اسلامے جمہوریئے ایرانئے مجلسئے دست مان کنگ ما ٹیلئے 20 ملیون لیٹرئےگار بیگ ھر یک روچیئے تہا/ اے مزنین دزیئے ملزم ٹیلئے عزارت انت پنچ شمبہ سال 1403ئے آزرئے 29 اُما، ایرانئے مجلسئے اُمران کمیشنئے جارکش عبدالجلال ایریا وزارت نپتئے وزارتئے پٹ و پول کنگئے کارئے بنداتئے جار جت و گْوشتگ: ” سدرئے بیانانی ردا ملکا بیست میلیون لیٹرئے ٹیل ہر روچئے تہا گار بوھگا انت۔ اے جیڑہ ٹیل وزارتئے پیداورے و بھر و بانگئے تہا مزنین نزوری و سسٹمٹکین ھلاپانے ھست بوھگئے نشانی اِنت۔ چوشیں مزنیں کساسےآ ٹیلئے کاچاک کہ ھزانگئے لٹ و پُلئے یک پدریں مثالے ، ایشیئے سرا جوانیں رنگےآ پٹ و پول کنگ بہ بیت و ایشیئے تہا ھواریں سببانی پجار کنگ و کانودی رنگا گوں آھاں دیم پہ دیم کنگ بہ بیت. ایشیا چہ پیسر مصطفیٰ ھاشمی تبا کہ ایرانئے سرکارے اصلاح پسندیں سیاست زانتان چہ یکے ایرانئے سرکارئے سروک مسعود پزشکیانئے بے توار بوھگ سوھتئے مزنین کساسئےگار بوھگئے بابتا ایراز گپتگ و گْوشتگ: اگاں شما داوا کن اِت کہ گوں راجا ایمانداریا گپ جن اِت گڑا شما پرچا بے توار اِت؟ پدر بکن ات بہ‌گش‌اِت کہ پٹرول و ڈیزلئے کاچاکئے کساس کہ ٹیل وزارتئے دستا انت و حکومتئے دریں دگہ کُوَّت و ادارہاں گوں ہچ سیادی‌یے نیست انت، اے چه کساسی و چونکا اے کساس چون کاچاک کنگ بیت." اے کساسئے کاچاک ھما وھدا کنگ بیت کہ بلوچ ٹیلبر دو یا سئے گیلن ڈیزل و پٹرول ایرانئے لشکر و ایمنے واکانئے نیمگا دیم پہ دیمی نشانگ جوڑ کنگ و کشگ و ٹپیگ کنگ بنت. اے کساسا ٹیلئے کاچاک کہ ایرانئے رجیمئے واکدارانی نیمگا نام گرگ بوتگ، کمین بہرے و ایرانئے سرکارئے تہا ھستیں اھتلافاتاں پدر کنت، پرچا کہ ایرانئے تہا ٹیلئے گیشتریں کاچاک چہ سپاہ پاسدارانئے نیمگا و آیئے ہمگرنچیں گلانے نیمگا کنگ بیت و ایرانا سوھتئے کمی و گار بیگئے جارا چہ اے گپئے پدر بوھگا انت کہ سرکاری کارندہ و سپاه‌ئے لشکرئے نیاما اھتلاپ انت. به‌روزترین اخبار، مصاحبه‌ها، سناریوها و موزیک‌ویدیوهای بلوچستان را از طریق تلویزیون رُژن دریافت کنید. تلگرامءِ تاکءِ لینک https://t.center/rozhn_tv یوٹیوبءِ تاکءِ لینک https://youtube.com/@rozhn_tv اینستاگرامءِ تاکءِ لینک https://www.instagram.com/rozhn_tv