🔘 قـناة عــبق الانـــتظار 313🔘

#نزلة

Канал

@Alispary Продвигать

1,1 тыс.

подписчиков

54,8 тыс.

фото

5,71 тыс.

видео

1,8 тыс.

ссылок

إذا كنت تدعو وضاق عليك الوقت 💓 وتزاحمت في قلبك حوائجك⚘ فاجعل كل دعائك 💯 أن يعفو الله عنك❣ فإن عفا عنك💥 أتتك حوائجك من دون مسألة 💫 قبل أن تغادر سلم على اميرك الغائب ✋ #السلام عليك يا صاحب الزمان 🌺 تواصل مع المدير أدارة ملأ علي الواسطي @Alizbynewbot

🔘 قـناة عــبق الانـــتظار 313🔘

#قصائد_محرم_١٤٤٠
#شهادة_زيد_بن_علي_ع
#الثاني_من_صفر
⬛⚫⬛⚫⬛⚫⬛⚫⬛⚫⬛⚫⬛⚫⬛⚫

#الشاعرة_أم_اثيل

قصيده #ندبة بحق المصلوب المظلوم
زيد بن علي الشهيد عليه السلام

حاجه عندي يزيد ابن علي
شافي المرضى وكلمن مبتلي

جيت مهمومه وكلبى بيه كدر
سيدي ومن عندي وضاك الصدر
فرج علينه يبن فارس مضر
وكضي الحاجات لينه يالولي

جايه ليكم دخيله واكول
يمته يامولاي هلشده تزول
جيت اتوسل بزهره البتول
ويوم اناديك يمولانه علي

اكضي الحاجه وبرد مهجتي
وشافي المرضا وشافي علتي
وبشدايد دوم انخه ايمتي
ولذي ينخاكم همه ينجلي

والذي ينخاك يبن الساده
كون تنطي هل مسيه امراده
تزيح كل اهمومه اتبرد افاده
شاره من عندك تشافي المبتلي

معجزه منك اريدن وبعد
هل مرض ينزاح عني ويبتعد
وتحفظ أولادي ورجال الحشد
وحفظ الشيعه وكومي وكل هلي

وأنه اراث لك يازيد الشهيد
العلم و المعرفة بكلبي يزيد
بجاه أبو اليمه الضل عاصعيد
تشفع انه اهناك انه وكل هلي

⬛◾⬛◾⬛◾⬛◾◾⬛◾⬛◾⬛◾⬛

#الشاعر_سيد_زيد_الفحام

معلوم هاي اخباره
للدوم تزهي انواره
يازيد الشهيد الماخضع للذل
لجل الدين ضحّه بدمّه ما أبخل

يالتنشدني عن زيد الشهيد اسمع
للذل والظلم هيهات ما يخضع
هذا ابن الامام الطاهر المنبع
ابن زين العباد العابد الأكمل

ضد سلطة هشام الطاغيه وظلمه
شهر سيفه الشهيد ومارضه بحكمه
لجل دين الله ضحه بروحه وبدمه
موقف للبطوله بثورته سجل

كشف زيد الشهيد بثورته الواقع
طلع عن دين جده المصطفه يدافع
فضح سلطة هشام الطاغية الطامع
بنهج جده الحسين بكربله تمثّل

عگب ما قاتل بسيفه وعزم باسه
انرمه بسهم المنيه وصوّبه براسه
وگع مصيوب يلفظ آخر انفاسه
غيور عله الشهاده بمهجته أقبل

تحت مجره النهر انصاره من واروه
لچن عدوانه ردوا عالجسم نبشوه
ميت منه خافوا عالجذع صلبوه
كل نيّتهم بصلب الجسد ينذل

جسم زيد الشهيد امن الدمه مخضوب
بقه اربع سنين عله الجذع مصلوب
مثل جسم الحسين بلا هدم مسلوب
ودم نحر الشهيد عله الجسد ينزل

صلبوا جسمه بس ما صلبوا افكاره
ظل زيد الشهيد ابموقفه وثاره
خالد للأبد ما طفوا انواره
مثل قرآن جيل لجيل يترتّل
⬛◼⬛◼⬛⬛◼⬛⬛◼⬛⬛◼⬛◼⬛

