لطميه للامام الحسين
_
حسين خويه الليله جمعه
وين اسويلك ثواب
لاصحن لا سفره عندي
بالخرايب عالتراب _
حسين خويه الليله جمعه
وتنزل المغرب الروح ادري تتالم عليه
لوشفتني بس انوح
ناحله وشفت الشماته
صاعده فوگ السطوح
والهضم مر وجرعته
والقهر وي العذاب
_
الهضم مر وجرعته
عالجدم گوه ادوس
ما اگوم اگيام اصلي
انه اصليللك جلوس
راح من السوط متني
راح راسي امن الشموس
اعداك خلوني بخرابه
لاسگف لاعندي باب
_
لاسگف لاباب عندي
لاضوه وجن الضلام
خويه كفار السبونه مايعرفون الحرام
تنتحب ضلت اطفالك
بيش اغطيهه وتنام
وانه املك بس عباتي
وهيه ستري امن الاجناب
_
لافراش العندي افرشه
هايه ضلت بس عباتي
ومن اهد يوم التركتك يابس الساني ولهاتي
لو اجت روحك الليله
اتكول مالطمن خواتي
ليش مانصبن الماتم
تعتب وياذي الاعتاب
_
ليش مالطمن خواتي
تعتب اعلينه وتگول
وانه منعوني المناحه
مثل عدوان البتول
باجر اكشفلك رگبتي
من ترد ليك الحمول
انعمت عيني وعماهه
امگابله روس الشباب
_
هاذه راسك راح ارده
من ارد للغاضريه
حسين خويه لو اجيتك
لاتناشد عن رقيه
دولبوهه وشتموهه
اوياي ودتلك وصيه
اتگول بالبر شتتونه
وتفتر اعلينه الذياب
___
لشاعرة اهل البيت
ام ريام الركابي
➖➖➖➖➖➖➖➖➖➖➖➖➖➖:الناشر ملأ علي الواسطي :
🎤💥💥💥💥💥💥💥🎤⬆️ كروب ثوار الامام الحسين ع
⬆️ 👇🎖رابط الكروب
🎖👇https://t.me/joinchat/Dm7LlFLW9r1JyFtZ7evT6A🚫مجموعة قنواة
🚫👇👇👇 #قناة_نعي @pwvhj #قناة_مخزن @alirsvl#تجدون_الحانكم @qrtahu #قناة_خاصه @Alispary❎❎❎❎❎❎❎❎🚫اي مشكله تحصل في المجموعه مراسلة الإدارة
👇👇👇👇🦋#ادارة_المجموعه_ملا_علي_الوسطي#ادارة_ملا_اكرم#ادارة_الشاعره_العلويه_ام_رائدزوين#اشراف_الاخة_ام_يوسف💫
