الــســـلام عــليــكــم الشيء اللي الكل عم يتهرّب منّه هو أنّه "الأغاني حرام" ، ليش حتى ما نحكي ؟ أو فينا نقول ليش خايفين نحكي ؟ أني وقت حذفت الأغاني والفيديوهات اللي فيها أغاني كانت لسبب أنّه " القرآن والغناء ما بيجتمعوا بشخص " يعني حذفتهن لقناعة ذاتية من نفسي ، وغير هيك أني مشاعري استُنزِفَت بسبب الأغاني .. كلشي كتابات حزينة وكئيبة سابقة إلي كانت بسبب الأغاني ، كنت شوف فيديوهات بتحرّم الأغاني بس ما كنت شوفها وقول مش صحيح ، وصرت قول أنّه هالشي ما بيرضي الله ولا الرّسول ف خلص .. سمعنا وأطعنا بتعرف وين المشكلة ؟ أنّه أني وأنت وغيره عارف أنّه الأغاني حرام حتى بدون ما نسأل ، يعني اتخيّل شخص طفى الأغاني لمجرّد سمع المؤذّن أذّن وشخص طفى الأغاني لمجرّد سمع الجامع عم يقرأ قرآن عالمكبّر ، معناها عارفين شغلة مهما وهي أنّه "الأغاني حرام" كثير اتردّدت أحكي عن تحريم شيئ بس إلي فترة ببحث لحتى أعرف س: أنا عارف أنّه الأغاني حرام بس أنا بدي أعرف ليش هي حرام وشو الآية اللي بتقول هيك وتفسيرها؟ ج: التحريم في الموسيقى والأدلّة على تحريم الموسيقى واضحة ، قال تعالى : ﴿ومنَ النّاس مَن يَشتَري لَهوَ الحَديث لِيُضلَّ عَن سَبيلِ الله بِغير عِلم ﴾ [سورة لقمان الاية رقم ٦] وقال ابن مسعود مقصود بـ ﴿لَهوَ الحَديث﴾ الغناء وجاء في البخاري ( ليكوننّ من أمّتي أقوام يستحلّون الحر والحرير والخمر والمعازف ) والأئمّة الأربعة متفقون على التحريم . فـ خلّينا نراجع حالنا شوي ، ونعرف شو الحلال وشو الحرام ونحاول نترك الأغاني ، ولو ما اقدرت تتركها ف نصيحة نصيحة نصيحة " لا تساااااااهم بنشرها " واللهِ مافي أصعب وأبشع من أنّك تموت وعندك ذنوب جارية عم يستمع إلها النّاس ﴿ يَقولُ يا لَيتَني قدّمتُ لِحياتِي ﴾ ، وهالزمن الشباب عم تموت قبل الختايرة . كنت متردّد كثير أحكي بالموضوع ، بس خايف بكرا بس تنقبض روحي أتحاسب ع أنّي كنت عارف أنّه حرام وضلّيت ساكت ، واعذروني عالإطالة .