بريق : من بعد ما قرر طارق يصارحو كلشي اتغير اي مابدي اتخلى عنو انسان احتواني بالوقت الي كانو حتى اهلي ضدي  ومو قادرين يحسو فيني لو شوي تقي : بس هيك بتكوني انتي عم تعاقبي حالك بريق :   ليكون مفكر ارجعلك تقي : ما كان ببالي هالشي بس هلا بعد ما اعرفت انك هون اي عم فكر نرجع لبعض بريق : بمنامك بصير هالشي وهدول الدهبات ضبهن ماني بحاجة شي منك ولاشي وهلا اطلاع لبرى وانسى انو بيوم كنت خاطب وحدة جدبة وعلى نياتها تقي : بتروقي ورح نحكي بريق : اطلاع عم قلك ولانو ما اخد الدهبات رميتهن بالارض لصارو عند رجليه طارق : خلص بقى بريق زودتيها بريق : مابدي شي منو فهمو هالحكي كان عم يتطلع بالدهبات وطلع ودغري طارق لحقو وانهرت من البكي كل هالحديث ما اقدرت اتطلع فيه ما شفتو مابدي اضعف قدامو شعور العجز بشع كتير ام طارق : ما بدنا نخلص بقى من هالمشاكل 🦋🌹🦋🌹 كان مقهور كتير مو لانو اتقلع لانو شافها ضعيفة متل هداك اليوم الي كانت عم تحتوي فيه اولاد اخوها وهي بدها مين يحتويها شعورو بالمسؤولية تجاها عم يكبر كتير طارق :لا تواخذنا ع التقليعة تقي : انا بفهمها منيح حقها تقلعني بستاهل اكتر من هيك... طارق امنعها ترجع ل شهم انا بحاجتها متل ما هي بحاجتي طارق : انت هيك عم تطلب مني تقي : بعرف انو غلط بس انا بدي اعوضها سدءني قلبي وقلبها معقودين لبعض بس طرق التعبير والظروف خانت حبي الها وكمان حبها الي طارق : مابعرف انا ما كنت متوقع ترجع ويسامحوك اهلك تقي : بس انا متعود ع الخيبات وبحس انو مستحيل ارتاح بحياتي دير بالك عليها طارق : ولايهمك بس هي كتير مكسورة هي حاسة بالذنب تجاه شهم تقي : انا السبب طارق : اشاعة موتك وصلتها لهي الحالة هي انهارت بيومها تقي : انت خبرتها عن زواجي طارق : هي بتفسر كل كلمة بتنحكى تقي : اي هيي ذكية كتير وعاطفية اكتر لساتك زعلان مني طارق : انا كل زعلي على بريق انا انتقمتلها منك وقت شفتها محطمة على غيابك وانك انت مستمر ومتزوج خلاني اجبرك تطلقها تقي : بدي احكيلك كلشي بس بدها قعدة طويلة....دير بالك ع بريق طارق : ولايهمك متأكد رح يتصلح كلشي بس هي مسألة وقت تقي : الله يسمع منك...انت قليل امثالك طارق انت اوقفت معي بكل الظروف مستحيل انسى فضلك علييي طارق : استغفر الله يا زلمة فضلي على حالي بعدين ما عملت شي تقي : عملت الي ماحدا قدر يعملو معي...كنت بوقتها محتاج هيك دعم انا ما تمنيت تسلم عليي بهالطريقة طارق : بتتعافى بريق وان شاء الله رح نرجع متل اول واحسن تقي : الله يسمع منك يلا بخاطرك طارق : الله معك كمل تقي راجع للبست مو شايف بعيونو حدا مقهور لابعد الحدود 🌹🦋🌹🦋 كانت بالغرفة قاعدة ومكسورة فات طارق لعندها عليا جنبها عجزانة تواسيها بكلمة وحدة بس عم تراقب دموعها كيف عم ينهمرو دغري وقفت وتركتهن لحالهن قعد بجنبها ومقهور عليها كتيير طارق : ليش عم تبكي بريق : ليش ما عم ارتاح بحياتي طارق : حدا بيحسدك بريق : ع شو دخلك طارق : يمكن عندك شي ما عندو اياه بريق : شو رأيك بلي صار طارق : بالاول جاوبي ليش عم تبكي بريق : لاني ضعيفة كتير ما اقدرت اتطلع فيه طارق : انتي مقررة عنجد ترجعي ل شهم بريق : حاسة بتأنيب الضمير انا ظلمتو معي كان بدي اخلص من حكي امي وما لقيت حالي الا عم اتقرب منو بأرادتي وافقت اخد واعطي معو بس اكتشفت انو الفرحة كانت مزيفة طارق : شهم كان منيح معك بريق : اي كان منيح بكلشي بس وقت بلش يسألني عن تقي رجع ذكرياتي القديمة كلا طارق : وليش ما كان يصير عندك حمل بريق : بكل مرة كان بنفسي أواجهو واحكيلو انت السبب بس كنت اخجل منو طارق : ليش منو بريق : بخجل احكيلك طارق : هو عندو مشاكل بريق : وبالصدفة اعرفت انو معو مرض سكري طارق : بتحكي جد بريق بريق : اي كنت اشوفو ما يقرب من اكلات الحلو ويتحجج انو ما بحبها وفي كتير شغلات اكتشفتها واعراض المرض تبين عليه بس كنت اخجل احكيلو اني بعرف طارق : هو مو مخبرك بريق : لا طارق : معقول بلكي مكتشف هالمرض جديد بريق : لا كأنو سكري اطفال الي معو يعني من لما كان صغير طارق : وليش مو مخبرك بريق : مابعرف طارق : وليش ما خبرتيه انك بتعرفي بريق : خفت ينحرج مني ولو هو بدو يخبرني شو بيمنعو بس اكيد كان مخبي عن قناعة تامة طارق :   بس هاد الشي مابصير والمفروض خبرك بالمرض حتى بايام الخطبة هيك هو بيكون كمان ظلمك ما خطرلو يصارحك على الاقل وقت تجيبي ولد منو  تكوني مستعدة للمعاناة مع ابنك بريق : ليش رح يكون معو سكري طارق : نسبة كبيرة يجي مصاب بالسكري بريق : ما كنت بعرف طارق : وحاسة بالذنب تجاه شهم...يا ترى ما حس بالذنب تجاهك بريق : مابعرف طارق سدءني مابعرف