سی پریسکم، چو ذُخالم، حق درین نشناسینم
گیسِ چرمی وینه زالم، حق درین نشناسینم
🥀چَفت و چیلم چو چُکِل، چو تیتِکِ چل چل چِنِت
در همَ حال و حوالم، حق درین نشناسینم
🥀ژارِ ژارم، اَفلیجم، پَل پروازت چِنیم
شان کِز و شکسته بالم، حق درین نشناسینم
🥀بال بژانگ هیز دَه مِنم چو کاوِلی هواسَ مَکَم
دَسِ لا ژیرِ هُمالِم، حق درین نشناسینم
🥀یه مِنم چو گرگ پیری یه دِنان مِه دَم نیه
و خیالت حالی جالِم؟! حق درین نشناسینم
🥀تُرّ تَوَرزینت بپا؛ چو رنگ و روی گوَرانمیه
دارِ حوشکِ حوشکه سالِم، حق درین نشناسینم
🥀کس نمزانی کیام ! اِ ویر خلایق کُل چِمه
اَر مَخاری زِنیه چالِم، حق درین نشناسینم
🥀درد دوری آگری اَر تنگ دلم آ کردیه
کتیَسِه مال و موالم، حق درین نشناسینم
🥀شهر کُل مَسِ شِراو، إ عالم او در هَر مِنِم
لیخن آوه پِر قَپالِم، حق درین نشناسینم
🥀کُل ولات خاطر جم و نازارَلان سر مَسِ خاو
هَر مه هوکاره م بنالم، حق درین نشناسینم
🥀#علی_خدادادی(بیداد)
#علی_بیداد#سی_پریسک #شعر_لکی🌿🌸🍃فعال ترین کانال لکی
🔥🎵 🎼 #گلونی_Laki 🎵 🎶🔴 @Alshtariii 🔕