شاب متدين بعد ما كان مجتهد في دراسته فجأة حاله اتبدل وبقى مهمل وبينجح بدرجات الرأفة بالعافية❗ تيجي تسأله إيه اللي حصل لك؟ يقولك أصل كل دا في الفاضي.. هستفيد إيه يعني من المذاكرة ولا الشهادة هتعمل لي إيه؟ ما الخريجين قبلي بالآلاف استفادوا إيه! وبعدين ما بدل الوقت اللي يضيع في مذاكرة علم دنيوي الأحسن أطلب علم شرعي! لاااا اصحى يا نجم 💥 إنت بتبرر هروبك م المسئولية وتعلقه ع شماعة التدين، أو شماعة إن دراستك مضيعة للوقت أو شماعات كتير كل يوم بتبدل بينها عشان تنيم ضميرك! 😴 خليك فاكر إنك لو أخلصت النية فـمذاكرتك عبادة. إنك تفرح والديك بنجاحك عبادة. إنك تشغل وقتك بالنفع بدل ما نفسك تشغلك بالباطل عبادة. المؤمن مطالب بالسعي في الدنيا "فَامْشُوا فِي مَنَاكِبِهَا" زي ما هو مطالب بالتنافس في عمل الآخرة "وَفِي ذَلِكَ فَلْيَتَنَافَسِ الْمُتَنَافِسُونَ" والشطارة بجد إنك توازن بين الاتنين👌