#مار_دنیهسِره ؛بی سکه سوئه؛ مار دَنیه
خِنِه تاریک شوئه ؛ مار دَنیه
ونوشه مشت هاکِنه دشت و صحرا
لَت ِ لتکا بی بوئه ؛ مار دَنیه
بهار مشتِ هاکِنه دنیا رِ خنده
همهِ خِشی دِروئه ؛ مار دَنیه
بهار بی یه اَمه وَر ؛ نی یه حرفی
بهار ؛ پعیز کوئه ؛ مار دَنیه
نَکِنّه ِ فرق شو ما دَوّهِ ؛ روز اِفتاب
مه روزا شو سیوئه ؛ مار دَنیه
بَوُشِم من شه جانه مار قِرون
خدایی تاج کهوئه ؛ مار دَنیه
جانه مارُ ؛ جانه مارُ ؛ جانه مار
مِه دِتا چِش بی سوئه ؛ مار دَنیه
اِمِه ؛ ویمّه سِرِیِ دَر دَوِسّه
چِش حق دارنه دریوئه ؛ مار دَنیه
گَهره رِ اِشمه ؛ خِدّ ِ دِنِه جا
وِنه چِش مشتِ اوئه ؛ مار دَنیه
خَلِه دِیرِ که بوردن تا مارِ پیش
تا اون روز دل کهوئه ؛ مار دَنیه
اِسا خوامه سَرادِم شه صداره
نِخوامه کوها مازرونِ هِواره
بورِم سجروپه و زار زار بِنالم
هنیشم پیغوم هادم جانه واره
مه دل ورف زَنّه ا ؛ چِش زَنّه وارش
زِمِسّونِ هوائه ؛ تیره تاره
مه دوراوَر ؛ دَرِ ادِم فِراون
ولی مارِسّه مه دل ؛ بیقراره
ونوشه دنیاره کِنّه ِ گِلستون
دَنیبو مار ؛ مگر بِهار ؛ بهاره
خله سخته جدایی ؛ عِب نَکِنّه
بهِشتِ مارِ جا ؛ شکر خداره
مه دل ؛ تَنّیره تَش هَسّه خِدایی
مره یاد اِنه مارِ کاروباره
ویشار بی یه ؛ خِتِمه تاصوایی
خونِسّه تا صِوی لا لا لا لاره
مه دل خوانه هادم شه زندگی رِ
بَوینم مارِ خنده رِ دِواره
🍃ارسالی از خانم
#عباس_زاده 🍃🆔 @rostaye_noj