عhttps://t.center/qsxftu?قصيدة للام {وين الفارگتني} وين الفارگتني اليوم گلبي ايريد ملگاها لو ما تمر بيه اشلون اموت احسلي وياها 🎤ـــــــــــــ❁❁ـــــــــــــ📓 لو ما تمر بيه اشلون اعيش ابدون شوفتها مشت للمكبره وهاليوم حن گلبي عله حضنتها عافتني اون بالدار واشتم بس عبايتها بعد ما بيه يا هالناس اعيش اخلاف عيناها وين الفارگتني اليوم گلبي ايريد ملگاها 🎤ـــــــــــــ❁❁ـــــــــــــ📓 ما اصبر بعد يا ناس اريدنها تمر بيه خلتني يتيمه اشلون ومحد ينشد اعليه من الضيم احس هالروح تمشي وهيه محنيه آه يفراگها جتال هظيمه اعيوني بجاها وين الفارگتني اليوم گلبي ايريد ملگاها 🎤ـــــــــــــ❁❁ـــــــــــــ📓 آه يفراگها جتال اخذ كل حيلي ماخله واليفارگ عزيز الروح بالدنيه بعد شله يا عمري بدون امي بعد هيهات ما يحله اتراب المكبره اشلون اخذها وحيل غطاها وين الفارگتني اليوم گلبي ايريد ملگاها 🎤ـــــــــــــ❁❁ـــــــــــــ📓 اتراب المكبره اشلون غطه ارسومها الحلوه العيشه من بدون امي بعد فلسين ماتسوه وي الجنازة راح الحيل وحيلي الراح مايگوه اريدنها تجي هاليوم امي وانه بحماها وين الفارگتني اليوم گلبي ايريد ملگاها 🎤ـــــــــــــ❁❁ـــــــــــــ📓 مشتاگ الگلب ويريد امي الشالت ابساعه نار الشوگ وي الفراگ بالضلعين لساعه گلبي اعتاز حيل اعتاز المن يشتكي اوجاعه اه يتراب المكابر اخذها وعني بعداها وين الفارگتني اليوم گلبي ايريد ملگاها 🎤ـــــــــــــ❁❁ـــــــــــــ📓 #للشاعرة غدير الحساني أنت المعزى سيدي يا صاحب الزمان ... عظم الله اجوركم💔 ✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين ع