Жанубий Корея делегацияси ҚашқадарёдаЖанубий Кореянинг
“Жаҳон кичик ва ўрта бизнесни қўллаб-қувватлаш ва бошқариш ассоциацияси” бош котиби жаноб Рҳеe Сунг бошчилигидаги делегация вилоятимизга ташриф буюрди.
Дастлаб хорижий делегация вакиллари ва Қарши шаҳар ҳокими Нормўмин Холбоев иштирокида тиббиёт, саноат ва уй хўжаликлари учун резина қўлқоплар, соч тўкилишига қарши шампунь ҳамда косметика маҳсулотлари ишлаб чиқарувчи компаниялар раҳбарлари билан ҳамкорлик алоқаларини йўлга қўйиш масалалари муҳокамасига бағишлаган
учрашув бўлиб ўтди.
Шундан сўнг меҳмонлар Қарши шаҳридаги кўп тармоқли
“Бросмед” ва
“Жавоҳир medical” хусусий клиникаларида бўлди. Клиникалар вакиллари билан ўзаро ҳамкорлик масалалари муҳокама қилиниб, дастлабки келишувларга
эришилди. Шунингдек, кореялик тадбиркорлар
“Қавали” ва
“Буюк Турон” кичик саноат зоналари,
“Sulton Tex Group” кластери ҳамда
“Hyper Trade” МЧЖ фаолияти билан яқиндан танишишди.
Telegram|YouTube|Facebook|Instagram|X 
