صراحةً بالبداية رح حب إني اتشكرك ، و اتشكرك كتير ..♥️

صديقي المقاوم أو صديقتي المقاومة
" قاوم " مش بس رح تحكي ، رح تحتوي كمان و رح تبقى معك ، حتى لو ماكان موجود على أكتافك أجنحة ، حنخلق أجنحة سوا .♥️

المسؤوليات لا تستهدف أصحاب الأعمار و وما بتشوف أرقام بتحدد عمرنا ، بل بتشوف جوهر كل واحد فينا ، جوهر القوة يلي لازم على كل ذات و نفس تكتشفو كتير منيح برحلتها .
و المقاومة مش جهد أكتر ،
لا حدا يتفكر كلمة " قاوم " إنها بتدل على الجهد المبذول و تكون مفكر إنك كل مابذلت اكتر رح تجيب اكتر .

مش هيك ، كلمة " قـــاوم " هي من الروح ، و انت قلت معنى بيمثل " قاوم " .
مافي كلام أو طاقة عم تأثر فيه بشكل إيجابي و رغم هيك لازم يقاوم بأي شكل .

المقاومة مابتبحث و مابتعب نفسها إنها تدور عالإيجابي و السلبي ، بل هي روح وحدة و اذا فكرنا انه كلمة قاوم تدل على الإندفاع انا بقول في غلط لأن أحياناً عدم المقاومة و الاسترخاء هو مقاومة .♥️

ما بتنطر الإيجابي حتى تعيش ، و لا تخلي السلبي يطيح فيك .
لأن كل فكرة إيجابية رح تتحاور معك بالسلبي ، التحفيز أشبه بالحماس يلي قابل للإنطفاء بعد مضي كم يوم بالرحلة ، و القلق استخدام خاطئ مع الخيال ، أما الإنضباط هو استمرارية رغم كل شي ، رغم الخسارات و رغم المسؤوليات و رغم التعب و الإرهاق و رغم المشاعر السيئة و رغم كل شي رح يمر فيه الإنسان ..

شقد ما فشلت و شقد ما تعثرت إياك و الإستسلام ، الفشل هو محطة تعلم أما الإستسلام هو رفع الراية البيضا ..

و ليش الخوف ، و ربنا قلك في سورة الضحى {‏ وَلَسوف يُعْطِيكَ رَبُّكَ فَتَرْضَى }

مش بس رح يعطيك بل رح يعطي لترضى .♥️

و كلام ربنا أحق من كل كلمة انا قلتها هلق ، اطلعوا على أيات الله و شوفوا و اتدبروها و كونوا أصحاب بصيرة بكل آية بقولها و شوفوا كيف هو رحمن و وهاب و رزاق و قدير و عزيز و عليم .♥️

في حديث عن الشيخ الشعراوي بيقلنا شو بيقول ربنا لعبده :

بيقول عبدي ، خلقت الأشياء من أجلك و خلقتك من أجلي .

ربنا خلق كل شي لإلنا ، و خلقنا لإلو ، معقول يقطعنا من خير و هو رب الخير لا يأتي إلا بالخير!!

لما خلق الشجر خاطب التربة و لما خلق السمك خاطب البحر ، بس لما خلقنا خاطب نفسه .♥️

انتا يا صديقي المقاوم أو صديقتي المقاومة روح من الله ، استقيموا إليه يستقيم كل شيء حولكم و عودوا إليه ولو أذنبتو ألف مرة لأن في حين رجوعكم لإلو هو بيكون بأياديه مغفرة و رحمة لإلكم .♥️