#الخلفاء_الراشدون_إيمان_شلبي #سيرة_أبو_بكر_وعمر #الحلقة_الثالثة_والعشرون #حروب_الردة #القضاء_على_المرتدين_جنوب_المدينة اتكلمنا المرة إللي فاتت عن أربع جيوش أخرجهم أبو بكر رضي الله عنه لقتال المرتدين جنوب المدينة، والأربع الجيوش دول سريعا كده هم: ¤ جيش بقيادة حُذيفة بن مِحصِن لقتال المرتدين في منطقة《دَبَا》التابعة لعُمان. ¤ جيش بقيادة عَرْفَجَة بن هَرْثَمَة لقتال المرتدين في منطقة《مَهرة》شرق اليمن. ¤ جيش بقيادة المُهاجر بن أبي أمية لقتال أتباع مدعي النبوة الأسود العنسي في صنعاء عاصمة اليمن. ¤ جيش بقيادة سُوَيْد بن مُقَرِّن لقتال المرتدين في منطقة تِهامة في اليمن. بالنسبة للجيش إللي راح منطقة دبا في عمان فاللي حصل إن في واحد ادعى النبوة اسمه ذي التاج لَقيط بن مالك الأَزدي، فاتبعه بعض أهل عمان وتغلّب على جيفر وعبد ابنا الجلندي إللي قلنا عنهم المرة إللي فاتت إنهم اسلموا على يد عمرو بن العاص واستمروا في حكم عُمان، فلما تغلب عليهم لقيط بن مالك الأزدي أرسل جيفر إلى أبي بكر رضي الله عنه وأخبره باللي حصل فأرسل الجيش إللي كان بقيادة حُذيفة بن مِحصِن لقتال لقيط بن مالك الأزدي وأتباعه، فلما علم ذو التاج بقدوم المسلمين، تحرك بجيشه إلى منطقة دبا، أما جيش المسلمين فعسكر في منطقة اسمها صُحار بعيدة عن دبا حوالي مائة وثمانين كيلو، وفضلوا معسكرين هناك لحد ما يتجهزوا ويلحق بيهم إللي هييجوا يقاتلوا معاهم👌 وكان من إللي لحق بجيش حُذيفة بن مِحصِن جيش عكرمة بن أبي جهل👌 ☆طبعا هتقولوا إيه إللي جاب جيش عكرمة لعُمان وهو أصلا كان خارج لقتال مسيلمة الكذاب في اليمامة🤨 إللي حصل إن لما عكرمة رضي الله عنه توجه لمسيلمة الكذاب كان المفروض إنه ينتظر الجيش الثالث المدد إللي كان بقيادة شُرحبيل بن حسنة💁 لكن عكرمة رضي الله عنه ظن إنه ممكن يفاجئ جيش مسيلمة ويهزمه، فاستعجل رضي الله عنه وقاتل مسيلمة بالجيش الصغير إللي كان معاه ولم ينتظر المدد فاتهزم من جيش مسيلمة الكذاب😬 ¤ممكن حد يقول طيب ليه ربنا كتب عليهم الهزيمة😕؟ مش هم صحابة وخرجوا للقتال في سبيل الله وعدوهم كافر، ليه بقى تحصل لهم الهزيمة🤷 إللي يجاوبنا على السؤال ده هو ربنا عز وجل، ربنا قال: "وَأَعِدُّواْ لَهُم مَّا ٱسْتَطَعْتُم مِّن قُوَّةٍۢ وَمِن رِّبَاطِ ٱلْخَيْلِ" 《سورة الأنفال آية(60)》 من الصفات المهمة إللي لازم تكون موجودة في الجيش عشان ربنا ينصره هو الأخذ بالأسباب المُتاحة، ومن الأسباب دي الإستعداد الجيد للمعركة بقدر ما يستطيع الجيش👌 بمعنى إن الجيش يبذل كل ما يستطيع في التجهيز للمعركة، ولو معملش كده هتحصل الهزيمة لأن في سنن كونية ربنا قدرها مش هتتغير إلا أن يشاء الله شيئا آخر👌 ☆وبما إننا بنتكلم عن صفات الجيش إللي ربنا ينصره خليني أفكركم بالصفات دي سريعا لأننا هنلاحظ وجودها في جيوش الفتوحات الإسلامية بعدين، واحنا كنا اتكلمنا عن الصفات دي في السيرة النبوية في غزوة بدر وما بعدها لو تفتكروا👌 هم عشر صفات رئسية مهمة: 1️⃣ الإيمان بالله عز وجل، وبرسوله ﷺ، واتباع منهجه ﷺ، وأي منهج لا يقوم على الكتاب والسنة؛ لن يكون من ورائه إلا كل خزي وذل وهزيمة زي ما احنا شايفين دلوقتي في الواقع بتاعنا🙂 2️⃣ الإيمان باليوم الآخر، وطلب الجنة، وحب الموت في سبيل الله، والزهد في الدنيا. 3️⃣ الوحدة بين المسلمين، ولازم تكون الوحدة دي تقوم على رباط العقيدة والدين لا على روابط قبلية أو عرقية. 4️⃣ الإعداد الجيد للمعركة من خطة ومال وسلاح وجهد وتخصص وعلم. 5️⃣ الشورى، يعني القائد يشاور الجنود بتوعه، ولكن الشورى تكون في الأمور إللي مفيهاش نص شرعي، يعني مينفعش التشاور في شيء محرم مثلا نجعله حلال أو لأ. 6️⃣ الحسم وعدم التردد، يعني ياخد القرار ولا يتردد فيه أعمل ولّا لأ، فالتسويف وتأجيل الأعمال علامة على التردد والضعف. 7️⃣الاعتماد على الشباب والاهتمام بهم، والارتقاء بأفكارهم، والثقة في قدراتهم وإمكانياتهم. 8️⃣ توسيد الأمر إلى أهله، وأهله هم الأكفاء الأمناء. 9️⃣مشاركة القائد لأتباعه والاختلاط بهم والتضحية معهم، وعدم الترفع عليهم. 🔟 روح الأمل والتفاؤل واليقين في نصر الله عز وجل لهذه الأمة. فلو حاولنا نطبق الصفات دي على جيش عكرمة رضي الله عنه هنلاقيه إنه فعلا محقق الصفات إلا صفة واحدة وهي عدم الإعداد الجيد للمعركة👌 فالمفروض إن جيش عكرمة رضي الله عنه كان ينتظر لحد ما يكتمل الإعداد للمعركة بانضمام جيش شرحبيل بن حسنة له زي ما كان قال له أبو بكر رضي الله عنه؛ لأن أبا بكر كان عارف إن جيش مسيلمة كبير وجيش عكرمة صغير مش هيقدر عليه لوحده،