𓆩 qamari 𓆪

سهامك عذبني كطعني،
ارفس واضحكت من ضحك سنك..

صرت اقرب الي يفلان مني،
اذا نشدوني عني احجي عنك..

شردت منك احس مرتاح جنّي،
طلعت بيك اني شارد موش منك..

ماترهملي بس تفصال احس بيك،
و مُر تكتل واضوكنك شمحلاك..
هلا بجيتك اصيح وانت ماجاي..
واقشمرني واكوم اتشابك وياك..

#عبدالحسين_الحلفي

اغار عليك من گلبي والعيون
لذلك اني حاير وين اشيلك
وحقي مااجيلك اني معذور
اغار عليك مني ومااجيلك..

على نار انتظر ومتاني الاحباب
واندك باب بيتي والگلب ذاب
طلعت للباب عود الباب افتحه
لكيت الباب طالع فاتح الباب..

#عبدالحسين_الحلفي

بعدك بالگلب رغم الخلافات
المسافات انلغت بينك وبيني
ماينطيني گلبي ازعل وياك
بس ان شاء الله گلبي ينطيني
اتوقع يجي فد يوم انساك
بس اتمنى اموت ومايجيني
اعرفك مو الي بس اني اهواك
لان انت الوحيد المالي عيني...
#عبدالحسين_الحلفي

دارا لنا اظلمت ارحم بنا مرها
دنياك عنا جفت ذقنا أسى مرها
ما ضر لو تستمع وانطق ولو مره ها
السعد عنا مضى والهم لا منقضى
لا من سعير بنا ناراً ولا من قضى
انت القضيت بنا لا الدهر فينا قضى
قد اغرمت نآرنا ينهى بكم امرها
#عبدالحسين_الحلفي

اكو (لن)واكو (لم)..
هاي للمستقبل الماله وجود
وهاي للماضي الذي اصبح عدم
واكو تطشر واكو لم
وتدري مرات التطشر هواي احسن من اللم
مو هضيمه خلـ يطشرك سهله تتحمل ألم
بس هضيمه تكله لمني وهوَ هم محتاج لم..
#عبدالحسين_الحلفي

لتضل تاكل بروحك على الراح
لانك من تغص تشرب بالجروح
يجوز الراح ما يتوالم وياك
ومنكم فرد واحد يبقى مسموح
اذاً خيروح لاتعتبره باقي
اذا تعتبره باقي انت التروح...

#عبدالحسين_الحلفي

ابن آدم يضرب اللوح بـ بسامير
لكن من يموت يشابكه اللوح
من ابزك بالحجي لاتزعل ارجوك
اسمعني وكول شكراً كول ممنون
الابره من تبز الثوب يا صاح
قصدها تخيط بشك اليشگون
الماي شكد حلو بحلك العطاشه
بس شلون نقمه اعله اليغركون
#عبدالحسين_الحلفي

شوف السده رغم تعارض الماي
بس الماي ضل شابك السده
تذب رمحك عليَّ ماادري شبيك
زين شبيك تزعل من اصده
ردت مده ويه غيرك حتى انساك
اكو غيرك شفت بس ماكو مده

#عبدالحسين_الحلفي

تالي اليل اكلهم باجر انساك
و ارد من غبشة الله واحجي بس بيك
بغيرك فكرت كلت بلكي انساك
طلع غيرك يشبهك فكرت بيك
#عبدالحسين_الحلفي