#الخلفاء_الراشدون_إيمان_شلبي #مقدمة بسم الله والصلاة والسلام على رسول الله ﷺ وبعد، إن شاء الله هنبدأ في شرح سلسلة الخلفاء الراشدين رضي الله عنهم أجمعين😊 بعد استفتاء التليجرام؛ هتكون الحلقات حلقة واحدة أسبوعيا كل يوم《أحد》بدل ما يكون في انقطاع 3 شهور😅 بالنسبة لحلقة النهاردة فهي مقدمة فقط هوضح فيها كم نقطة كده عشان الأمور تبقى واضحة، لكن الحلقة الأولى من الخلفاء هتكون يوم الأحد القادم إن شاء الله👌 ◇أولا: ودي أهم نقطة في موضوع النهارده كله وهي: ليه احنا بنتكلم عن الخلفاء🤔 يعني قصص الأنبياء والسيرة والدار الآخرة قلنا إنها من الدين عشان نقوّي إيماننا ونفهم القرآن ونتعلم من قصص الأنبياء ونطبق ده في حياتنا، إيه بقى إللي هنستفيده من معرفتنا بقصة الخلفاء وهي مجرد قصص وخلاص🤷 💠مبدئيا وبصفة عامة قصة الخلفاء هي من التاريخ الإسلامي، وكل الأحداث إللي بتحصل على مر الزمان عبارة عن أحداث متكررة، يعني الأحداث هي هي لكن بس الاختلاف في أسماء الأشخاص والأماكن، فمفيش حاجة جديدة على الأرض، سواء من أيام الأنبياء وحتى من بعد الصحابة، وربنا قال: "فَاقْصُصِ الْقَصَصَ لَعَلَّهُمْ يَتَفَكَّرُونَ"《سورة الأعراف آية(176)》 فلأن الاحداث متكررة؛ ربنا بيقول لنا نتعلم القصص دي عشان نعتبر منها ومنعملش زي إللي سبقونا👌 وانتم شوفتم بنفسكم في قصص الأنبياء إزاي إن أقوام الأنبياء بيكرروا نفس الكلام ونفس الأفعال، وعندكم مثلا أفعال قوم لوط،أهه احنا شايفينها بتتكرر في الواقع وإللي يعترض عليها يبقى هو المتهم وغلط والدنيا تقوم عليه متقعدش، وممكن يتسجن عادي😒 فاللي بيدرس التاريخ بعمق؛ هيبقى كأنه يرى المستقبل، وهيبقى فاهم إللي بيحصل على وجه الأرض من أمور ولا ينخدع بسهولة مهما كانت المؤامرات عظيمة ومهما تعددت وسائل المكر والمكيدة👌 أنا شخصيا شوفت أحداث في التاريخ من أيام غزو التتار بتتكرر بالضبط في واقعنا الحاضر وكنت مذهولة من كمية التشابه في الأحداث😶 والناس فعلا تلاقيهم بيقعوا في نفس أخطاء السابقين، وده بسبب إهمال تعلم التاريخ الإسلامي😕 مع إن التاريخ الإسلامي هو أنقى وأزهى وأعظم وأدق تاريخ عرفته البشرية👌 فدراسة التاريخ مش دراسة تكميلية أو جانبية أو تطوعية مثلا، لأ، ده دراسته ركن أساسي من أركان بناء الأمة القوية👌 معرفة تاريخ الخلفاء الراشدين بالذات بقى له أهمية خاصة عن باقي أحداث التاريخ، ليه؟!🤨 إللي يجاوبنا على السؤال ده هو رسول الله ﷺ نفسه👌 قال رسول الله ﷺ: "إنَّهُ مَن يعِشْ منْكم بعدي فسيَرى اختِلافًا كثيرًا، فعليكُم بسنَّتي وسنَّةِ الخلفاءِ الرَّاشدينَ المَهديِّينَ من بعدي تمسَّكوا بِها وعضُّوا عليها بالنَّواجذِ، وإيَّاكم ومُحدَثاتِ الأمورِ فإنَّ كلَّ بدعةٍ ضلالةٌ" 《حديث صحيح》 يعني رسول الله ﷺ قال للصحابة إن إللي هيعيش منكم بعد موتي هيشوف اختلافات كتييير في الدين وغيره، فقال لهم بقى الطريقة إللي يقدروا ينجوا بيها من الاختلاف إللي هيحصل ده، وهو التمسك بسنته ﷺ، يعني التمسك بطريقته ومنهجه ﷺ في كل شيء، وكذلك التمسك بسنة الخلفاء الراشدين يعني بمنهجهم وطريقتهم هم كمان، ومش بس إنهم يتمسكوا، لأ ده بيقول عضوا عليها بالنواجذ👌 ¤يعني إيه بقى النواجذ دي🤔 النواجذ معناها آخِرِ الأضْراس، شوفوا لما الواحد عايز يمسك حاجة بقوة بأسنانه، بيمسكها إزاي؟! بيمسكها بالأضراس إللي في آخر الأسنان صح؟ أهه العض بالنواجذ هنا كناية عن شدة التمسّك بسنة رسول الله ﷺ وسنة خلفائه وعدم الحَيْدة عن طريقهم👌 فالسؤال هنا بقى: إزاي احنا هنتمسك بسنة الخلفاء دول واحنا منعرفش سيرتهم ولا إيه الأعمال إللي عملوها🤷‍♂️ ده غير إن فترة الخلفاء الراشدين من أهم فترات التاريخ الإسلامي، بل هي أهمها على الإطلاق بعد فترة رسول الله ﷺ؛ لأن الفترة دي تُعتبر جزء من التشريع الخاص بالمسلمين👌 ☆طبعا هنا حد يقول: معنى كده إن الدين كان ناقص مش كامل والخلفاء هم إللي كملوه😳 💠لأ مش كده طبعا👌 ده بالعكس بقى، الخلفاء الراشدين رضي الله عنهم كانوا حريصين جدا على التمسك بهدي رسول الله ﷺ في صغير الأمور وكبيرها💁 لكن الموضوع هو إن إذا نزلت نازلة يعني حصلت حاجة مكنتش موجودة على عهد رسول الله ﷺ ولم يجد الخلفاء فيها نصا عن رسول الله ﷺ؛ فإنهم يجتهدون فيها، يعني بعد رسول الله ﷺ حصلت أحداث جديدة مكنتش موجودة قبل كده في حياته ﷺ، وكانت الأمور دي محتاجة إلى فقه واجتهاد، فاجتهد فيها الخلفاء واختاروا آراءً سديدة ساروا عليها وسارت معهم الأمة فكانت تشريعاً للمسلمين، زي كده ما حصل في  مسألة جمع القرآن💁 يعني القرآن إللي بين إيدينا دلوقتي ده مكنش موجود متجمع كده على عهد رسول الله ﷺ، أول واحد جمعه كان الخليفة الأول أبو بكر الصديق رضي الله عنه، وقصة جمع القرآن هنعرفها بعدين إن شاء الله،