🎵🎼گُلوَنی💥Laki🎶🎶

#مثنوی_لکی

وه نومِ خدائی گِه دایم هَسی

سَرِ چرخِ گَردو فلک ها دَسی

خدائی گِه مور و ملخ دونه مِه

وه کور و کَلنگ و گُوجَر نونه مِه

مَذانی گِه چَه ها دروینِ دِلَل

وه وارو مکیشی نقاشی گُلَل

نه نون و نه آوئُو نه خواو و نفس

نه باوه نه روله نه محتاجِ کس

خدائی اَنویر اَر پَلاره مَنِه

  اَذونِه بِلال اَر مِناره مَنه *

اَساره مگیسی وه حُکمِ اُوئه*

گیا اَر مَروئی ئِه تُخمِ اُوئه

بَلی اَر مَخارل نِمازه مِهِه

مَلیچِک ئه شوقَه گِه نازه مِهِه

خدایا مِه هر کاهلی کارِمَه

ولاتی خطا ئُو گُنا بارِمَه

تو بوری گُنامَر تِرازی نَنِه

حساو و کتاوِت ئه بازی نَنِه

اَ دنیا تو ایمَه خجالت نِهی

گرفتارِ تیژی عدالت نِهی

قلم تَر خطا ئُو گُناهِم بِکیش

بهشتی ئه لانِت اَرانِم بِتیش

___

فعولن؛ فعولن؛فعولن؛فعل

__


اُوئه: اوست
بلی: بلوط





#فرزاد_سیاهپوش

🌿🍃 #گلونی_Laki 🌺🎵

🟢 @Alshtariii

مَتَل عِشقِم اگر روژِئ کِتاو کَم

وفاداری وِژِم اَر بِئم حِساو کَم

اگر دردَل فراقِم کُل بِنویسِم

گَپَل فرهادُ مجنون کُل خِراو کَم.

#فرزاد_سیاهپوش

🌿🍃 #گلونی_Laki 🌺🎵

🟢 @Alshtariii

استاد "#فرزاد_سیاهپوش" متخلص به "فردا" شاعر لرستانی، زاده‌ی سال ۱۳۵۰ خورشیدی، در روستای سیاهپوش از توابع شهرستان سلسله است.
ایشان فارغ‌التحصیل کارشناسی زبان و ادبیات فارسی از دانشگاه ملی قم است و اکنون به عنوان دبیر در آموزش و پرورش مشغول به کار می‌باشد.
وی به زبان‌های لکی، لری و فارسی شعر می‌سراید و کتاب های "ویرمان" و "ساغر زرین" را به چاپ رسانده و مجموعه شعری به نام "زز" آماده‌ی چاپ دارند.
همچنین کتاب های مشترک ایشان عبارت اند از: " آوای ملکوت" و "زمزمه های عاشقانه"

🌿🍃 #گلونی_Laki 🌺🎵

🟢 @Alshtariii

ئِه صد دکتر اَرانِم بِئتری تو
ئِه نوشدارو گمانِم بِئتری تو

فِرَه هاتِن طَبیبَل بی ثَمر بین
وُژِت بورِه مَزانِم بِئتری تو

#فرزاد_سیاهپوش
#دت_لک
#هفت_سین_لکی


🌿🍃 #گلونی_Laki 🌺🎵

🟢 @Alshtariii 💥

فلک تیخ اَر سِخُونْ ژارَه مَکیشِئ
مِدُوم چوُ هُئل اَرا کارَه مَتیشِئ

مِه دُون اَر بُلبُلَه ماووژِم بِنیشِئ
قِلاژیلَه وَ گَلْ دارَه مَنیشِئ

هُئل:کج
قلاژیله: زاغ

#فرزاد_سیاهپوش


🔥☃️ #گلونی_Laki 🌪🎵

🔵 @Alshtariii 💥