🍂کوچ کتی باوان کوچ کتی باوان/
او روژ ویم و رو کوچ کتی باوان/
ایلل دان ار بار روی نیان و شیران/
سیمالل رمیان خانگل بین ویران/
ایل طایفه جمیان بیگانه و خویشان/
بن کل دل کنین و ماوای ویشان/
ژ او بزم و بکو هر جارانشان/
هیچ باقی نمن نه نام نه نیشان/
هرچی چیم خردام دوسی و چیم نیم/
جامال دودمانم بوی و جارجوی دیم/
و او جیگه بزم هر جارانشان/
باده قو مکرد و جامالشان/
و او لامردانل جای خان خاوانی/
نه تخت بی نه بخت نه بزم مهمانی/
و او کویه و دشتل واهاران خرم/
نه دنگ دوس بی نه شادی نه خم/
رو پی خریکی جامال باوانم/
دنگ دوس نوی کور بو چاوانم/
نوین او لیلل شوخ سرون لار/
سامانت سا بو هانای روژگار/
و او جامیانل روی و ویرانی/
نه سیور بی نه پرس نه دزیورانی/
نه آوای سرنای نوروزخانم بی/
نه نیشانی ای یار خرامانم بی/
رو رو پی باوان "هر جور و پیشه م:"/
خم باوان کووای تیشه و ریشه م/
بخشی از شعر کوچ که در کتاب
#خریوه از سروده های
#لک_امیر منتشر شده است.
امروز این سروده پیشکش میشود به هموطنان
#سیل_زده و خانه بدوشمان در هر کجای ایران زمین که هستند.
💐⚘به کانال
#گلونی_laki بپیوندید.
@Alshtariii ⚘
