مه لَکم نه کُردم نه لُرم
لَکی اصیل ایران ت بارم
خانَل لکستان، کُلان سَردار بین
کُل لَک زووان، کُل هَم قطار بین
آیلَل کرمانشاه، اِ هوز شیرانِن
کاکاوند بالَن، اِ هوز پیرانِن
یه هوزمانوند، سَر وجاخ خانه
جلالوند جا، هایتیَر اَ بانه
سَر فیروزآباد، سَر چیمِکانه
درو هومایوند، پِر زور و گیانه
بیستون قدیم، قلا دِژ مانه
مردم پایروند، برا وژ مانه
مرام معرفت، هار ای دیاره
لَکستان طلا تمام عیاره
بیرانوند چو پشت، مَرز لَکستانه
حسنوند سالار، لَک لرستانه
لَک نورآباد، لَک خوش زووان
الشتر پِرهِ ، لَکلِ جووان
کوهدشتی مِل و،ژیر زور نمورن
چو هَرسین تُقس و، تَک تَک مِل هورن
تو کُر طرهانی، بیشه شیرانی
باوان کاسی تو ، تاریخ مَزانی
ایلام زردلان، مردم هلیران
تاگَر دره شهر، گشت تِفنگه شان
خِزِل نهاوند، تا کریم خان زند
برا شهر صحنه، پسوند کُل مان وند
آودانان بوری، تو لَکه وارین
کنگاور جا اژ، لکستان درین
چو پشت لَک ایلام، تونین چرداول
شیوه شیرینین، چو پَل قرقاول
مرام معرفت، ها ای دیاره
لَکستان طلا، تمام عیاره
هاوار ای خُدا، وَ بی استانی
حق ای براله، ارا نستانی
نمَم کی ملکمان جیا کِردیا
تمام تاریخ مان، اِ ویر بِردیا
ارسالی
از خانم
#سمیه_دولتشاه از الشتر روستای دکاموند
⚘به کانال
#گلونی_laki بپیوندید.
@Alshtariii⚘