تالي الليـل هايزينب رحتي وين
بين الخيل ياجسد تتفگــــــدين
الله يعيـــــنچ
شفتي بعينچ
حال حسينچ
بين الخيل
-----------------------------
هيه بس هالليله باچــــــــر رايحه
عينچ اعله الحومه ضـلت شابحه
هاي چم مره اعله وجهچ طايحه
اتوكلي لخـــوانچ اقـــري الفاتحه
خاف الصــوت ينسمـع بيـــــــن الزلم
طلعي اسكوت امشي بطراف الجدم
بليله وضــــــلمه
تطلع حــــــــرمه
حسين اتحشمه
بين الخيل
--------------------------------
اشتـاگ لحسين الگـــلب وسوالفه
ينسمع صــــوتچ يزينــــب خايفه
لو طلع ونچ يگّـــــــــــــعد طايفه
عيونچ امن الخيمه اضن ماناشفه
لاتبچــين وضعه مايحمل بچي
لاتحچين يمرد بگلبه الحچـــي
طلـــعي اسهامه
ومسحي الهامه
دوري اعــضامه
بين الخيل
--------------------------------
انه زينب خـــــــويه اضـــنك ناسي
امن الخيم للـــــــتله شّـــيب راسي
اوياك احـــــــچي والحرگ بنفاسي
ماتو اهــــــــــلي بكربله وكل ناسي
بت ابيـــوت سكنه مو مالت سبي
شافت موت من ضربها الاجــنبي
بالبر هــــــامت
بنتك تاهـــــت
ويلي وطاحت
بين الخيل
--------------------------------
خــــــــويه سولفلي تلــوج اشمالك
اقنعني ميت حته اقــــــنع اطفالك
من اردن شنهي اگـــــل لعـــــــيالك
چـــلمة الخوه انتـــــهت وفعـــالك
ماغــــــطوك والشمس تحرگ حرگ
من سحگوك كل معــــــانــــيك زرگ
خويه شلونك
حمره عيونك
من اضـعونك
بين الخيل
-------------------------------
هايراس الرمـــــــــح عوفه اهنانه
ابچي عني وبچــــــي عن نسوانه
موش ذاك الاولـــــي الجــــــــابانه
عينه من الــــــــنزف شـــــو ذبلانه
صدرك وين ما عرفته امن الضهر
شابع طــين بيك شمســويه المهر
وجــهك دامي
وگلبك ضامي
وانه ايتــامي
بين الخيل
--------------------------------
الدنيا لـــــيل وحايره اتعنيــــــتك
شلون لو باچـــــر انه احتازيــــتك
من يمد ايده الشـــــــمر ياريــــتك
توگف اگـــــبالي وتذب چـــــفيتك
بسـك نوم شلون عينك غمضت
بين الگوم چم رقيه اتســـــلبت
شوف اشبيني
ســطرو عيني
هايحــــسيني
بين الخيل
#شاكر الصيمري*
:
:
#الناشرملاعلي_الواسطي🎤💥💥💥💥💥💥💥🎤⬆️ كروب ثوار الامام الحسين ع
⬆️ 👇🎖رابط الكروب
🎖👇https://t.me/joinchat/Dm7LlFLW9r1JyFtZ7evT6A🚫مجموعة قنواة
🚫👇👇👇 #قناة_نعي @pwvhj #قناة_مخزن @alirsvl#تجدون_الحانكم @qrtahu #قناة_خاصه @Alispary❎❎❎❎❎❎❎❎🚫اي مشكله تحصل في المجموعه مراسلة الإدارة
👇👇👇👇🦋#مدير_المجموعه_ملاعلي_الواسطي🔹#ادارة_الاخت_املي_الزهراء🌹#ادارة_عشقي_حسيني🍁#ادارة_وبك_اكتفي_يارب⚘