Тез ўқиш имконини берадиган шрифт яратилибди. Швейцарияликлар “Бионик” номли шрифтни яратибди. Унинг вазифаси, қўпол қилиб айтганда мияни алдаш экан. Мисол учун биз ҳарфларни кўрганимизда миямиз улардан сўз ясаб кетади. Кўзимизнинг вазифаси ҳарфларни кўриш, мия эса улардан сўз ясаш билан шуғулланади. Бионик шрифтда эса сўзларнинг дастлабки бир нечта ҳарфлари қорайтирилган бўлади ва ўша қорайган қисмининг ўзиёқ мияни бу ҳарфлар қанақа сўз эканлигини аниқлашига ёрдам бераркан. Шахсан ўзим ҳеч қачон тез ўқиш тарафдори бўлмаганман, тушунмасдан тез ўқигандан маъно йўқ деб ҳисоблайман. Лекин, бу шрифтдан фойдаланган айрим блогерлар сени тез ўқишинг матнни тушунмаслигингни англатмайди, ишонмасанглар синаб кўринглар дейишмоқда. Ораларингда электрон китобдан фойдаланадиганлар, ёки компьютер/телефонда кўп матн ўқийдиганлар бўлса, бионик шрифтни юклаб олиб синаб кўришни тавсия қилардим. Шунчаки қизиқ, ўзим ҳам бирор кун синаб кўрсам ёзаман каналда.