🤩 Muhammad al-Xorazmiy nomidagi ixtisoslashtirilgan maktab-internati Nukus filialida Toshkent shahridagi Turin politexnika universiteti vakillari bilan uchrashuv bo’lib o’tdi. O’quvchilarning STEM fanlariga qiziqishini oshirish hamda kelgusida muhandislik sohasida oliy ta’lim tashkilotlarida oʻqishini davom ettirishga ilhomlantirish maqsadida tashkil etilgan ushbu uchrashuvda Toshkent shahridagi Turin politexnika universiteti rektori Olimjon To’ychiyev, Toshkent shahridagi Turin politexnika universiteti "Mashinasozlik va Aerokosmik muhandisligi" kafedra mudiri Jasurxo’ja Xolxo’jaev, Toshkent shahridagi Turin politexnika universiteti Marketing va karyerani rivojlantirish boshqarmasi boshlig’i o’rinbosari Toirxo’ja Maxamatxo’jayev, Toshkent shahridagi Turin politexnika universitetining Koreya IT fakulteti menejeri Furqat A’zimov, Nukus shahar 1-sonli ixtisoslashtirilgan maktab-internati direktori Marat Ibraimov Nukus shahrida joylashgan maktablar o’quvchilari va ularning o’qituvchilari ishtirok etdi. Ushbu uchrashuvda o’quvchilar grantlar, stipendiyalar va yozgi maktablar haqida ma'lumotlarga ega bo'lishdi. Uchrashuv so’ngida tashkilotchilar tomonidan qiziqarli o’yinlar o’tkazilib, faol qatnashgan o’quvchilarga esdalik sovg’alari topshirildi. 💬Telegram