𓆩 qamari 𓆪

شو اشوفك ما تحن وانت الحنين،
يصير گلبك من صبغ حنيته..

عمي بطل لا تسولف للسنين،
وانه حبل مواصلك جريته..

يالتعمر البيت لاتبني على طين،
والتعمد ما يعمر بيته..

ولاتدور الطيب واللايم جزاك،
ضل يدور طيبكم جا وينه..

من اشتهيتك يوم والساني لكاك،
بغير ملحه ورودكم للزينه..
عاد باعك ضامري وما رد شراك..
وسلمك لايد الزمن وسنينه.

#صاحب_الضويري

ها يـليل شحصلت من النهار..
ويانهار شحصلت من ليلك
ويا صباح الله الكشفتلنه الستار
شـشفنه بيك البارحه ونحجيلك..

ويا صباح الله شمشه بيك القطار،
وشكثر نام الكطا بشليلك
واني ذاك الماطلع من الگراب
زنجريت وحاط بدواي الطبيب..

"دورينه وردنه يوم من الاحباب،
لنه ممشى سنين عن درب الحبيب"..

#صاحب_الضويري

لعبنه اعلى الحبل بس ماكطعنا
ولاسدينه بيبان الميانه
ولاخنه الوفى والعشك بعنا
نفسك انت انت وانه انه
فتحنه گلوبنه بلا مستحه وخوف
واجوا كدامنه الجانوا ورانه
جنه نشوف كلشي وكلشي نقرا
عدنه عيون بس مدري شعمانه...

#صاحب_الضويري

ما يهمني بخبزتك للنار زيح ولايهمني المرگته أعله زياگه
انه همي القابلة شبيها تصيح وداخت من صياحها الطلاگه

#صاحب_الضويري

الدنيا هاي طباعها اطباع الجراد
المايخلي السنبل يطگ عوده

واااه يگلبي يلوگلك لبس السواد
والوكت كل يوم يظهر موده

واني گلبي لو غده مثل بغداد
هم يرد بغداد ضلمه عجوده

هاي دنيا وچلچل عليها الضباب
الماتمييز بعيده من القريب

واني بيها تجرعت مر العذاب
وكل عجيب المر عليّ ماهو عجيب

#صاحب_الضويري

بس انت عليك تصب العيون
وما صبت عگب عينك على احد
واخاف احچي وتگول الناس مجنون
تولع بالموده المالها حد
وتدري انت حبيبي وهمه يدرون
رحت وگلت اجيك بيوم الاحد
من التمسك تعال تلاحگ اللون
وامشي القل هوه الله عليك واحد
منه حالي صفه حال اليوذنون
بتالي الليل اصيح الله الاحد
#صاحب_الضويري