#الشاعر_الحسيني_فرحان_البزوني

#نزلة لاستشهاد زيد الشهيد

نال الشهاده
زيده بأراده
مثل جده السبط
بكل صفاته مرتبط
حته العباده
⚫⚫⚫⚫⚫⚫ ⚫⚫⚫⚫⚫⚫
ابن زين العابدين البيه تفاخر
نال وتلگه علومه من ابو الباقر
چنه جده حسين والله بيوم عاشر
ويشبه العباس جده البيه مأثر
كتابه حليفه
الجده خليفه
ابو فاضل بالضبط
بكل صفاته مرتبط
حته العباده
⚫⚫⚫⚫⚫⚫ ⚫⚫⚫⚫⚫⚫
اختار ليلة الأربعاء تبدي ثورته
يوم اول من صفر سار بحملته
داعي للحق والمنيه منتضرته
حته لو يصلب فلا غير شمرته
للحق دعاله
بهمه وبساله
صافي لا ماينخبط
بكل صفاته مرتبط
حته العباده
⚫⚫⚫⚫⚫⚫ ⚫⚫⚫⚫⚫⚫
من اخوه الباقر تلگه علومه
وسولفاله والده بالصلب يومه
وگله يبقه الوحده وتكثر همومه
مثل جده مسلم يفرون گومه
بجثته ايتمثل
وبموته الاول
عله شجره ينربط
بكل صفاته مرتبط
حته العباده
⚫⚫⚫⚫⚫⚫ ⚫⚫⚫⚫⚫⚫
ابن عبدالملك گلهم من تكتلوه
عله شجره اباب قصري علگوه
مثلو بالجثه اريدنكم تعذبوه
لا يكمل ثورته لازم تصلبوه
بمره تعذب
عالشجره يصلب
نفذوله هالشرط
بكل صفاته مرتبط
حته العباده
⚫⚫⚫⚫⚫⚫ ⚫⚫⚫⚫⚫⚫
وسفه خمس سنين مصلوب اعله شجره
لان راد اعله الفساد يسوي ثوره
بالگبر گلهم هشام وراد حفره
مثل جده ينادي زيد اعله الينصره
بسهم المنيه
من ال اميه
سارو بدرب الغلط
بكل صفاته مرتبط
حته العباده
⚫⚫⚫⚫⚫⚫ ⚫⚫⚫⚫⚫⚫
⬛⬛⬛◾◾⬛⬛⬛⬛⬛⬛◾◾⬛⬛⬛

#الشاعر_سيد_زيد_الفحام

#نزله .... في رثاء زيد الشهيد عليه السلام

گـوم يالموعـود بينه
شوف عمك صالبينه

گوم يالموعود مو طال الوعد
شوف عمك زيد مصلوب الجسد
لياوكت يبن الحسن تصبر بعد
سيفك البتار وينه
گوم يالموعود لينه

تدري يالموعود بالصار وجره
عمك المظلوم گطعوا منحره
عالجذع مصلوب يحزن منظره
والاعـادي مسلّبينه
گوم يالموعود لينه

شوف عمك زيد شوف بياوضع
بلايه راس وصالبينه عله الجذع
راسه للشام انهده وظل مرتفع
بس الك مشبوحه عينه
گـوم يالمـوعـود لينه

عالجذع مصلوب ظل اربع سنين
ما اله يالمهدي ناصر لا معين
هـذا زيد وابن زين العابدين
ما حصل واحد يعينه
گوم يالموعود لينه

ثار ضد الجور زيد بثورته
ضد هشام الطاغيه وضد سلطته
سيدي ولليوم ظلت نهضته
تشهد ايامه وسنينه
گوم يالموعود لينه

مثل جده حسين زيد بموقفه
ثار ضد الظالم وسل مرهفه
لچن ما ذبحوه ضامي من الگفه
ما نظر ذبحت بنينه
گوم يالموعود لينه

عمك المصلوب صابوا بالسهم
وجدك المذبوح كل صدره انهشم
گوم اخذ ثارك يبن كنز العلم
والوعد متنطّرينه
گوم يالموعود لينه
⬛◼◾⚫⬛◼◾⚫⬛◼◾⚫⬛◼◾⚫

177 viewsامي في ذمة الله 😭😭, 10:45

🔘 قـناة عــبق الانـــتظار 313🔘

قصيدة(#واضيعتنا_بعدك)
#نزلة_لقمر_بني_هاشم ع

فــــگــدنــاك     يــحـارس خـيـمـة اخــتــك
نــخــيــنــاك     عِــلــه الــــراس وعــذرتــك

                                   *---------------*---------------*

    يظِل ظلي ووجــه خــدري وامــانــي
    يضي عيني الفــگــد عينه وعِـمـانــي
    يبسملة الـحُــســيــن ونــحــره قـرآن
    شــرحــت بنحرك الســبــع المــثـانــي

الايـــــــــات     تــبــدّت وي جِــــربــــتــــك
نــخــيــنــاك     عِــلــه الــــراس وعــذرتــك

                                    *---------------*---------------*

    شفت صدر الخيم بي ضاگت انفاس
    ومــن خــوفــي قريت الفلق والناس
    يخويه الساتر الله اتــأخــرت لـيــش !
    يا حيل الحسين .. إلحگ يــعــبــاس

