عادي.. ١- عادي ما تكون محبوب من كل اللي حواليك. ٢- عادي ما تكون مهضوم ودمك خفيف، وتكون بشخصيتك الحقيقة، وما يكون لفت نظر الناس هوس عندك. ٣- عادي ما تكون مشهور وعندك كتير متابعين على وسائل التواصل الاجتماعي. ٤- عادي يكون عندك صديقين تلاتة لا أكتر. ٥- عادي يكون كلامك بسيط وسلس ومناسب لعمر وثقافة اللي مقابلك بدون ما تحكي مصطلحات كبيرة مشان تبين أنك مثقف. ٦- عادي تكون إنجازاتك على مستوى ضيق وما يدروا فيها كتير بشر. ٧- عادي تاكل وتشرب وتسافر بدون ما كل اللي عندك عالفيس والإنستغرام يعرفوا كل تفاصيل حياتك. ٨- عادي تعيش حياة هادية بعيدة عن وسائل التواصل الاجتماعي. ٩- عادي تكون موجود بقعدة وما تحاول تبين أنك النجم الأبرز فيها. ١٠- عادي تقول (ما بعرف) لما ما بتكون بتعرف ومو بالضرورة دائماً تحاول تبين أنك خاتم الفهم. وعادي جداً تكون إنسان عادي. ♥️ . . .