- لو بتحطي ستوري ليكي ومعاها أغاني .. - لو بتعزم على واحد بسيجارة.. - لو بتحبي تتكلمي على المسلسلات والأكشن الرهيب اللي فيها وممكن كمان تنزلي مواعيدها من باب التعاون على الخير يعني - لو بتنزل صور أو أغاني وفيديوهات على صفحتك ولا على جروبات الواتس ولا الفيس .. - لو بتشجعي صاحبتك على لبس الموضة اللي مايرضيش ربنا ...أو بتشجعيها تخلع حجابها..أو بتتريقي على لبسها الواسع - لو بتعمل/ي حاجه من دول أو بتعملهم كلهم .... عاوز أفكركم .. إنكم هتتفاجئوا يوم القيامة بجبال سيئات مكانتش على بالكم أبدا .. سيئات واحد سمع الأغنية وعجبته وكانت سبب انه فضل يسمع أغاني طول عمره أو واحد أدمن التدخين بعد كده أو واحدة خلعت حجابها.. هتلاقي الميزان مليان بحاجات مكنتش تتوقعها لو بتعمل/ي المعصية كفاية عليك ذنوبك ..متشيلش كمان ذنوب غيرك وافتكروا دايما ... (وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ)🫶