عباس هابيل الزينبي

بـ أرض طوس غابت الگمره
سلامات يا ضنى الزهره
...................

مرتين مات الموته بالغربه
كل نسمه تدخل ريته حربه
بكل نبضه يصرخ ياهلي گلبه
الما يمه اخوته موتته صعبه

بالوداع ينكسر ضهره
...............

بس الله يعرف حالته شلونه
الحد موته تنزل دمعة عيونه
بس الغرب راحو يدفنونه
چاوين اخوته ما يشيعونه

اويلاه محد ايحضره
..............

يا ارض طوس اتوشحي بحزنج
راح اللذي يشيل الخطر عنج
راح الحشا ما خيبه الضنچ
لـ الله بسمائه وصلي ونچ

الرضا مات وحسرته بصدره

...............

ابعث عزائي الموسى ابن جعفر
حزنانه كلها البالبحر والبر
چن دله گلبي وفرگته المجمر
حزنانه كلها البالبحر والبر

خسرناه بحسره وبعبره
.................

والسيده معصومه اعزيها
هليله ليل افراگ واليها
بفگد الرضا هاليوم اوسيها
ضلت بعد من ينشد اعليها

بلا اخوان كسرتچ كسره

#عباس_هابيل_الزينبي
#الليالي_الرضويه

وداعاً ياحبيب الله ونبيه
وداعاً صاحت الزهره الزچيه
...........
محمد يا محمد  بالسلامه
عگب عينك صرت من اليتامه
عفت بين الوحوش ازغر حمامه
واجه الليل وعلن ساعه ضلامه

بعدك ولا اشوف درب المشيته
گلبي امن الوداع بويه لويته
يالرايح اوياك عمري خذيته

وداعاً يا ابو النفس الأبيه

............

يكون  ايصير ويخلوني  ادفنك
بنص گلبي واحس ابعيد عنك
ينبض البيه عايش وانه منك
هم مثلك فلا املنه  حزنك

شيصبر الروح يالفارگتها
يالرايح اوياك چا ماخذتها
چلمه هله ليش ميته عفتها

وداعاً يالعفتني شلون بيه
.................

ينور الله النزل ضوالي داري
عفتني بحسرتي وبروحي ناري
عفتني مدوهنه وتايه قراري
برحيلك بويه اعلنت انكساري

يا والدي وين يا الدللتني
ماضل بعد حيل من فارگتني
سعفه انه بجفاك وارجف عفتني


وداعاً حايره اوصفك بديه
.................

يجد اولادي يالعيشني خيرك
الهوا يخنگ لأن مابي عبيرك 
امن افراگك يبويه ارد استجيرك
امن ادفنك ياهو ليضل عندي غيرك

مثل امك اعليك گلبي بونينه
مو مالت اوداع روحي الحنينه
يجور الزمن راح بعدك علينه 

وداعاً فگدك امبين عليه

...............

وداعاً ياحبيبي وغمض العين
صفه بينك او بيني يحكم البين
نعم اي نلتقي عد راية الدين 
باللطف نلتقي عد نحر الحسين

نحضر للحسين ونشربه الماي
اتعبنه العظام المطشره هواي
من الشمس كون انصير اله فياي

وداعاً ونلتقي عند السبيه

عباس هابيل الزينبي

التغطيه المصوره لليلة امس
الشاعر عباس هابيل
الرادود مرتضى حرب
هيئة السبي
رابط المشاهده والمتابعه
https://vt.tiktok.com/ZS221A9vP/

احبتي واخوتي المتواجدين في القناة
شعراء ورواديد وخدمه للحسين
يامن ساقتكم قلوبكم قبل اقدامكم
لواحة العشق الحسيني (كربلاء)
لاتنسوني بالدعاء اولاً لتوفيقي في
خدمة الحسين عليه السلام
وثانياً لتوفيقي في ما تبقى من حياتي
واسأل الله ان يتقبل منكم صالح الاعمال ويرزقكم زيارة الحسين في الدنيا وشفاعته في الاخره اخوكم الاقل عباس هابيل💛

شامخ ماكدر يخفيك ذباح
حته بذبحتك متعلي برماح

.............

