هاك اقره يالتقره الورد شاطر جنت بقرايته.. واقراني واحد مختنگ ضاگت بعينه ولايته.. مـشـتاگـلك… لكن هلك يستكثرون حچايته.. "مسودن اگلب بالنجم ياهي الگبالك بايته".. الماشاف من عينك صبح تكفر بوجهه مرايته.. ماگتلي ناوي علـ هجر حتى اقتنع واتعلم،، من گتلك انتَ فلان الي چا ماگلت لا تحلم،، مو مسألة شوگ وعطف لا يـ ابن الاجواد افهم!،، المشكله هو الهوى مر بعدك وما ينشم،، المشكله مفارگ بشر نايم وافزن مختنگ بالطيف اذا ما سلم،، المشكله مفارگ دفو مايبرد گباله الدم،، هذا انتَ وانه علـ هجر گتلك گلب ماعدي.. بس رحت جريت الشمس من حلمي ذاك الوردي.. ليليه حرگة فرگتك تچوي الفرات بخدي.. هسه المهم..عوف العتب خافن يمر بيك التعب بالحلم طارش ودي.. تلگاني واگفلك حرز يم شعرك المتبدي… #نهاد_الخيكاني