#عندما_سار_الضعن_إلى_الضياع#كان_حامل_رمح_رأس_الرضيع#يمشي_بجانب_ناقة_الرباب#فقالت_مولاتنا_الرباب_مخاطبهراسك يمشي ويانه
وامك مثلك عطشانه
رمحك عالي انضرله.. ما راهم عليك
خاف الرمح ايهدونه
وراسك يبني يطيحونه
ليل إلي يمر اسهرله.. بس مدلي ايدك
ذباحك اجه بماي ويچفي يبني احذاي
يعاين راسك ويضحك
غده ليل بذبح صبحك
انزل يبني من رمحك
عشت ليش بعذاب
حرت شلون ارويك ما تحجي أمن احاجيك
أمن الناگه يمذبوحي
شفت ماي اشمرت روحي
وسفه زادت اجروحي
طلع يبني سراب
آه يالولد درب العذاب
آه يا حزن گلب
الرباب_
ضايع لونك وانفاسك
گبالي مترب كل راسك
يا وردتنه الذبلانه.. ضايع بالسبي
دايرهن عني اعيونك
اسئل جاوبني شلونك
لصوتك امك ولهانه.. ناغي يا علي
العطش ذبل معانيك وبايك كل محاجيك
متت وي ركبة الناگه
وعرفت يطول الملاگه
امك حيل مشتاگه
لحضن عاجر عليك
الدرب لا ما رحمنه وذباحك سلبنه
السبي أعظم أمن العاشر
راس بلا جسد حاضر
جسمك حصة الحافر
يايمه ارتجيك
شحمل بعد وشيامصاب
آه يا حزن گلب
الرباب_
انزل يبني لحضن امك
امسح خليني بدمك
شمس الحمره تغيرلك.. لونك يالولد
بيني وبينك احجيلك
فرصه وهمين ابجيلك
دم سالفتي تنزفلك.. اي عن المهد
ليش تصب دمعتك مشتاگه لضحكتك
مشتاگه اسهر بليلي
اناغيك وتناغيلي
اليوجع شنهيي اشكيلي
واشكي انه هم
السبونه عالي يحچون حتى الكل يسمعون
يسمعوني بدرب ضيعه
راسك گالو انبيعه
أمرهم كون منطيعه
ابچي صرت دم
يبني الحچي دلالي صاب
آه يا حزن گلب
الرباب_
تكبر چنه نسولفلك
حسين وأنه نعرسلك
وعمتك تضحك فرحانه.. وتدعي بالدمع
وابيض ثوبك للحنه
ما واحد لابس منه
وشوف امك كبرانه.. تشعلك شمع
اشو ما هنه الشموع وليش تصب الدموع
حلم طلعت سوالفنه
خضابك شفت مو حنه
چفن مو ثوب شو چنه
ولا صح الچفن
گماطك يبني سلبوك زغير وحيل اذوك
النحر ما نگدر نقبله
زغير وترسته النبله
تنزف أكثر وتحله
عيوني هل عمن
كلشي انتهه وكل عمري ذاب
آه يا حزن گلب
الرباب____
حسين سعد البهادلي
#اليلة_العاشره #عبد_الله_الرضيع
