أخوي أبعد عليه. مغبره الغاضريه
أصيح ومايرد صوت،،،،يمكن فركه الموت
مغبره الغاضريه
،،،،،،،،،،،،،
سوالف عندي وياك. أموت آنه بلياك. تعال وشاهد الحال
يروحي وسلوة الروح. غيابك زيد النوح. ونيني يصدع الجبال
غريبه بدونك آنه. ياكلبي وحنانه. تره بيه الوكت مال
يخويه من يجي اليل. أون بسكته مو حيل. لاتسمعني الانذال
بقيت أصفك بديه.،،،،مغبره الغاضريه
إذا مو الك إلمن. نشكي الحال عدمن كلهن عدهن اعتاب
محتاره بخواتك. ونوب اجمع بناتك. تصوب كلبي صواب
بغيابك كلبي مالوم. كمت أتوجه إذا كوم. او وجهي بلون التراب
مثل دمعة رقيه،،،،مغبره الغاضريه
أديرن وجهي لاوين. صرت محتاره بثنين. كفيلي والعلم طاح
مره انظر للحسين. ومره لكطع الايدين. واصيحن كافلي راح
كمت انده يميمون. تردلي خالي شلون. برجعتك تاخذ ارواح
خاف يفيض ميه،،،،،،،،مغبره الغاضريه
اصيح وماكو اجواب. ولاتسمعني الاحباب. يرد صوتي عليه
صحت ياخويه عباس. ترد لو اكطع الياس. تجي تاخذ رقيه
تصرخ وينه عمي. يجيب الغالي يمي. واشبكنه باديه
رقيه تريد ابوها. بتكم سكتوها. تره تحاجي المنيه
لابوها تريد هيه،،،،،،،مغبره الغاضريه
ونينك هدم الحيل. وشوفن نية الخيل. ترض ياخويه صدرك
احشم والعده تشوف. كامت تفتر صفوف. ولاواحد ينصرك
الشمر يتخطف يحوم. احلفك لنك تكوم. وعله البينه نخبرك
اخاف وكلبي ملجوم. وسيف الشمر مشؤوم. يحز ياخويه نحرك
بحقدهم آل أميه،،،،،مغبره الغاضريه
أسمعه يهوس الجيش. صحت مرعوبه ها ليش. ولا واحد سمعني
كمت ما أسمع ونين. صحت ياخويه يحسين. سكوتك هل فجعني
إجونه لصوب الخيام. عرفته حسين ماكام. شمر سبني وضربني
يكلي الجيتي بحماه. أخبرج هل ذبحناه. وذني هدومه ذني
وهسه انتي سبيه،،،،،مغبره الغاضريه
خادم الحسين عبدالكاظم الجابري
27/9/2019
:
:
#الناشرملاعلي_الواسطي🎤💥💥💥💥💥💥💥🎤⬆️ كروب ثوار الامام الحسين ع
⬆️ 👇🎖رابط الكروب
🎖👇https://t.me/joinchat/Dm7LlFLW9r1JyFtZ7evT6A🚫مجموعة قنواة
🚫👇👇👇 #قناة_نعي @pwvhj #قناة_مخزن @alirsvl#تجدون_الحانكم @qrtahu #قناة_خاصه @Alispary❎❎❎❎❎❎❎❎🚫اي مشكله تحصل في المجموعه مراسلة الإدارة
👇👇👇👇🦋#ادارة_المجموعه_ملا_علي_الوسطي#ادارة_الاخة_ام_يوسف💫