احمد:😂سالي وليه سالي"😠شو بدك احمد:اليوم تغيرتي بتسدءي اطلعتي احلى من الاول غيداء:ما حدا سدءني احمد:لا بس بين وشك وجابتك هيبتك هالتسريحه سالي:مهيوبة من بيت اهلي انا غيداء:😉 ضبينا لفطور انا وياها ودغري اطلعنا من البيت سوا هي وقفت عن موقف الباص وهو راح مع رفيقو وولاد عمي للمدرسه وانا كملت لحالي ببالي احلالي ع المدرسه الجو بارد شوي وحاسه انو انفي صار احمر من البرد😅يلا مو مشكلة الاهم انو الجو ما بيتعوض اه على الشتي كيف بيحسسني بالامان اجوائو اهلو وناسو😒واول مرة شفت فيها سمير كانت الدني شتي وعم تمطر كان واقف عند محلو مع كم شب ووقتها التفتلو بشكل مو طبيعي حركاتو ومشيتو اكابريتو وغرورو مدري كبريائو الي جذبوني ووقتها كان مشغل اغاني ولا اروق من هيك بحسو انسان منفرد بعواطفو وبفرغ عن نفسو بأغنيه .وصلت لقدام المدرسه وشفتو 😍ودغري قلبي بلش يعزف انغام الحب الغرام مدري ليش ولعت بزيادة وبعز البرد كنت دفايانه كان قاعد مع بسام واخوها ل ساجدة بنت صفي اسمو هزار حد المدرسه دغري على كم حجر وهو قاعد رجل على رجل رافع الطائيه عن وشو وعم يتأمل كل الصبايا الي عم يمرقو وانا ما اقدرت ما علق عيوني عليه مسحت على شعري بهدوء واطلعت فيه نظرة غرور بس شافني نزل رجلو وانصدم 😰وفرك عيونو لحتى قطعتو بكل ثقه وقبل فوت من الباب رميتو بكم نظرة وهو رفع حواجبو بأندهاش 😂ما عرفني ويمكن شبه عليي بس انا اكدتلو انو انا سالي ليش عم تطلع والغريب بنات صفي كل وحدة تشوفني تشهق وتبلش تسالني انتي سالي😂حتى الاساتذة التفتو للتسريحه انو معقول حليت انا ولا انمسخت استاذ لرياضيات فكرني طالبه جديدة ووقت عرف انو انا سالي انصدم مدري كمان ليش والمديرة دغري حكتلي شو هالتغيير حسيت حالي اهم طالبه بالمدرسه 😁. فدوى:سالي ريم:قاصه شعرك عايدة"لك ليش هيك متغيرة سالي:مبارح احترقو ع الصوبيا وقصيتهن دغري سدئن الرواية وانا اقتنعت بالحجه هي مقنعه كتير. بحصه المعلوماتيه قعدت على جنب وعايدة استلمت هي الكومبيوتر وعم تلعب وتصمم صور وانا شردت شوي مو كتير ساجدة كانت جايبه معها سيدي ونسخت عليه كم اغنيه بوقتها كانو دارجين اولها ما تبكي يا عين علي جرحوكي مغربيه وبعدها الله يقدرني على نسيانك وهيك زادت دقات قلبي لاني ماني مقتنعه اني اتركو بعشقك....بحبك....بموت فيك لاخر نفس.....حب الطفولة او حب لجنون....سمير ....اخ ريتك تحس بدقات قلبي كنت ما تركتني عم عاني من مبارح لليوم حطيت ايدي على خدي وغمضت عيوني وانا عم اتأمل كل كلمه من الاغاني ولا الموسيقى ع الوتر الحساس عم تضرب بقلبي وعم حس بمية غصه لاني اخترت الشخص الغلط وقت حبيت .....وساجدة مو ناوية تطفي الاغنيه وانا سالو دموعي دغري الي بيني وبينك مات صار ماضي وذكريات اخ بس لتعدي هالفترة اكيد راح ارجع سالي ام الضحكه العاليه لازم اقوى لازم تكون شخصيتي قوية جريئه متل ما عم يتهموني اهلي الله بيعلم بالضعف الي جواتي هي مرحلة راح تترك اثر فيني "وربي انا ماني صغيرة ع الحب بلعكس انا متأكدة من مشاعري لو احكي لاكبر عاشق بالكون بيحكيلي هي اعراض عشق "عم ابكي على غنيه قلبي شاعله فيه نيران ياريت فيني اصرخ وسمع كل الكون قلبي كيف عم يأن ويتوجع . بعد ما خلصت ساجدة نسخ طلبت منها السيدي واعطتني اياه بدي انسخو ع كومبيوتر جولي خليني احرق حالي الليلة وانا عم اطفي اخر كم شمعه من حبي طلعنا من غرفه الكومبيوتر ودغري رن الجرس لانتهاء اخر حصه دخلت للحمام تزبطت وكاني رايحه على حفله لاني عم اتأمل لاخر مرة ازا ما راح يبادر باي ردة فعل بدي اتركو عنجد بدي ادعس على قلبي لو بدي اتزوج زبال لازم اتركو. فردت شعري المفرود😂وحطيت روج خفيف تكحلت كحله خفيفه ومسكارة دوبها معلمه والبست الشنته واطلعت والتقيت ب عايدة وفدوى وريم وساجدة وهنن عم يأفلمو على بعض وطبعن نحن اخر شي طلعنا من الباب وانا استقصدت اخرهن ودغري حد الباب كانو قاعدين هزار وبسام بس سمير كان واقف عند باب المحل ويمكن لمحني دخل للمحل وغاب شوي وبعدها اسمعت صوت اغاني عاليه طالعه من المحل واخجلت بفرحه كبيرة كانت جوات قلبي "كان مشغل ريمكس اغاني مشكلة لاكتر من مطرب وكأنو هو مصممهن لانهن بيجننو "اخدت نفس عميق وغيرت ملامح الفرحانه وكان هو طالع من لمحل وجاي صوبنا سالي:خلونا نمشي ساجدة:توديعه 😂 فدوى:يلا نحن بخاطركن ريم:بشوفكن بكرة ساجدة:😉 سالي:باي عايدة:الله معك 😉 بلعت ريقي وقت شفتو واقف بنص الرصيف الي بدنا نمرق منو انا وفدوى رغم اني مو هاضمه صحبتها لحتى تعترف مين بعتلو المكتوب☞  𝓜𝓿𝓫𝓽𝓪𝓮𝓲𝓭𝓲𝓷 🇸🇾𝓔𝓝 🇸🇾 𝓪𝓵𝓪𝓵𝓪𝓶 ☜ بسام:اب سمرا هون نحن شبك مسطل