فيه حد يستاهل إنك تسلم عليه.. بس.. فيه حد يستاهل إنك تقعد تتكلم معاه، في حدود السياق.. فقط.. فيه حد يستاهل إنك تقعد وتهزر وتبقى بسيط ومتواضع.. وده آخره.. حد تاني تديله من وقتك وإحساسك وتفاعلك وتفكيرك.. بدرجة ما.. فيه حد تشاركه وتفضفض معاه.. وحد تتونس بيه وتسمح له إنه يتونس بيك.. وحد تمنحه اهتمامك.. وانتباهك.. وكثير من مشاعرك.. وفيه بقى حد.. يستحق إنك تبقى معاه نفسك.. ويستاهل إنه يشوفك كلك.. أنت كما أنت.. بنورك وظلامك.. بجمالك وقبحك.. بحيرتك ولخبطتك.. بسماءك وأرضك.. دور حضرتك بقى.. إنك تحدد وتختار.. تدي مين منك إيه.. وتبقى كام فى المية من نفسك، مع مين.. وتورى مين.. منك.. قد إيه.. لأن مش كل الناس تستاهلك كلك. - د/ محمد طه