب
بگيوده خلوه

خلصن سنين الحبس
لچن جثه بالشمس
اه ياجرح الغدر
بيهه لزهره عطر
وكسرة ظلوع وكسرة ظلوع

6

طبره وظلوع وجبد نحروچفوف ومهد
لونار الخيام
لوالباب وحرگته لو الصوط وشوغته
لو جوع الايتام
سيدي مسنه الهظم. وامتلت جور وظلم
واذتنه الايام

السيف يمته تجرده
بينه شمتانه العده
زاد عن حده الصبر
بيهه لزهره عطر
وكسرة ظلوع. وكسرة ظلوع

وكسرة ظلوع

***********
#الشاعرة_أم_محمد_الحجاج/العبادي

🎤اداء #الرادود_عز_الدين_الشيخ

✍🏻كلمات
#الشاعرة_أم_محمد_الحجاج/العبادي
#الشاعرة_أم_عباس_هيثم_العبادي

┏━━━ • 🏴 • ━━━┓

@AsoaatHoseneua

┗━━━ • 🏴 • ━━━┛