#گزارش_خبری #reportaj Ələsqər Məmmədli səhhət bevəc bə “Toplum TV” internet televiziya iyən bın nomədə portali təsisəkə, media ekspert Ələsqər Məmmədli vəziyyət bevəc be xəbə doə bə. Ələsqər Məmmədli vəkil Fəxrəddin Mehdiyevi dekabri 18-də Boku İstintoğ təcridxonədə de əy vindemon karde barədə huğuğşunasi boə Nəsimi Məmmədli məlumot pevoloş kardə. Peş vindemoni vəkil Fəxrəddin Mehdiyevi bəyonış kardə ki, Ələsqər Məmmədli səhhətədə işqilon ziyod bən. Vindemonədə çəy behol be, bədəni muxtəlif nahiyonədə bə dojonku bə vəkili şikot kardəşe. Təcridxonədə peğətə xun analizon iyən ultrasədo muayinə nəticə bo norohətəti əsos dodə. Dılətonə orqanonədə dojon çəy bo qida se işqilon soxtedə. Ələsqər Məmmədli təcili cərrahi əməliyyot bəni bəyon kardə bedə. 2024-minə sori martə manqədə “Toplum TV” iyən Demokratik Təşəbbuson İnstituti 9 koəkə dastqir kardə bən. Əvon xarici valyuta ğaçağmalədə ittihom bedən. Ələsqər Məmmədli ın ittihomi ğəbul kardə ni, dastqirəti siyosi sifariş hisob kardə. سلامتی فعال رسانه‌ای محبوس جمهوری آذربایجان در خطر است. https://parstoday.ir/tly/news/talesh-i49474 💠 #رادیو_تالشی 💠 ╭──────────╮   📡 @Radiotolishi ╰──────────╯ 💠 #Tolışi_Rədio 💠