شـنـو المـاي     الـعِـطـش كــلــه لـكـلـمـتـك
نــخــيــنــاك     عِــلــه الــــراس وعــذرتــك

                                    *---------------*---------------*

    بخدري وبالخيم وبــگــلــبــي نـيـران
    و ظماي ٱمن الچفوف الهوت خجلان
    رســالــه لجربتك كــتــبـتـهـه الدموع
    هــنــيــئــاً شَيّعَتهه اچـفـوف عطشان

السـهــم ذاك     رمــــاهــــه وفــارگــــتّــــك
نــخــيــنــاك     عِــلــه الــــراس وعــذرتــك

                                    *---------------*---------------*

    نخيتك وانته ابـو الطف والـمــهــابــه
    والــ ٱمــربــيــه علي اعــرف جــوابــه
    من گتلك حسينك .. گتلي بـالــعــيــن
    السهم صـوب اعــيــونــك خاف صابه

الـنـظـر غاب     الــدمــه تــارس نـظــرتــك
نــخــيــنــاك     عِــلــه الــــراس وعــذرتــك

                                    *---------------*---------------*

    بچيت . ومو على الخيمه جـرت عين
    شـسـوي بخيمتـي وامـسـلــب حسين
    شــفــت سـيـف الشمر مـرفوع ليفوگ
    وعــرفــتــك يـعـبـاس ٱبــلايــه چفين

صــحـت آآه     الــقــصــد بـالآآه صـحــتـك
نــخــيــنــاك     عِــلــه الــــراس وعــذرتــك

                                    *---------------*---------------*

    اعله طول الغاضريه شـلــون اجَمعك
    يالـمـوذر .. واريــد بــحــرگـه اشيعك
    اشــم الـطــف شــبــر يتبع شبر كـوُن
    مـن اريــد اطلع يبو فاضل واودعــك

بــالــدمـــوع     يــخــي عــن بُــعــد زرتــك
نــخــيــنــاك     عِــلــه الــــراس وعــذرتــك

                                    *---------------*---------------*

✍️خادم الحسين ع
الشاعر سعد هادي الشمري

136 viewsامي في ذمة الله 😭😭, 10:47

🔘 قـناة عــبق الانـــتظار 313🔘

#شجاعية_لعلي_الاكبر ع
#نزلة_الليلة_التاسعة

يالاكـبـر    يحـيّــاك   يالاكـبـر

                                            *---------------*---------------*

كل جمال الدنيه وسـط اعيونك
وفخر يكفيك بـ علي ايسمـونـك
الـوجـه الابيض بالنبي يشبهونك
الموت الاحمر بالوغه ايوصفونك

يالتسحَر    مزاياك     يالاكبر

                                           *---------------*---------------*

أي شــرح مـا يـلـزم لتـعـريـفـك
وعـمّـك العباس صـاقـل سيفـك
انشاف ملك الموت نازل ضيفك
ايـنـام بگـرابـك وأمـره بـكيـفـك

وكت الكـَر     علي وياك   يالاكبر

                                         *---------------*---------------*

شـاب عـالـم ورع زاهـد عابـد
وويه جدك علي اشگد متوارد
المعركة اتطبهه بشموخ القائـد
و گـلـبـك مـن النـهـر اكثر بـارد

موت احمر     يملگاك    يالاكبر

                                             *---------------*---------------*

الحـرب كلمه وسيـفك اللي گـالهه
الغيره مُـهره وانته بــس خـيّـالهـه
الحومه من يشتد عجاج ارمـالـهه
اتصير ظلمه وتجي اتصير اهلالهه

تتبختـر     يمحلاك     يالاكبر

                                             *---------------*---------------*

السيف بيـدك چم دقيـقه ويعتگ
امثلّم اعله ارگاب أُميه من الطگ
ثـوب ميـت جيـشهم يابـو الحگ
بيـمـنِـتَــك ما يـنّــزع لا يـنـشَــگ

يتـگـنّـطـر    ابيمناك     يالأكبر

                                            *---------------*---------------*

ابـلا اعـنـان المُـهـره تلكِد بيـهه
الخيل والعسكـر سوه امبچيهه
خـدمة احسينك فـرض تدريهه
و عُـمر ما مـرّه قَضه امصلّـيهـه