كبير هواي بس متواضع هواي
يتشرف تدوسه بجدمك الماي
الشمس يم نور وجهك بانت فياي

مثلك ماشرق بالدنيا مصباح


............

ياروح القدس ياسيد الاحساس
شذرة محبسك اثمن من الناس
من گالولي محتار اعله عباس

اتخيلتك جبل وايده اعله الاصفاح

............

ذبحوك ونسو دم الكرامه
تشربه الگاع وتخضر نشامه
يضل ينضح مواقف للقيامه

دم المنضلم خوف السفاح

...........

كل هاي السمه وهاي الوطيه
ارخص من دمع بنتك رقيه
حسين بكلشي انته الأولويه

ومو مني الحچي هذا الاصحاح

............

ضنهم ما نعرفك من يخضبوك
بالسبعين الف رادو يرهبوك
بطبول الحرب ضنهم يسكتوك

وانته بكل هدوء نشزت الاصياح

#عباس_هابيل_الزينبي
#محرم_1446

https://youtu.be/iEDa7A9B7z0?si=BCd23C7pUmf2QGg8

عمه سيفي انطيني
باسم الكربلائي
كلمات عباس هابيل الزينبي
القصيده كامله

عمّه سِيف اِنطيني
وَحده ظَل احسيني
-
نزل العزاء | ليلة ٢٥ محرم ١٤٤٦ هـ
الحاج #باسم_الكربلائي
للشاعر #عباس_هابيل_الزينبي


#محرم_1446 | #الليالي_السجادية

سلاماً على الضعن الزينبي
سلاماً عدد خطوات السبي
...........
سلاماً عالجروح الكلش كبار
سلاماً عاليتامه الكلش زغار
سلاماً عالعبي المحترگه بالنار
سلاماً عالمشن فوك الرمل حار

حسافه يحدي بيه الناصبي
............
بعد عباس اخوها والمهابه
زينب بت علي اتنام بخرابه
تصيح حسين عذبني غيابه
كسر ضهري ابو اليمه بمصابه

تناديه وحشه دونك موكبي
............

سلام اعله العقيله كل رمح صاح
من روس الهواشم فوك الرماح
على الحره البقت تصفك على الراح
وتصيح شلون بيه وكافلي راح

قهرهم عطر دخان العبي
.............

من راس الرمح ويشوبح العين
يدور عن رقيه راس الحسين
الرمح صاير جسم بس ماله چفين
يهز نحر على اصراخ النساوين

بالدموع نگع الرمح الأبي
..........

بعد ذيج الهوادج هزل النوگ
وبعد ذيج المهابه تدخل السوگ
انشلع گلب العقيله من العروگ
گلبها ابخيمة العباس محروك

ينادون هذا ضعن الطالبي
.............

ضعنكم ياعلي تاه او تحير
لاعباس يحديّ لا ابو الاكبر
يمن سلمان حاضر يمته تحضر
تلم شمل السبايه بهيمة البر

اويلاه عذبو ال النبي
..............
عباس هابيل الزينبي

أيام الاميرة راحت ايامي
سبية وروس اخوتي تمشي گدامي
............

مامتعوده امشي بضلمة الليل
يحزام الضهر ماضل بعد حيل
عجاج تراب خويه وفزعت الخيل

وانه محيره وتتعثر اجدامي
..............
اخوي اويه الهوه بالريه ياناس
مثل النعمه دوم الاخو ينباس
فوك التاج تاج يصير عالراس

هيبه يشيل راسي ابمشيه كدامي
..............

الاخت من دون اخوها شلون ترتاح
تضل امحيره ومكسورة اجناح
عگب الراح تصفك راح عالراح

گلب الماله اخو متجرح ودامي
.............

بعد جفوف اخوتي صارت حبال
هاي الماتمر لاتخطر ابال
خويه تمرمرت بايتام واعيال

هاي الماتمرني حته باحلامي
..............
حيرانه ومنو اليرحمله حيران
اختكم حايره ومن دون وليان
وكت العازه خويه يريد خوان

لا حادي البقالي ولا بقه الحامي
..............

