لطمية للجواد الشاعر قاسم الساعدي المندلاوي
****
مسجون ابگرب مسجون يم جده التقي مدفون
الكاظم ابزنزانة والتقي ابأحزانه
يم جده التقي مدفون
****مدمعنه لوَن يجري من دم ما نوافيكم
ولوَن موتتنه بالعتبة أبداً ما نواسيكم
أَعلام ابأرض بغداد عن حِكمة يخلّيكم
ربنه وحكمته وِحدة رغماً عاليعاديكم
عن حكمة العلي الجبار تهدون البرية اختار
ما رُحمَت عدوانه والتقي ابأحزانه
يم جده التقي مدفون
**مضمون السجن واحد بس انواعه ما تنعد
سجن قصري وسجن نفسي بيه هذا البشر يوعَد
واحنه انشوف ابو الهادي مسجون ابسجن مرتد
متوكل بني العباس ابكل نظرة عليه يشتد
لن شافه تحبّه الناس وامخالف بني العباس
ما زلزل إيمانه والتقي ابأحزانه
يم جده التقي مدفون
**يدري ابهالأمر يجري عليه لن يعرف العدوان
تحكُم بالمكر والسيف خارج منهج الرحمن
حضّر نفسه للطعنات بيهه بَصمة الطغيان
هاي الزمرة مكشوفة ما مخفية عالأعيان
يعرف شنهو معدنهم تروي هالكتب عنهم
ضَل شامخ عنوانه والتقي ابأحزانه
يم جده التقي مدفون
***شيّد بالصبر مجده وما مد للتجبَّر أيد
مجده ابصبره يتعلّه وحقد اهل النفاق ايزيد
ضده ومن تقارنهه حقد ضد المجد شيفيد
دوم اليلزم الرحمن يلگه امن العلي تأييد
كلمن خالقه ايأيده قطعاً يرتفع مجده
ما يرحم سجّانه والتقي ابأحزانه
يم جده التقي مدفون
***يبقه ابن الرضا تاريخ منه تاخذ الأجيال
جبل طبع الجبل ثابت من يعقَل جبل ينزال
بيه ما رحمت الأقلام ومنابر تجهَر ابأقوال
هيّه اندثرت وراحت وابو الهادي ابسمانه اهلال
اهلال ونهتدي ابنوره أله وسط الحشه صورة
الصار اعليه أذّانه والتقي ابأحزانه
يم جده التقي مدفون
☆●
#نضع بين أيديكم مجموعتنا وقنواتنا☆●
🚫مجموعة قنواة
🚫👇👇👇 #قناة_نعي @pwvhj #قناة_مخزن @alirsvl#تجدون_الحانكم @qrtahu #قناة_خاصه @Alispary❎❎❎❎❎❎❎❎🦋#ادارة_المجموعه_ملا_علي_الوسطي