(قصيدة لمسلم ابن عقيل عليه السلام)
ـــــــــــــــــــ꧁꧂ـــــــــــــ
حي ضنوة عقيل اليوم والكوفه اشلعب بيهه
زلزال ونزل ميدان گلبها اسفلها عاليها
ـــــــــــــــــــــــــــــــــــــــــــــــ
تسلم ياسفير حسين للكلفه يريدونك
لجل حسين ابن عمك توگف تعرض امتونك
شجاع وما تهاب الموت اهل كوفة يعرفونك
يطشرهه ويلم بيهه وضل يتمرجل اعليها
✍🏻أم رافد العسكري
ـــــــــــــــــــــــــــــــــــــــــــــــ
ضل يتمرجل اعله الگوم گالو حيدره چنه
من يدبچ يهز الگاع وميدان الحرب فنّه
طشرها الرگاب ابزود يشبه ذاك كافلنه
مسلم بالحرب صنديد زمجر صاح لـــــــفنيها
✍🏻ام حسين العسكري ناصريه
ـــــــــــــــــــــــــــــــــــــــــــــــ
مسلم لو هجم ضرغام وسيفه ابد مايتعب
هداته تهز الكون يرهب ويلي من يغضب
مثل عمه ابو الحسنين مجرب بالحرب يلهب
خله روسهم طشار فنه الكوفه جقه من یلاویها
ب
✍ الحاجه ام احمد الحچامي
ـــــــــــــــــــــــــــــــــــــــــــــــ
ماهمه الجمع لاخاف جيش ولا رجف گلبه
بيده ايعدل الميدان منهم جره ويگُلبه
هذا مُرسل امن حسين سيف الشده المجربه
ناده روحي ويلادي لابوالسجاد افديها
زمـــ
✍🏻ــــن حــــاتــم الربيـــعي واســــــــــــــــــــــط
ـــــــــــــــــــــــــــــــــــــــــــــــ
أسد مغوار بالكوفه ذكرهم بماضيهم
ردهم من گبل ماچان حيدرعلي يلاويهم
بس حيف وأسف عطشان والغدر بنواديهم
حفرو للسبع حفره يا هظمه يهاليها
✍رماد الخيام
ـــــــــــــــــــــــــــــــــــــــــــــــ
لو طب الحرب ميهاب
يجول بوسط ميدانه
ماخاف المنايه يجول
طشر جمع عدوانه
لاگاهم واهو وحده
يدري الگوم خوانه
تشهدله المعارك دوم
احدوده من يدانيها
*ام منـــ
✍️ـذر الحجار*
ـــــــــــــــــــــــــــــــــــــــــــــــ
تــمــــ بـحمـــدالله وتـوفيـقـــه ـــــــــت بـــأقــــ
✍🏻ـــ
✍🏻ـلام شـاعــــرات الملتــقى الحسيـــــني لـناعــــــيات الطـــــــف بتـاریــــخ
📜 شوال الخير / ١٤٤٥هـ
🌙 بـإشــــــراف الشــاعــــــــرة والحاجـه أم حســـــــين العسكـــــري ناصــــريـه يحـــــرم الحــــذف والتــــــلاعب ونسألكـم الدعـــاء والفاتحـة لأمواتــنـا.
http://t.center/pntAlMirza_zamnhttps://t.center/Alaqelaa313