اوگانستانئے بلوچ راجی شورائے سروک تالبان چارگین ادره‌ئے دستا دزگیر کنگ بوتگ اوگانستانئے بلوچ جھدکاراں ھال داتگ کہ اوگان بلوچ راجی شورائے سروک حاج غلام نبی بلوچ دزگیر کنگ بیتگ. واجه گلام نبی بلوچ یک شمبئے شپا آبان ماه‌ئے 13 اُما چہ کابل شھرئے کارتے پروانئے دمگا زاتی دریسین مردمانے دستا که وتارا چه تالبانئے چاروگین اداره‌ئے واکان پیش داشتگ‌اَنت دزگیر کتگ. طالبانئے هکومتئے بندات و آھگا پد آ اوگانستانئے بلوچ راجئے سروک جوڑ کنگ بوت کہ پیسرا جمہوریئے هکومتئے وھدا سردار نادر خان بلوچئے ذمہ واریا بوتگ. یک مدتےآ تالبانئے سرکارئے برجاہیئے پد تالبانی باسکاں پہ اوگانستانئے بلوچاں دگہ ادارہے جوڑ کت و حاج غلام نبیا چہ وتی شورائے ہلاس کنگئے لوٹ کت بلے مردمانی مخالفتئے سوبا آئیا اے کار نہ کت. اوگانستانئے بلوچان ھال داتگ کہ تاں انوگا واجه گلام نبیئے بازیں روچانی دزگیریا پد آیئے جاور ھالئے بابتا ھچ وڑیں سرپدی نیست. تلگرامءِ تاکءِ لینک https://t.center/rozhn_tv اینستاگرامءِ تاکءِ لینک https://www.instagram.com/rozhn_tv یوٹیوبءِ تاکءِ لینک https://youtube.com/@rozhn_tv