* مـَوٌلاْتـِيِ يـَاْزَيْـنَـبْ *:
~~~ ~~~ ~~~ ~~~ ~~~ ~~~ ~~~
* قصيده لأستشهاد الأمام علي "ع" *
#تقرء_بأطوار_مختلفه...
~~~ ~~~ ~~~ ~~~ ~~~ ~~~ ~~~
واعليـــــــاه ... واعليـــــــاه
~~~ ~~~ ~~~ ~~~ ~~~ ~~~ ~~~
اليوم حزنانه الارض واهل السماء
يا علي صاباك أشقى الأشقياء
شيعتك بالنوح ضجت والبكاء
اتصيح ويــــلاه ... اتصيح ويــــلاه
~~~ ~~~ ~~~ ~~~ ~~~ ~~~ ~~~
اتصيح ياويلاه ضجت بالنحيب
يا حبيب اگلوبنه وانتَ الحبيب
يا علي لجرحك ولا ينفع طبيب
ضــــايع ادواه ... ضـــــايع ادواه
~~~ ~~~ ~~~ ~~~ ~~~ ~~~ ~~~
لراسك المطبور ماينفع دوه
يا عزيز الروح واغلى امن الهوه
جينه وي ام الحسن نلطم سوه
للفگدناه ... للفگدناه
~~~ ~~~ ~~~ ~~~ ~~~ ~~~ ~~~
جينه وي ام الحسن وام البنين
نلطم اعله الطاح مصيوب الجبين
ينتحب وينوح مهضوم الحسين
زينب اويــــاه ... زينب اويــــاه
~~~ ~~~ ~~~ ~~~ ~~~ ~~~ ~~~
انهضمت اخت حسين من هالفاجعه
ولشفيع الناس يوم الواقعه
تصرخ گلوب التوده امولعه
وآمامــــــاه ... وآمامــــــاه
~~~ ~~~ ~~~ ~~~ ~~~ ~~~ ~~~
يا أمير الكون يا نعم الأمام
صارت الدنيا على امصابك ضلام
الك من عدنه يمولانه السلام
ما گطعنــــــاه ... ما گطعنـــــاه
~~~ ~~~ ~~~ ~~~ ~~~ ~~~ ~~~
للنجف نبعث سلام لحيدره
بالشفاعه انطالبه والمغفره
بالحشر يا شيعته والآخره
اهناكْ نلگـــــاه ... اهناكْ نلگــــاه
~~~ ~~~ ~~~ ~~~ ~~~ ~~~ ~~~
* تمت بعون ألله تعالى *
* لشاعرة أهل البيت "ع" الملة ام ريام دخيل الركابي *
* و نسألكم الدعاء *
~~~ ~~~ ~~~ ~~~ ~~~ ~~~ ~~~
#ملاحظه:: القصيده من ديوان الدموع الزينبيه الجزء العشرون للشاعرة ام ريام دخيل الركابي...
