قصيدة لمولاتنا الزهراء "عليها السلام" كإني بلسان حال الامام علي "عليه السلام"يصف حال ابنته زينب "عليها السلام"
راح أكابر...ومن اردن للعقيلة احبس دمعتي
راح أكابر....ادري ما تحمل اذا شافت كسرتي
راح أكابر...راح أكابر
.....................
من ارد امن الدفن احبس الدمعه
اخفي عنها حسرتي وبسكوت انعه
تقنع شلون أمن اگلها ما كو رجعه
تموت لو صوت الحنينه ماتسمعه
راح أكابر..صعبة من تنشدني اجاوبها بعبرتي
راح أكابر....ادري ما تحمل اذا شافت كسرتي
راح أكابر....راح أكابر
✍🏻زينب الواسطي
____
انفض اتراب على صدر معبه حسره
وعين تارسها الحزن بعدج يزهره
لا تصدها عيون زينب تقره فكره
اندفنت اويه امي السعادة وبقت ذكره
راح أكابر..اتصبر وما ابين احزاني وجمرتي
راح أكابر....ادري ما تحمل اذا شافت كسرتي
راح أكابر....راح أكابر
✍🏻العلوية أم منتظر جمال الدين
__
صعبه مـن تنشدني عنها اخفي جوابي
وانـه دافـن بـالـترب اغـلـى احبابي
بالسؤال اتـزيـّد اجـروحـي وعذابي
اعليها روحي امألمه اشعظمه مصابي
راح اكابر .... ابـد مـاتـسـوه الحياة ابلا زهرتي
راح اكابر .... ادري ماتحمل اذا شافت كسرتي
راح اكابر.... راح اكابر
أم عــ
✍🏻ــلــي الـحـلـفـي
__
ابد ما تسوه الحياة وزاد حزني
والمصابج يم حسن كثران وني
شلون لمچانج اصد موحش كتلني
اشلون بحسين وحسن عنج نشدني
راح أكابر ...ومحد اليدري ابغربتي وابمحنتي
راح أكابر. ادري ماتحمل اذا شافت كسرتي
راح أكابر. راح أكابر
✍️أم أحمد الساعدي
__
انــه دافـن زهـــرتي بالگــلب والــروح
لوشفت زينـــب حـزينه تهيـج الجروح
حجاب امها بيه عطرها تشمه وتنــوح
صعب ياموقف اشوفه بگلبي مطروح
راح اكابر،،،، ادفن احزاني بعد ويه مهجتي
راح اكابر،،،،ادري ماتحمل اذا شافت كسرتي
أم صــــ
✍️ـــادق المنصوري
__
ادري لو رديـت زينب تنتضرني
ثگل جدمـي وللنزل بالگوه جرني
فگد امها ابكثر كـسـرتها كسرني
الوسن ما ضـن يمرها ولا يمرني
راح اكابر ،،،،، رغم ما طفوا ضوه عيوني وشمعتي
راح اكابر ،،،،، ادري ما تحمل اذا شافت كسرتي
ام سـ
✍🏻ـجاد العسكري
============
((( رابط راثيات العتره )))
تـــمـ بعون الله تعالى ـــت
باقـــ
✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 16 / ربيع الثاني / 1445هـ
🌙لانجيز حذف الاسماء
🙏🏻🙏🏻نسالكم الدعاء
🙏🏻🙏🏻قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره
https://t.center/Alaqela313