«QazaqGaz» ұлттық компаниясының еншілес кәсіпорны – «QazaqGaz Aimaq» АҚ Сайрам ауданына қарасты Қарамұрт және оған іргелес жатқан Төлеби ауданына тиесілі Мәдени-Сарқырама ауылдарына жеткізуші газ құбырын тартты. Тұрғын үйлерге табиғи газ желілерін жеткізу салтанатты рәсіміне «QazaqGaz Aimaq» АҚ Бас директоры Бауыржан Асқаров, Сайрам ауданы әкімінің орынбасары Мадияр Оразалиев, «QazaqGaz Aimaq» АҚ өндірістік филиалының қызметкерлері, БАҚ өкілдері мен ауыл тұрғындары қатысты. Аталған ауылдарға көгілдір отынды Самсоновка газ тарату станциясынан жоғары қысымды газ құбыры төселді. Нәтижесінде Түркістан облысының Төлеби ауданының Мәдени, Сарқырама ауылдарының және Сайрам ауданының Қарамұрт жаңа құрылысының тұрғындары үшін табиғи газға қосылуды қамтамасыз етті. Нәтижесінде 580 тұрғын үй көгілдір отынды үздіксіз пайдаланатын болады. Ауыл тұрғындарының көптен күткен қуанышымен бөліскен «QazaqGaz Aimaq» АҚ Бас директоры Бауыржан Асқаров газ мамандарының басты міндеті – жергілікті халықтың сапалы өмір сүруіне жайлы жағдай жасау екенін жеткізді. Ауыл ақсақалдары халықтың әл-ауқатын арттыру, тұрмысын жақсарту мақсатында газдандыру жұмысын жүргізген мемлекетке, аталмыш компания мен облыс, аудан басшылығына алғыстарын білдірді. Газ мамандары тұтынушыларға табиғи газды қолдану кезінде қауіпсіздік шараларын сақтау қағидалары туралы түсіндіру жұмыстарын жүргізді.