عباس هابيل الزينبي

نفتخر للموت جعفريه احنه
نفتخر للموت جعفريه احنه
.............

انته مرجعنه وفخرنه والهويه
انته يا صمام امان الرافضيه
انته نور العلم فوك الجاهليه
احنه من عندك تعلمنه القضيه

ناس التعاديك ما تصافحنه
............

هيه كلمة ولو تكلفنه المنيه
احنه شيعه ورافضيه وجعفريه
شعره ميحركون بينه الناصبيه
ولا يهزون العقديه المهدويه

جعفريه انصيح لو تذبحنه
.............

للمنيه اوياك ما نخلف عهدنه
حبك امن اجدادنه انورثه الولدنه
انته باب الحاجه حاشه ما تردنه
جعفريه وجعفر الصادق سندنه

لحضه لو ننساك لا تسامحنه
..................

موفقط بالدين غذيت المكاتب
علم طب وحته بعلوم الكواكب
مذهبك سيد على كل المذاهب
شي طبيعي تحاربه شيوخ النواصب

علمك بكل حين ما يبارحنه
.........

ما نسينه اوصيتك نحيي المجالس
ياابو عبدالله وصرنالك عوابس
والله بالخدمه فلا النه منافس
حته للموت اعله حبكم عدنه واهس

السبي وطاري دومه جارحنه
.............

#عباس_هابيل_الزينبي
#الليالي_الجعفريه

المن جاي الي والغالي اخذته
ياعيد الفطر گلبي فطرته
………..

المن جاي الي والدمعه بالعين
انه ابچي ويسكت بيه الحسين
وين انه يعيدي والفرح وين
حزنك خله بگليبي النياشين

لتسد الجفن گلبي خمشته
…………..

طبع كل عيد بي تتجمع الناس
ويجمعهم سويه بأجمل احساس
بس انه واخوي الغالي عباس
اجانه العيد بي نلطم على الراس

ليله مو فرح بالهم سهرته
………..

اذكرتها ايامنه لحلوه واجيتك
رحت بويه الكعدتك مالكيتك
صدك ما احضنك ولا اشم لحيتك
عساني لا عشت ساعة منيتك

يمن تجبرلي گلبي شو كسرته
…………..

ابوي الهيبه گلي شلون ياموت
على اچتاف الزلم ويضمه تابوت
ابوي الچان خيمه تسوه البيوت
وسفه جنازه هسه وما اله صوت

يتابوت الخشب معقوله شلته

…………..

ما كمل صيامه والدي وراح
وخلاني يتيمه اصفك على الراح
جبل هم فرگتك فوك المتن طاح
تره المهضوم يسكت دمعته صياح

ربحي بدنيتي الليله خسرته
…………..

يقاتل مرحب اكتل حزني بيه
تره اتمنه صرت جيت المنيه
يبويه اسألها روحي بكل مسيه
شجنيت ودمك ايسيل اعليه

راسك بيدي دم تنزف طبرته
………….

#عباس_هابيل_الزينبي
#الليالي_العلويه