🎵🎼گُلوَنی💥Laki🎶🎶

گلونی رنگین،چَهمِت رنگین تِر
شیرِن گلونی،وژِت شیرین تِر
شاعر چیو فرهاد کَشَ مَکَنِی
گلونی سرتو إ کَش سنگین تِر

#فرخ_شهبازی

#گلونی_Laki 🍁🎶

🟠 @Alshtariii  🔥

=========================
ــ🌸🍃🌸🍃🌸🍃🌸🍃🌸🍃🌸ــ

==== ‌گپ_و_گفت ====

#دوبیتی‌لکی

وٍتت : گاميـکه ، تا مٍ هـتن تو
وتم : ساليکه ، آورّی کتن تو
وتت : خو نازار ، نازاري دٍري
وتم : هر بؤوي ،پبٍين هتٍن دری
#فرخ_شهبازی_خرداد_98

وِتِت : چیمِم ؟ وتم : جومی شراوَه
وِتِت : نارِک ؟ وتم : سیفِ گُولاوَه
خِرّی آوردت ئر دورم وَ نازا
وتت : حالت؟ وِتِم : خیلی خراوَه
#رحمان_مریدی

وتم :بــوری ، وتت : عشــقت دروئه
وتم : مر عاشقی ، عشقی و کوئه
وتم " شو وم ، وتت : روژت مزانم
وتم : مردم ، وتت : دی هر یه خوئه
#فریدون‌مرادی

وِتِم : ئِه دارِ دُنیا هَر تو دیرِم
وِتِت : بیزارِم ئِه عشق تو سیرِم
خم و درد و فراق و بی خیالیت
مِنِ لیوَه خُصَه چَن چی تو بیرِم
#رحمان_مریدی_بیرانوند

وتم : آسـاره می باور نکـــردی
غــم ایــواره می باور نکــردی
وتم : بیـچاره بیـمه کل بــزانن
تو تنیا چــاره می باور نکــردی
#علی‌سوری

وتم : بوری ، وتت : ار باو مه نین تو
مه هر لالکیمو دویرا بین و چین تو
وتت : بوری ، وتم دی دنگ دلت باوژ
مگر تو دت خــدایی؟ یاگه کین تو!؟
#واحد_یاری

وتت : حــــالــم ارونت گــــن خـــراوه
وتم : چئمل مه چوے دو جوم شراوه
وتت : بے تــــو زنے مـه ڪــول عذاوه
وتم : دنیـــا مـــه بے تـــو هـــَر سـراوه
#گندم

وِتِم : بو وَسوسه گَن اِ دِلِم نآوژ
دِواره آگِرِ عِشق اِ کِلِـــم نآوژ
مِ کی مَتونِم اِ ری تــــو نه بوشِم!
بِچـو؛ دینِ یَکی تِر اِ مِلِـــم نآوژ
#جلال‌عبداللهی‌پیرانی(آبدانان)

وتت : بئر ای پیـــاله پــــر شــــراوه
وتم : یا مه خراوم یا یه آوه
وتت : یه خور خم ای ویر آیمه موری
نزونستت خمل مه بی حساوه
#علی‌میناپور

وِتت : شراو بَسه ! وتم وه سر چَم
الان بوش گِ مِ چیو زِنَئی وه سَر دَم
موتِت لیوِت بِن اَر لیوِم تا مَس بوین
مَی‌یِت منع‌و ، وژت چین و دی چَبْکَم ؟!

#منصور‌رضایی‌بهمرد


وِتِم : بِرمِت , وِتِت : یَه خو کَمونَه
وِتِم : مِرژِنگ , وِتِت : تیرَه , سنونَه

وِتِم : تیر و کمونت دا وَ دَس کی؟؟
وِتِت : چیمِم , که خوینی کل جهونَه

#رحمان_مریدی

🌿🌸🍃فعال ترین کانال لکی🔥

🎵 🎼 #گلونی_Laki 🎵 🎶
🔴 @Alshtariii 🔕

‍ خدا وه گردٍت

رفيقٍ تنیا ! خدا وه گردت !
ديدهٍ تماشا ،خدا وه گردت !

