اللهم نسالك القبول بحق محمد وال محمد
يمته ضهورك سيدي يمته ضهورك
يمته ترفرف رايتك ويشعنه نورك
ملينه الفراك كل ساعه نشتاك
كل ساعه ننطر طلعتك ننطر حضورك
يمته ضهورك سيدي يمته ضهورك
...................................................................
مولاي طالت غيبتك طال نتظارك
ولدنيأ بعدك مضلمه وموحش نهارك
كل جمعة بدموع الحزن نتعنه دارك
بسردابك ندور أثر بيه نتبارك
ونادي بشواك كل ساعه نشتاك
كل ساعه ننطر طلعتك ننطر حضورك
يمته ضهورك سيدي يمته ضهورك
..................................................................
يمته يابن خير البشر ياگرة العين
بيدك ترفرف رايتك فوك الموالين
وعباس يرجع للخيم بجفوفه الاثنين
يرجع يجيب المشرعه العيال الحسين
ويكتبنه عشاك كل ساعه نشتاك
كل ساعه ننطر طلعتك ننطر حضورك
يمته ضهورك سيدي يمته ضهورك
...................................................................
مولاي شفنه بغيبتك فوك الضلم جور
عشنه بغيابك سيدي يوميه عاشور
بدولابه من فرنه الزمن سوانه ناعور
وحنه اعلئ بابك ننتضر ونقدم نذور
بينه العمر ضاك كل ساعه نشتاك
كل ساعه ننطر طلعتك ننطر حضورك
يمته ضهورك سيدي يمته ضهورك
...................................................................
مولاي ملينه الحزن ملينه الهموم
ملينه ننزف ولجرك يوميه ملجوم
دكينه بابك ولجفن ماشايف النوم
يمته يشع نور الشمس ويزيح الغيوم
باب الصبر ضاك كل ساعه نشتاك
كل ساعه ننطر طلعتك ننطر حضورك
يمته ضهورك سيدي يمته ضهورك
.................................................................
ياسيدي شفنه شكثر بعدك مأئسي
شفنه يزيد وحرمله بهية سياسي
وشفنه اليخونك سيدي من أهل الكراسي
الدين عدهم بس حجي وبس بلجناسي
وخلافك نباك كل ساعه نشتاك
كل ساعه ننطر طلعتك ننطر حضورك
يمته ضهورك سيدي يمته ضهورك
...................................................................
شفنه اليتاجر بلبشر وبدمهم يبيع
وليحجي كلمه بهل وكت ياسيدي يضيع
راية جذبهم من علت سموه تشيع
وبسمك تجارتهم صفت ريع بأثر ريع
شفنه اسمك نباك كل ساعه نشتاك
كل ساعه ننطر طلعتك ننطر حضورك
يمته ضهورك سيدي يمته ضهورك
...................................................................
يمته ضهورك سيدي يمته ضهورك
يمته ترفرف رايتك ويشعنه نورك
ملينه الفراك كل ساعه نشتاك
كل ساعه ننطر طلعتك ننطر حضورك
يمته ضهورك سيدي يمته ضهورك
...................................................................
✍✍✍✍✍✍✍✍✍✍✍✍ الشاعر الحسيني هادي حمدان الدراجي
👆👆👆👆👆👆👆👆👆👆👆👆قناة قصائد والحان
👇👇ادارة ملا علي الواسطي
..........
https://t.me/+UShxzSh6DyF31x9W