زينب عالهزل ماضني ترضون
انتم عالرماح وتبجي العيون
يخوتي ام عون ماضلل الها كل عون

نار البيه تشبه نارها اخيامي
..............
اهل الشام تكره سفرة الشام
شحال العبرته بحبال وايتام
عيوني امن الطبك ماتقبل اتنام

طاحت روحي لمن طاحن اعلامي
..............

جنت مدلله من چنتو وياي
وكت خلاني اصفك فوك يمناي
تعبنه عساهه ابذمته الماي

ياضامي الاسكته والضعن ضامي
..........


#عباس_هابيل_الزينبي

عمه سيفي انطيني
وحده ظل احسيني
……
الا من ناصر لمن شفته يصيح
خطوه اركضله وعشر خطوات اطيح
اسد واگف شفته لاچنه جريح
شلون ما اباوعله اشوفنه ذبيح

واگف امتانيني

…………..

ناوليني السيف صحت بعالي صوت
احنه مابينه العله اوساده يموت
فوتت العباس عالجيش ارد افوت
وبيهم اخطب والحرس كلهم سكوت

كربله تناديني
……………

الموت بالطف شيمه مو گطعت نفس
احنه ما نركب هزل نركب فرس
وحق ذاك الجسمه بسهام انترس
بذله ما ننطيها ايس يالحرس

رايد انصر ديني
……………

عمه اريد افزع مثل عمي الگمر
بس اضل بالخيمه اموت امن القهر
مثل ابو فاضل ارد من النهر
لو مثل جسام ارد دم بالنحر

مثله اضحي بعيني
……………..

مستعد ياعمه اتلگه النبل
ولا اشوفنج اسيره وعالهزل
خل اشدن شارب بشارب واحل
قبل ما تتگيد چفوفي بحبل

قبل لا يسبيني
…………….

ارد اوصيجن سكينه ويارب
انتن بغابه واسد هالغابه غاب
من تطيح ازلامچن فوگ التراب
اتحجبن بخضاب لو طاح الحجاب

هالأمر ياذيني
……………
عباس هابيل الزينبي

عمه سيفي انطيني
وحده ظل احسيني
……
الا من ناصر لمن شفته يصيح
خطوه اركضله وعشر خطوات اطيح
اسد واگف شفته لاچنه جريح
شلون ما اباوعله اشوفنه ذبيح

واگف امتانيني

…………..

ناوليني السيف صحت بعالي صوت
احنه مابينه العله اوساده يموت
فوتت العباس عالجيش ارد افوت
وبيهم اخطب والحرس كلهم سكوت

كربله تناديني
……………

الموت بالطف شيمه مو گطعت نفس
احنه ما نركب هزل نركب فرس
وحق ذاك الجسمه بسهام انترس
بذله ما ننطيها ايس يالحرس

رايد انصر ديني
……………

عمه اريد افزع مثل عمي الگمر
بس اضل بالخيمه اموت امن القهر
مثل ابو فاضل ارد من النهر
لو مثل جسام ارد دم بالنحر

مثله اضحي بعيني
……………..

مستعد ياعمه اتلگه النبل
ولا اشوفنج اسيره وعالهزل
خل اشدن شارب بشارب واحل
قبل ما تتگيد چفوفي بحبل

قبل لا يسبيني
…………….

ارد اوصيجن سكينه ويارب
انتن بغابه واسد هالغابه غاب
من تطيح ازلامچن فوگ التراب
اتحجبن بخضاب لو طاح الحجاب

هالأمر ياذيني
……………
عباس هابيل الزينبي

قد حان وقت الاربعين.
وجهت قلبي للحُسين
...........
ابْرزنامة الحبُ الحُسينيه
حانتْ زياره الاربعينيه
هاي الشعيره الكربلائيه
انخلقت لجلها احشود شيعيه

ما ننسى دربك يالحنين
.............
هذا الوقت كل عام انتضره
من البحر اتوجه النحره
الخطوه الاولى تبدي بالبصره
وماتنتهي اله بطوفة الحضره

خادم اضل طول السنين
..............
يبقى العراق بكل زمن غايه
من كل بلد تگصدله مشايه
هذا الوطن منبع الوفايه
يحب الحُسين ورافع الرايه

بيه الوطن سالم إمين
..............
قصة عشگ كل عام تتكرر
بين اليزور وبين ابو الاكبر
الملتقى يم مذبح المنحر
عالفرگه يا مولاي ما اگدر

عاشگ لحد قطع الوتين
..............