سفريت وه خیر ،گلارٍه راسٍم
بٍهتر إ لیلا ،خدا وه گردت

دم خوش کًر دلم، يادٍ فراخٍت
إ گيانم ساوا ، خدا وه گردت

بی تو مٍ شوؤم ، وه شوؤ چهمت !
روژٍ روشنا ، خدا وه گردت

مردٍم هور آوا دووا مکرٍن
لحظه ی هور آوا ،خدا وه گردت

کليلٍ دلم تماشا تو بی
رمز دلگشا ،خدا وه گردت

هسارم هتور وختٍ دوايه
هساره ی دووا ،خدا وه گردت

کانی آوي هت دوه شوؤ وه خاوم
زمزم و شفا ،خدا وه گردت

مچٍرٍم إ سر چيو مرخٍ ياحق
وه غولی دلا ، خدا وه گردت

#فرخ_شهبازی

⚘ 🦋 به کانال #گلونی_laki بپیوندید.
@Alshtariii 🦋 ⚘

دلم گيريايه ،آواره نکيني !
تو صاو چارين ،بیچاره نکيني !

دورٍس اربابٍ بازارٍ دلين تو
وه ارزان وايٍ بازاره نکيني

اگر دس و پل و پو مشکنيني
وه أ دارٍ دل آزاره نکيني

دورس دنیای ايمه دور دوره
رفيقٍ إ ، دورٍ بی عاره نکيني

دلم نوبار و نازار و سنگيينه
وه هرچی بوشٍ سٍمساره نکيني

دلم يٍ شاخه إ باخٍ بهشته
چوکل چو إ زمين زاره نکيني

شووٍ عاشق ،سرٍ جم سر صوويکه
شاوار شينٍ سرايواره نکيني

اگر پليا ورو شهرٍ دلی تٍر
تونی ،،ايمامه ،، ! آواره نکيني!

#فرخ_شهبازی

به کانال #گلونی_Laki بپیوندید.
@Alshtariii

پنج هجایی لکی

بِژَن تَمیره،
بژن تمیره
هاوارِ تونِم
نالِه دَروینه
بژن تمیره
شاخوشین واته
نُختِ اَزلُ
سرّ ضمیره


بژن تمیره،دَمِم بَسیایه
بژن تمیره،قلم شکیایه

قسم وَه وژِت وَه دوشای داوِت
خیال ژَنینت إ مِ بِریایه

بژن تمیره،خزان خیزانه
بژن تمیره،وَلگان رِزیانه

روژگار وِرو تو بِگر شاواوه
مگر چَهم داران چَمان بَساوه

بژن تمیره حالم خراوه
بژن تمیره جَرگم کاواوه

اَر وَه مَقامن اَر وَه شورّ موشین
وَه ر اَر بانِ وَه ر،کِیان مَتاوه!?

بژن تمیره دل گیریا مِنم
بژن تمیره رِی رّویا منم

بژن تمیره وَه نِیانا بوش
وَه پای نادویزپا دوهل دِرّیامنم

بژن تمیره بژن تمیره
حاوالِ تونِم،ناله دروینه
بژن تمیره شاخوشین واته
نُختِ اَزلُ سرّ ضمیره

#فرخ_شهبازی
#شعر_لکی

⚘ 🦋 به کانال #گلونی_laki بپیوندید.
@Alshtariii 🦋 ⚘

هور هتُ سرٍ وژ ،ناير بان شانت

إ آسو شانت ،رشياي دامانت

ايسکه مزانم گُلٍ سر آسو !

یه جا ماچ° هورًه اًر بانٍ شانٍت

#فرخ_شهبازی
#شعر_لکی

⚘ 🦋 به کانال #گلونی_laki بپیوندید.
@Alshtariii 🦋 ⚘