من حيدر    يمعناك     يالاكبر

                                            *---------------*---------------*

✍️خادم الحسين ع
الشاعر سعد هادي الشمري

232 viewsامي في ذمة الله 😭😭, 16:44

🔘 قـناة عــبق الانـــتظار 313🔘

#نزلة_للقاسم_ع

نِزَل قــــــــران الفجر
عگب مــا صَلَّه الظهر
يا هلا بجسام
يا هلا بجسام
ــــــــــــــــــــــــــــــــــــ
صَلَّه خلف حسين فرضه
و للكلافة بـــــدم تِوَضه
سارعن دگــــــات نبضه
و دَوية ظَلّت تنسمع
شالته الغــــيره اعله عَمّه
حربه حربه و سلمه سلمه
هلهــــلت بالخيــــــمة أُمّه
عفية بوليدي السبع
شد علگ بيده اعــله گصته
و هالاجــت ســاعة فرصته
ياخذ امن الجيــش حصته
حنّة ما راد و شــمع

جدحن اعيونه الحمر
عگب مـــا صَلّه الظهر
يا هلا بجسام
يا هلا بجسام
ــــــــــــــــــــــــــــــــــــ
كاشخ بثــوب الامـــــــــــامه
للحســـــن لابــــــــس عمامه
امن الرگَـــــبْ شَرَّب حسامه
و زاح عن رمحه الضمه
امْبركع ابســــــــتر الجلالة
يجــذب الناظـــــــر جماله
نـوره نــــــــــــور الله تعاله
واصل الســــابع سمه
عوذة لابــــــــــــس للحماية
من حســـــــــــد عين البراية
محــــــــــاوط بنـــور الولاية
و حرز أُمّه فاطمة

يلالي چن وجه البدر
عگــب ما صَلّه الظهر
يا هلا بجسام
يا هلا بجسام
ــــــــــــــــــــــــــــــــــــــــ
تنضح الغيــــــــــرة بجبينه
ما يثني چــــــــــــف يمينه
ثابت ايمـــــــــــانه و يقينه
امن الغضب كله ارتجف
ناصَر احســــــــــــين ابثباته
من ابوه وارث صــــــــــفاته
لعمّــــــــــــه ناذر كل حياته
فدوتك يا عـــــــمّ هتف
طـلع بالفـــــــــــزعة الچبيره
و اسمه عـــــــريس العشيره
مبتسم راح المــــــــــــصيره
وجه ضاحك مـــن نزف

طلع للـــطف مبتشر
عگب ما صَلّه الظهر
يا هلا بجسام
يا هلا بجسام
ــــــــــــــــــــــــــــــــــــــــــــ
صال صـــــــــــولة علي بيهم
كَسَّر اسيــــــــــــوف البديهم
شردوا ابثـــــــــــوب العليهم
و انكتب كل مــــــا يلي
كالاسد بالحــــــــــــومة غاير
ساعة چـــــــــن نسر الكواسر
حَيَّر اجمــــــــــوع العـــساكر
حمزة هذا لــــــــو علي
شمعة بالمــــــــــيدان نـــازل
شمرة مــــــــن عباس حامل
و صاح يا عـــــم يابو فاضل
عوف هــذا الجيش الي

چن علي لــــمن يكر
عگب ما صَلّه الظهر
يا هلا بجسام
يا هلا بجسام
ــــــــــــــــــــــــــــــــــــ
علي غــــــــــــلاب الغوالب
ذاكه البسيفين ضـــــــــارب
سوّه بالعســـــــــكر عجايب
شبْله جاسم من هجَم
بچـــــــــــفّه دگ كل الايادي
ركضــــــــــت اگباله الاعادي
هتف من الله ســـــــــــدادي
و إلا افنيـــــــكم قَسَم
نازل اعليـــــــــــهم رعــــيده
و الغضب طــــــــــگ بوريده
چنّه ملك المـــــــــــوت بيده
منّه ما واحــــد سلَم

يحصد ارواح الكـفر
عگب ما صله الظهر
يا هلا بجسام
يا هلا بجسام
ـــــــــــــــــــــــــــــــــــــــــــــــ
ما يطخ الــــــــــــراس طبعه
لوله ما منگـــــــــطع شـسعه
چا تگطـــــــعوا قطعة قطعة
و فاضت الطف ابدمه
بطل و الجيــــــــــــمان عنده
مثل نعــــــــــــله البيده شده
هذا حجمه الــــــــوگف ضده
هيچ بالطــــف حَجَّمه
اعـــــــــــله اتم و ازگه صوره
أدّه يــــــــــوم الحمـــلة دوره
خالـــــــــــص بنيته و شعوره
عالارض مــــــن ارتمه

الفخــر بي يفتـــــخر
عگــب ما صَلّه الظهر
يا هلا بجسام
يا هلا بجسام
ـــــــــــــــــــــــــــــــــــــــــــــ
الحمدلله
#علي_حسين_الكناني

257 viewsامي في ذمة الله 😭😭, 09:29