سمير:😂احكيلي بكل ادب روح لروح سالي:😑روح سمير:لا بتطلع منك احلى سالي:لو سمحت روح سمير:لا لا ازبط سالي:روح يا حباب فدوى:روح تروح روحك فتحت عيوني وانصدمت من كلامها ودعست على رجلها سالي:😬روحك عنو فدوى"😂اخ الله يلعنك ويلعنو مو جاييني منك غير التعتير سمير:يلا راح روح ...بدك شي سالي:😟 سمير:بخاطرك فدوى:الله معك سمير:خلي سالي تودعني لروح سالي:الله معك راح والله وتأملتو وهو راجع للمحل وعم يتمختر ودغري مسك التلفون وعم يحكي مع حدا اخ ولي عل قلبي على هالقامه والطول ولي على هالمشيه ما احلاها .. صغيرة الغشق ٦ بعدك على بالي كنت عم غني وانا مبسوطه وعم اتخيلو ولي لك شو صاير بالدني لحتى هيك انقلب فجأة الرجال والله ما عم يتسلى انا متأكد عم يلاحقني وعم يتأملني وحكا ل هزار هي بتخصني يعني بدي احلى من هيك اكيد لا وصلني بابا ع المدرسه والقيت نظراتي الخارقه ع المحل ما بين عليي دخلت وبس شفت عايدة فرطت عليها ضحك وانا عم اتزكر فصل مبارح قاطعتو من المرة واتاريها مبارح ضاربيتو بالصرمايه هلا انا بعرفها انها مجنونه بس اتاكدت هلا.... اجت لعندي ريم ع الصف بالحصه التالته قبل يدخل الاستاذ واعطتني ورقه باين انو مكتوب😍 ريم:بيحكيلك سمير مترجملك هون كلشي تركتني وراحت وانا ما تحملت اصبر لهيك فتحتو " .....سالي....ما بدي طول عليكي انا ما بعرف اتفصحن متلك بس للامانه من بعد هداك اليوم ما غبتي عن بالي لو للحظه وانا بعرف اني جرحتك بس ما كان قصدي انتي استفزيتيني وانا بعدها خلص ندمان وبتراجع عن كلامي وما بدي اتسلى فيكي يعني هلا عرفت انا شو بدي اهتمي بدراستك هي السنه راح غيب لفترة بظروف شغل ازا بدك تعرفي اخباري اسألي ريم عني وانا راح ابعتلك معها سلام خاص بكل فترة ..انطريني." سكرت المكتوب بسرعه 😂باين انو من انشائو الخط مخربش بس حلو 😂ولا ريحتو بتجنن وكاتب حرفي وحرفو بقلب واحد عطلنا للامتحان شهر كامل كنت متحمسه وانطرو وكل يوم اتصل ب ريم واطمن عنو حكتلي انو هو بالبلد بشغل ضروري وهيك خلص الاهم انو هو مرتاح ومنيح بهي الفترة كنت ما اتشوش كنت اصحى الساعه خمسه الصبح انا واحمد نشرب حليب وكل واحد يقعد بجهة يراجع دروسو تحضير نوطات وتوقعات اسئلة هيك مضى هالشهر وطبعن عم ارجف من خوفي راح قدم الامتحان بمدرسه بالبلد وطبعن معي كل بنات صفي ومتوقعه انا وساجدة نكون بنفس القاعه لانو منبدا بنفس الحرف فقت بكير عملت مراجعه لكلشي مهم وصعب كان عليي افطرت وهي اول مرة ماما وبابا بيصحو معنا انا واحمد وجولي طبعن افطرنا سوى بابا:اكتبو على اقل من مهلكن والسؤال الصعب اتركوه للاخير بتكونو تزكرتو ماما:اي والاهم انو تحتفظو بمعلوماتكن منيح واسمائكن مو تنسوها من الرعبه بابا:الله يوفقكن ولا يضيعلكن تعب دغري دخلت لحضر حالي البست بنطلون جينز غامق بلوزة بنفسجيه وربطت شعري والبست كم اكسسوار للزينه والبست حفايه سودة واطلعت من البيت مع احمد واركبنا ب التكسي الي راح تنقلنا للمدرسه تبع الامتحانات بعيدة شي ربع ساعه وصلني واتاكد اني وقفت مع ساجدة الي وصلها كمان اخوها والتقينا ب عايدة تسلسلي طلع ورا ساجدة برقم يعني قريبات من بعض 😍وهيك فجأة لمحت سمير واقف مع بسام وعم يطلع علينا وتفائلت يعني الامتحان راح يكون سهل اكيد عيوني تعلقو عليه بدون ما حس لاني من زمان ما شفتو استفقدتلو واحلى شعور كان بحياتي انو عم يبادلني الحب والنظرات وطبعن متغير شعرو اقصر بشوي صاير لانو رقبتو مبينه لاول مرة لابس بلوزة سودة وبنطلون عسكري بيمزع العقل عليه والطائية الي صرت عم حسها جزء من حياتو ساجدة:😂لك شبكي هيك مسطولة بالرجال عايدة:مغير اللوك صح سالي سالي:😣اي والله ساجدة"عليي ازا ما طارو كل معلوماتها سالي:😣اي والله كان قلبي عم يخفق بسرعه...جننتني سحرتني ....طيرتلي عقلي .... دخلنا وانا عيوني لورا كل شوي وهيك عملنا مسحه اخيرة على كل شي ووزعونا على القاعات وطبعن انا بالي برا المدرسه بس وقت وصلو الاسئلة اخدت نفس وشديت همتي سميت بالله وبلشت بكل هدوء القاعه ممنوع فيها الهمسه وازا المراقب بيزت الابرة بيسمع رنتها هيك لانتهى الامتحان طبعن خلصت بعد ما شفت ساجدة سلمت ورقتها ودغري طلعت وراها ساجدة:ما توقعت الاسئله هيك سهلة سالي"معك حق..بس هي علينا لاننا حافظين ساجدة:شو رأيك نعمل تصحيح سالي:لا الله يخليكي بلاها بخاف اطلع غلطانه بشي ساجدة:شو بدك ترجعي ع البيت سالي:لا بدي انطر احمد منرجع سوى مدرستو بالحارة التانيه ساجدة:منتمشى لكن لانو هزار ناطرني اكيد وانا بقلبي كنت عم قول ازا سمير عنجد بحبني بكون ناطرني لخلص 😍احلى حدا بينطرني بكل حياتي 😍طلعنا سوى ووقفت اتأمل الرايح والجاي ودفشتني ساجدة