والله صعبه فراگكم/بويه اخذني وياكم
بويه بويه ..... انه العليله
========
بويه وياكم اخذني اسرج الخيل
لو اباريلك رضيعك من يجي اليل
ناوي چنك للرحيل وعني اتشيل
وحشه يابويه عگبكم هنزل حيل
والفرگه صعبه اعليه/لو رحتو منهو الييه
بويه بويه..... انه العليله
__ انته مو گتلي يمرلچ عمچ ابيوم
لو علي الاكبر يجيچ ايجيب اللعلوم
مالفاني من رحلتو بس الهموم
ساعة الفارگتو عيني ساعة الشوم
الحزن شلل حالي/بس لايضل لتالي
بويه بويه..... انه العليله
____هم عليله وهم وحيده وعني ترحون
وگلبي چنه يگلي أيسي مايردون
من الزلم ضل بيتي خالي اصبر شلون
والله يابويه عگبكم مالي كل لون
يادار اهلي الزهييه/وحشه صفت خليه
بويه بويه..... انه العليله
____
بنيه وتفارگ ابوها وهم عليله
صعبه هاي الحاله كلش هم ثگيله
من رحلتو مابقتلي اي وسيله
غير دمع عيوني عالخد دوم اهيله
والعافته احبابه/دموعه تظل سچابه
بويه بويه ...... انه العليله
_عالدرب تنطر ضعنهم والدمع سال
مر العرابي بذلوله وشاهد الحال
گالت انزل عن ذلوله والدمه هال
حسين لو عارض طريجك سلمه مرسال
وتگله من ابنيه/اتگلكم بطيتو اعليه
بويه بويه .... انه العليله
____
وصل مكتوب العليله وشافه الحسين
راح يم زينب اخيته وتدمع العين
يگلها فوگ العطش گلبي صار نصين
واني لا ناصر بقالي ولالي امعين
سلملي بالله اعليها/حبيها الي وشميها
بويه بويه ..... انه العليله
=========
ابو باسم الزيادي
:
:
#الناشرملاعلي_الواسطي🎤💥💥💥💥💥💥💥🎤⬆️ كروب ثوار الامام الحسين ع
⬆️ 👇🎖رابط الكروب
🎖👇https://t.me/joinchat/Dm7LlFLW9r1JyFtZ7evT6A🚫مجموعة قنواة
🚫👇👇👇 #قناة_نعي @pwvhj #قناة_مخزن @alirsvl#تجدون_الحانكم @qrtahu #قناة_خاصه @Alispary❎❎❎❎❎❎❎❎🚫اي مشكله تحصل في المجموعه مراسلة الإدارة
👇👇👇👇🦋#مدير_المجموعه_ملاعلي_الواسطي🔹#ادارة_الاخت_عشقي_حسيني💫#ادارة_الاخت_وردالجوري🌹