شلي ابجدم مشايه ماتطلع
انْشلت عساهه وكون تتگطع
ايصيح الحُسين شلون ما افزع
لو ما اكض شباچه ما ارجع

يحسبني من الزائرين
.............

هذا المشي طول الزمن دائم
منا لحد ما يضهر القائم
بهذا الدرب من الزغر هايم
بكل خطوه اواسي زينب وفاطم

متمسك ابحبله المتين


#عباس_هابيل_الزينبي
#المشايه

امن الدلال. للحبال
وسفه تاليتي سبيه
…………….

يابو فاضل من بعد ذاك الدلال
خويه اختكم حافيه فوگ الرمال
شدة اجنازه بدي شدو حبال
امن الضعف ما بين الاختك خيال

من الهضم. للعظم.
وصلوها احبال اديه
……………

يالجبتني امن المدينه امخدره
خويه اختك ردت الها امأسره
انه عاذرتك يسبع الگنطره
الملتقى يا ابالفضل بالاخره

يا كفيل والدليل
راضي عنك للمنيه
……………….

خويه كلش عكست اويه الضروف
مو للمگاود للحبال الچفوف
ياگمر بس لا صدك لاحك خسوف
وعگب وجهك وجه ذباحك اشوف

يالحبيب ما اطيب
لو يشح وجهك عليه
……...

گوم ضللي الشمس طلعت عليّ
فوگي ريشاتك گبلُ اذكرها فيِ
خويه ردتك يمي وتكضني امن ادي
ردلي اريدك ماردت يالغالي مي

بالونين والحنين
تناطرك حره وأبيه
……………..

ياابو فاضل صدري بالهم انترس
امن بجي بسياطه يسكتي الحرس
خويه شفت حسين گدامي اندهس
وبالحوافر طشرت جسمه الفرس

گبالي طاح. گبالي راح
طشرنه الاعوجيه
…………….

عن رقيه شرد اسولف يالكفيل
تميل وي رمح الحسين شما يميل
الحنين ايموت لو فارك خليل
وعالنحر خويه وگف نبض الدليل

عالنحر يا گمر
ماتت الطفله رقيه
………………….
عباس هابيل الزينبي
#ليالي_السبي

فعلى مثلِ الحسينِ فاليضجِ الضاجون

..............

خيولهم جابوهن اثگليت وزن
من تدوس الكاع ترجنها رجن
هسه يمكن طحنن اضلوعه طحن
وعافن الحوراء مشدوهة ذهن

دمه الطاهرُ يجري وله تجري العيون
فعلى مثلِ الحسينِ فاليضجِ الضاجون

..............

شحال زينب من تشوفه الوحده
وفرة السبحه علي فرت العده
لا ولد يلحگ اله اولا والده
كلها صرعه ياهو ضل وتنشاده

ولرزءِ الطفِ هذا فاليبكِ الباكون
فعلى مثلِ الحسينِ فاليضجِ الضاجون

...........

منين مايندار يتلكا رمح
مخضبه بدم شيبته وجه الصبح
جسمه من كل صوب بي لچمه وجرح
جامد الدم عالجفن ما ينمسح

وعليه الخيلُ تجري ضامئاً يُسقى المنون
فعلى مثلِ الحسينِ فاليضجِ الضاجون

............

