نج،روستای من و تو

🌺🌸🍃
🌺🌸
🌺
💕 @rostaye_noj 💕

#شعر_مازنی 🍃

جان مازرون من ت هواره خامه
من ت مردم با صفاره خامه

ت مردم همه غیرتی و شجاع
من ت همه جنگه شهداره خامه

خشگل زنا و قشنگ مردی داینی
من ت کیجا قد بلند بالاره خامه

همه کشتی گیرو همه سر ب زیر
من ت جان مازرون جووناره خامه

گلج امه سر دره لمه امه زیر پا
من ت مردمون کهنه قواره خامه

پهنه کلا و امازاده عبدالله داینی
من ت حاجی شیخ موساره خامه

مردم همه نماز خون و با روزه
من ت مردمون با خداره خامه

همه گت مردی و پر اوازه
من ت هادی نوروزی هاره خامه

نیما یوشیج هسه ت شاعر
من ت پازواری و طالباره خامه

امیری و کتولی بخونن ت مردم
من ت اون طالب طالباره خامه

مازرون من ت هواره خامه
من ت مردم با صفاره خامه

شاعر : #جواد_ادبی_فیروز_جاه
💕 @rostaye_noj 💕

‌#شعر مازنی درباره امام زمان (ع)🌸

محمد از خدا دارنه خشحالی
نرجس #خاتون بیارده جان مهدی

امشوء آسمون #فرشته بارون
مهدی فاطمه شی ماره مهمون

ملک در آسمون چی #شاد گلخن
محمد با علی بزونه لبخن

محمد #قرآنه دارنه دل دوس
مهدی فاطمه هسه داد رس

خداوند هادائه رسول کوثر
نبی کیجاره هادائه پسر

بهشت نازنین چی دارنه صفا
#محمد با علی نیشتنه بالا

عشق و یاد #خدا می دل و زوون
خدوندا هاده همه ره ایمون

حسن انی گنه مهدی می مولا
هماسه مهدی جان می باله فردا
🌸💕🌸💕🌸💕🌸💕
💕 💕 💕 💕
💕 @rostaye_noj 💕