𝟻𝟷𝟷

يابنت يـ اللي ندر الابل تزهاهم
ياشبه وضحا مع "العتبان" فرديه

انتي سليلة شيوخٍ تطلق اسماهم
الي على نجد الاّنجد نارهم حيه

جدانتس الهم سيوفٍ تذبح اعداهم
وانتٍ معتس عين تضرب حد جنبيه

الورود تغار منها مزهرية مزهرية
وإن تباهت عذرها معها ويحق لها تباهى

ما يشباهها شبيه ولا يحاليها حلية
جل ربٍ يوم صورها فرقها عن سواها

لأقبلت هيجنت وإن أقفت جذبت السامرية
وعذابي إن عطتني وجهها ولا قفاها

لي صاحب مفقود ماعاد ينشاف
ومالي على المقفين شف وحسوفه

اليا ذلف لي عنه منحى ومذلاف
اليا ذلف واقـفـى لعـله ذلوفه

خلاص نفسي عافت وخاطري عاف
اليوم نفسي عن هواها عيوفه

ليتك خذيت الي بقى مني معاك
وانساك من قلبي ولا اذكر لياليك

ماعاد ابي قربك وطيفك ولقياك
ودعتك الله غيب ، ماني مناديك

ان رحت ماهميتني وان جيت حياك
ماعاد لي رغبة، احبك وأدرايك

تحط فيني اللوم وتنسى خطاياك ؟
عسى الله يسمّح مسالك خطاويك

مالك محبه دام هاذي سواياك
يابايعٍ قلبٍ من الحب شاريك

انا وصلت لمرحلة ما ابي شي
‏والمرحلة هذي ختام المراحل

‏لا باكيّن ميت ولا راجيّن حي
‏ولانيب متحسف على كل راحل

‏شفنا وعفنا وانتهت رحلة الغي
‏ماعاد به مركب ولا فيه ساحل .

حديتني من كثر ما اخطيت اخليك
كثر الخطا سبّة فراق الحبايب

واللحين ما ينفعك دمعة ترجيك
يكفي جروح القلب منك عطايب .

قلبي و قلبك توصل لك وتوصل لي
والله انها أشد من موجات الارسالي

ردن سلامي عليك وجن وقالِ لي
إنك ترحّب وأنا في خاطرك غالي

ليت الغرابيل جاتني من عدوِ لي
اما تقاضيت وإلا بيتقاضى لي

لكن من واحدٍ ذكرة غناةٍ لي
لا زلت أحبه وبحبه ولا أبالي

لا مر طرقٍ بخدراته سلامٍ لي
كنه يسلم علي بصوته العالي

خلوني أسجل عن موضوعه أحسن لي
وإلا الغلا ؟ والله إن يبطي وهو غالي

الله الله يالدروب المستقيمة
كيف اجادل واحدٍ ماهوب قدي

شرهة العاقل على النفس الكريمة
واحتفظ بالرد في مزحي وجدي

يفرح الجاهل ويحسبها هزيمه
مادرى عيني لمثله ماتلدي

صديت عن بعض خلق الله غنيمه
مايوالف قلبي القلب المصدي

الجفاء له طريق وللمحبه دلايل
‏وأنا ما عاد أشوف لحُبك أيّة دلاله

‏غيرتك الحياه وشفت منك الهوايل
‏وشفت منك القطاعه حاصله لامحاله

‏باقي منك في جوالي أربع رسايل
‏كل ما قريتهم قلت الغلا وش جرا له

‏يوم انا عايفٍ فيك العوض والبدايل
‏بعتني بيعة اللي سامحٍ من حلاله !

بنات عتيبه كلبوهن أصـايل
يشبهن خيول عفاس المـحيا

واهني اللي كسب منهن سلايل
يكسبن الطيب لو الطيب عـيا