للمخيم واصله اصوات الانين
بالحجر صابوه وادموله الجبين
فوك صدره اتربع الشمر اللعين
يضحك ومن الگفه حز الوتين

فعلى مثلِ الحسينِ فاليعجِ العاجون
فعلى مثلِ الحسينِ فاليضجِ الضاجون


بتسع اصابع ضال وبلايه نحر
ياهو ميت ضامي يم جرف النهر
مثل يوم حسين ما عاد الدهر
مو لطم لاكون يكتلنه القهر

وربيباتُ الخبا بالأسرِ يُضربْنَّ المُتون
فعلى مثلِ الحسينِ فاليضجِ الضاجون

ضل غريب ولا اله واحد فزع
من ضهر مهره على ضهره وكع
والمثلث من خرز ضهره طلع
هل مناصر صاح بس محد سمع

فعلى مثل الحسين فاليذب الذابون

عباس هابيل الزينبي
#عباس_هابيل_الزينبي
#ليلة_١٠_محرم

يمه مو وكته العرس خليني
بالشهاده يكتمل نص ديني
…………….
يمه جاي يصيح هل من ناصر
وسفه المحير الزمن ضل حاير
اليوم موتي شلون ااخره الباجر
صدري مشتاك اعله دوس الحافر

احزام ابوي الحسن يمه انطيني
.................
مثل الاكبر راح اروح وما ارد
هذا طبع الطف ولا يهوه الورد
شارب بشارب ييمه اليوم اشد
وانتي من الخيمه صيحلي اعد

عمي ابو فاضل انه مربيني
……………..

اليوم اطبهم زلزله ما طب صحو
يمه حته اسمعها من عمي الكفو
يمه كون العمي ايينادي العدو
حسين هنيالك عله هيج ابن اخو

كربلاء تتزل ابچفيني
................

الموت هم ذواق يختار الشباب
وين المرتب يغطي بالتراب
ايچفن الما زغرن اعليه الثياب
مو كحل تتكحل عيونه بخضاب

فدوه لحسين انه كل اسنيني
……………..

يمه للطف انه من مهدي نذر
الحسن لحسين ذاخرني ذخر
گلي علمهن ضلوعك عالكسر
للحوافر يبني بالطف الصدر

انه من مهدي نذر لحسيني
………..

للخيم ما اريد ارجع منجرح
يمه بالطف فاز كلمن ينذبح
مو خساره الموت وي عمي ربح
راسي باچر ويه راسه اعله الرمح

رمح الاكبر يمه بينه وبيني
.........
#عباس_هابيل_الزينبي
#الليله_الثامنه

ياوهب سولفلي عن احساسك
والحسين بكبره دنك باسك
.......
انه ماكاطع حبل من السبي
وانته كاطع منحرك لابن النبي
بعد مو نصراني اسمك يالأبي
واجب انسميك وهب الزينبي

طيب الله يا وهب انفاسك
.............

اني اذا شباج كضيته افتخر
شحال لو مثلك صدر يشبك صدر
ىوالله اموت يجوز كد ما افتخر
على شوف حسين ينفع ياصبر

يااصيل الاصل ذره بساسك

احچيلي من حسين حين استأذنت
من صفنت بعينه سولفلي اشفت
والله زلمه شلون هالكد سيطرت
انه لو بس لامحه احلف چا متت

ومهر اليدوسه رجعلك داسك
..............

بالكنائس اسمك ايكتبو حرز
مثل عيسى للنصاره انته رمز
الرايد ايچز ذكرك ابنحرك يحز
گله بالدم انكتب تحلم تچز

المأذن تفتخر واجراسك
.............

ياوهب سولفلي عن هذا الشعور
عالمخيم انته والكافل تدور
حاشه لله ذره ماعندك قصور
خيمه عندك تسوه الاف القصورر

لهسبب عالخيمه حذفو راسك

#عباس_هابيل_الزينبي
#الليله_السادسه

هذي القناة لها عدة مواقع في السوشيال ميديا
ستكون بها برامج تعريفيه للشعراء والرواديد سنسلط الضوء على القصيده الرصينه ونقوم بالتمويل لها ونشرها بنطاق واسع ساعدونا بالاشتراك وايصالها لابعد حد
شكراً

﷽

السَّلام عَلَى الحُسَيْن ، وَعَلَى عَليِّ بْنِ الحُسَيْنِ ، وَعَلَى أوْلادِ الحُسَيْنِ ، وَعَلَى أصْحابِ الحُسَين..

