𓆩 qamari 𓆪

مِا حَيلة الرّامي أذا ألتَقت العِدا
أٓرادَ رمِي السهم فِأنقَطع الُوتِر

قطعين ذباني زماني بدار قطعين
وابد مايوم خنت الولف قطعين
گابلت العدو وبالوتر قطعين
وكسر بالكوز وصوابين بيه

#سمير_صبيح

منو مثلي الثلج امّنه بجف الصيف،
وكله يدير باله تلوحه الحروره..

"ومنو مثلي على نيته شلون طير الهور،
اجه بلهفه وحنين وما حظه بهوره"..

ومنو مثلي سكت شاف الزرع مبيوك،
ودره البوكات كلها ببيت ناطوره ..

ولو .. روحي بنفسها تريد كلشي تكول،
اعض شفتي واكلها الكاع محظوره ..

على بختج يروحي مالي حيل الروج،
وشراعي تعب والدفه مكسوره..

و ولا ساحل بقى وادري الصخر ميطوف،
حتى اتعب وادور صخره مشموره..

وعتبنه على الصبر يا روحي مو عالعين،
إذا ميصير سد الدمعه معذوره.

#سمير_صبيح

لا تچذب الچذب حبله گصير
شحصل الچذاب من بيته احترگ..

ديربالك تضعف وخلك چبير
مو فخر للريح لو طاح الورگ..

ماتبين قوة لو ماكو ضعيف
والخسارة تروح لو زاد الربح..

وهذا دمي أعليك من كثر النزيف
انتَ خنجر تجرح وما تنجرح..

من صفات النسمة تركض عالخفيف
ومن يزيد الماصخ يدفعة الملح..

السعفة چانت عالية وصارت حصير
وچي تحب التمر صارتله طبگ..

مره طاوعني ولك مره شيصير
الي عاند نوح مو ضل وغرگ..

#سمير_صبيح

دليني بدرب ما ألك خطوة وياي
لاحگني بخيالك بيش تطلبني ...

#سمير_صبيح

بيتت الشبچ ومتاني يگضي الليل
لو ابيع البلم لو صايده الگيها

#سمير_صبيح

مثل الخيط عايش
والحياة حظوظ
لو تسكن شمع
لو تسكن بسبحة

#سمير_صبيح

اسكت لاتضل تشكي بهاماك
وتلوم الروح وتعضعض بهاماك
اخذ طبع النخل وارفع بهاماك
واذا بالطين عركك هاي هيَ.

#سمير_صبيح

مثل هرش الشجر واشربلك الماي،
وكل هذا الخضار البيك مني..
وانه بنص الملح ومشابك الطين،
وبلابلنا على اغصانك تغني..
وتمر الريح بيك واحضن الكاع،
وتريد تروح ويه الريح عني..

#سمير_صبيح

اجلي بحديد الزمن مبرد وانه منجلي
بس جيه الموت مامنها ابد منجلي
يكولون ليل الحزن لابد وان منجلي
وتطلع علينا شمس لمن وكتها يحن
وچف الهجر حنته للحنه يرجع يحن
يفلان تدري شوكت گلبك عليه يحن
لمن على السنبلة يعطف گلب منجلي

#سمير_صبيح

راضي بعشرتك لو تبقى بس نظرات..
احس ذني اليه وهذا يكفيني..

مبارك عـ الجرف بس كون اشوفك ماي
صخره الروج فوك ولاترويني..

بعد ماضل ذهب حتى افرك المصباح،
والمارد طردته شعنده ينطيني..

حركتي الـ بالگلب تطلع عليه بساع
شما الزم جمر مااحسه يجويني..

#سمير_صبيح

راضي بعيشتي ومرتاح وبخير..
المهم عندي گلب يتحمل احزان
انه معاند زماني عناد صبير
يموت وينتهي وميكول عطشان..

لتفكر تعال بغير تفكير..
لان باجر تجيني تكلي غلطان
وأأكدلك تجي لتكول ميصير
ولتكلي اطير وعندي جنحان..

يحط اعلى الشجر من يفحط الطير
مو شجره السما ومابيها اغصان
سبب هجرك ادوره وماكو تفسير
تريد انه اعتذرلك وانت غلطان.

#سمير_صبيح

صح طيب گلب
لازم اصيرً حاد
السعف يحمي التمر لو كثر السل

#سمير_صبيح

يا مدري شوصفك شرد اكولن بيك
اذا هو العمر مايسوه من دونك..

#سمير_صبيح

كضتها عليّ عود اخضر ويه النار
تعاند بالحرك ودموع تنهيها
خايف بس اجذب لو كلت مااخاف
طفل وبـ ليل غابه،تريد يمشيها..

#سمير_صبيح

الگلب ما مات واني الكلت لامات
وعليّ كبر المصيبه الناس لامات
تدري على الدرب ضليت لامات
لحد ماعتكن هدومي العليه.
#علي_رشم

دامن عـ البواجي وراح يدمن
جفني والجروح جروح يدمن
بحلك بيري ايدين هواي يدمن
عدو،شامت،صديق يمدها اليه.
#سمير_صبيح

اني ادري ياهو اللذي سم بكلامك داس
بس اني عندي گلب حافي على جمرك داس
"مضحي بخسارة عمر بس منك اربح داس"
وضيعت كل العمر وياك اني عليت
وياما بصدودك عليّ هذا العمر عليّت
بأحلامي اساسك قوي وفوكا قصر عليت
بس للاسف بالصحو طابوكه وحده وداس.

#سمير_صبيح

خلص عمري بصدودك كله امني
وعليّ مااجن طيوفك كلمني
اني الي جرالي كله مني
جبت بيدي الجرح دليته بيه

#سمير_صبيح