🎵🎼گُلوَنی💥Laki🎶🎶

📍 #پاچا

🔹 #روواڵە_دۆم_چۆک

          ➖➖➖➖➖➖➖➖

پاچاێ بی پاچاێ نۆی

روواێ بی دۆم چۆکێ داشدێ ئۆ وە روواڵە دۆم چۆک نومگیر بۆی .

یێ روژ رێ کتێ ار کوڵە مرخون داێاێ . هر یە گ بنیا ملەپرۆیشق کردن کڵەشێرل نێاتێ داێا هتێ ئێ دێار ئۆ قپونێ ار دۆم ،  داێا زور کە  رووا زور کە ،  داێا زور کە رووا زور کە ،  وە یێگلا دۆم رووا وە قپ داێاێر من ار جا ئۆ رووا وژ چێ ئە دۆیرە گرتێ  .

رووا هر چێ لاڵکیە داێا ،  هر چێ خودا وە هزارۆ یێ نوم چریتێ گ دۆم بێتێ ئێ دۆما وە گوش داێارا نچێ .

داێا وتێ ئە رووا ار مێت دۆمت بم ئێ دۆما بچۆ ارا لا بز بل ئۆ شیرم اران بار .

رووا قبول کردێ ئۆ چێ ارا لا بز بل وتێ :

بزە بلێ شیر بێ   شیر داێا بێ

تاگە داێا دۆم چۆک م ئێ دۆما دێ

بزە بله وتێ : بچۆ ئێ لا چنار وڵگم اران بار تاگه شیرت ئه بێن دم .

رووا چێ ارا لا چنار ئۆ وتێ :

چنارێ وڵگ بێ ، وڵگ بزە بلە بێ
بزە بلە شیر بێ ،  شیر داێا بێ
تاگە داێا دۆم چۆک م ئێ دۆما دێ

چنار وتێ : بچۆ آویار بار تاگە آوم دێ منیژ وڵگت ئە بێن دم .

رووا چێ ارا لا آویار ئۆ وتێ :

آویارێ آو بێ ،  آو چنار بێ
چنار وڵگ بێ، وڵگ بزە بلە بێ
بزە بلە شیر بێ، شیر داێا بێ
تاگە داێا دۆم چۆک م ئێ دۆما دێ

آویار وتێ :  بۆڵ نێرم بچۆ ئێ لا آسنگر بۆڵم اران بار .

رووا چێ ارا لا آسنگر ئۆ وتێ : 

آسنگرێ بوڵ بێ ، بۆڵ آویار بێ
آویار آو بێ ، آو چنار بێ
چنار وڵگ بێ ، وڵگ بزە بلە بێ
بزە بلە شیر بێ ، شیر داێا بێ
تاگە داێا دۆم چۆک م ئۆ دۆما دێ

آسنگر آزاێ بۆڵێ دۆرێس کردێ ئۆ داتێ ئە بێن ، رووایژ بۆڵ بردێ داتێ ئە آویار ، آویاریژ بۆڵ گرتێ ئۆ چنار آو داتێ ، چناریژ دۆما یە گ سێر آو هوواردێ باوشێ وڵگ داتێ ئە رووا ، رووا وڵگل ارا بزە بلە بردێ ئۆ بزە بلیژ هر ئە جورە گ قۆڵ داوۆیتێ شیر داتێ ئە بێن ، رووایژ شیرە بردێ داتێە داێا ئۆ دۆم چۆکێ سنێا .

         
#گلونی_Laki 🌺🎵

🟢 @Alshtariii