اقتباساً من قصيدة الشاعر العربي محمد مهدي الجواهري ( آمنتُ بالحُسين ) و إشارةً إلى ما يحتويه الاسم من رموزٍ دينيةٍ حسينيةٍ، إضافةً إلى التصريح بالشعرية والفنية للشاعر العظيم.

تسعى هذه الصفحة إلى تثقيف الشعراء الحسينيين لتقليل الأخطاء العقائدية والشعرية والإشارة للقصائد الناجحة والوقوف عند كلمات الأعلام من خطباء وعلماء الحوزة الدينية وما أملاه علينا السلف الصالح من شعراء الحسين من الفطرة السليمة والكتابة المقبولة عند المعصوم

اللهُمَّ ارزُقني شَفاعَةَ الحُسَينِ يَومَ الوُرُودِ وَثَبِّت لي قَدَمَ صِدقٍ عِندَكَ مَعَ الحُسَينِ وَأصحابِ الحُسَينِ الَّذِينَ بَذَلُوا مُهَجَهُم دُونَ الحُسَينِ

#آمنتُ_بالحسين

سبحانه شهل وسامه
گمر ولابس عمامه
هـيــبــه
وبكل شده يدك صدره
هـيــبــه
محروس بعين الزهره
.............

احلا من شمس الضهيره
يشبه الماي وغديره
طرف عينه لو يديره
الكل تصلي عالنبي
يبتسم تمطر ترافه
ولو زعل ترعد وسافه
ماكو من عنده بعفافه
شكد حلو هذا الصبي

نبدي بسم الله نسولف عنه بس لا ينحسد
شلون اشبها بورده وادري يروحله فدوه الورد

فدوه العينه وحلمها
سبحان الي رسمها

هـيــبــه
واحلا من العين الخضره
هـيــبــه
محروس بعين الزهره
..............

تارس الدنيا بحنانه
گمره ما تترس مكانه
من يوگف بصف لوانه
عيناً مثل عمه الگمر
عيونه من كد ما وسيعه
احله من ماي الشريعه
تبخره عمته الوديعه
تشمر وراه جرف النهر

يشبه العباس عمه نسخه من عنده تره
الجيش من شافه تعجب هذا سبع الگنطره

القاسم هذا نازل
هم يشبه عمه كافل
هـيــبــه
ايتعب حته اليختصره
هـيــبــه
محروس بعين الزهره
...................
بجفه ماخذها الوصيه
بزوده رايح للمنيه
سفره عنده الغاضريه
ما رجف گلبه ابد
مختصر كل المراجل
بيه الاكبر و ابوفاضل
لا يخاف ولا يجامل
دمدم النشمي ورعد

جر حسامه وصاح وينه الفكر ايمر بالخيام
هذي اخر فكره جانت وانتهى كل الكلام

اليوصل للمخيم
راسه بالسيف ايتثلم

هـيــبــه
اليوصل كال اكطع نحره
هـيــبــه
محروس بعين الزهره
...............

باليمين اشمحله سيفه
نازل اوبعيونه حيفه
مثل ابو مارده ضيفه
للنبل صيح هله
ابكيفه سوه الي يريده
بنضرته صاد البعيده
حنته من دم وريده
احله شاب ابكربله

جاسم شما يخطي خطوه يرجع الجيش الوره
انه لو ما عرفه جاسم چا صحتله حيدره

اتعنه الهم سيفه بيده
نسخه من جده الصميده

هـيــبــه
ويذبح بالسيف و خزره
هـيــبــه
محروس بعين الزهره
...............

سمه بسم الله ورسوله
ااتحرز ابأسم البتوله
عجب الجيش الاجوله
بهالعمر ما مرتبك
من دخل للغاضريه
ما رجف من المنيه
ازغير وكله حميه
اويه العساكر يشتبك


اتحزم وسل بيده سيفه ورسم لوحة ملحمه
اختلطت الحنه بچفوفه والعرس اصبح دمه

هـيــبــه
ما ثنه الحيد ابسطره
هـيــبــه
محروس بعين الزهره

#عباس_هابيل_الزينبي
#محرم_١٤٤٦_1446_2024
#ليلة_٨_محرم