قناة الشاعر موسى الزيدي للقصائد الحسينيه

((قصيدة الخدمة الحسينيه ))

يا مولاي يامولاي بسجلك خدم سجلنه
////////////////////////////////////////////////////
كون على الگبر مولاي. خدامك يسجلونه
اسم خادم الك يحسين يامحلاته مظمونه
اشكم عابس تجنن بيك يصرخ انه مجنونه
ساده والخدمكم يوم بالمعشر تنجونه

يامظلوم يامظلوم فدوه لاترجعنه
يامولاي يامولاي. بسجلك خدم سجلنه
////////////////////////////////////////////////////
اليخدم ابنج الزهره مايوفيله بعيونه
ذاك العزب بصدره. وخلاهم يرضونه
شما ننطي اله مقصرين ونقدم ارواحنه دونه
خالد اسم ابو الاحرار. والشيعه يقدسونه

يامذبوح. يامذبوح عنك لا تبعدنه
يا مولاي يامولاي بسجلك خدم سجلنه
////////////////////////////////////////////////////
سفينتكم وسيعه حيل تنجي من تعناها
والخدمة لهالي البيت بالدنيه شتريناها
وحنه من الزغر يحسين قضيتكم قريناها
ومن يوم القرينه الصار مصيبتكم عرفناها

يامسلوب يامسلوب اجينه ليك لتردنه
يامولاي يامولاي بسجلك خدم سجلنه
////////////////////////////////////////////////////
العمر مايسوه حفنه تراب اذا ماينفني لجله
كل الي خدم غيره عايش عمره بالذله
ويمك ياابو الاحرار مقامات الخدم تعله
نعيش الخدمتك يحسين خليل ومنتظر خله

يا مأواي. يامأواي. منك حاشه تحرمنه
يامولاي يامولاي. بسجلك خدم سجلنه
////////////////////////////////////////////////////
باجر من يصير أحساب. ولو رادو يسئلونه
نصيح احنه خدم لحسين وخادمكم تجيرونه
ندري اليخلص بحبكم بدفتركم تسجلونه
يامحلا الممات وياك وبدربك يشيعونه

يا سلواي ياسلواي يمك بالخدم عدنه
يامولاي يامولاي بسجلك خدم سجلنه
////////////////////////////////////////////////////
خل يسجل التاريخ خل تسمعنه الظلام
بحب حسين مجنونين. وبحبه فلا نلام
لوميت يزيد يعود وينصب مشنقه وأعدام
مختارين احنه لموت. بثايت سدرتك خدام

يامهيوب يامهيوب. اعرفك ماتحيرنه
يامولاي يامولاي. بسجلك خدم سجلنه

الى خادم اهل البيت عليهم السلام: موسى نعيم الزيدي
////////////////////////////////////////////////////

ها يالحسين كثرة بعيني الشماته
ها يالحسين مكطع وماجه الخواته
خنصر اظن مكطوع من عندك
و كساعه تسالني يخي بنتك
ها يالحسين ها يالحسين
******
ليش ساكت ماترد
شغير رسوم الورد
خويه حاجيني احلفك برقيه

صدرك شبي جم سهم
شوتلوج منل الم
راح اجيك واني اداويك بأديه

خنصرك وين نكطع
وحافر بصدرك طبع
داست بصدرك الخيل الاعوجيه

عود وياي كلبي مايحمل ونينك
عود وياي وليتامه مناطرينك
كلبي نكسر ياخيي من شفتك
وكساع تسألني يخي بنتك
***
نحرك كبالي نكطع
ورت اموت منل وجع
ناس ماعده رحم ومامش حميه

سكينه تسألني اجت
ودمعت عيوني الحجت
كالت حسينج ذبيح الغافريه

بالرمل خويه الطمت
وسكتت ومافزعت
تعرف العدوان بس تحيط بيه

ليش ماجيت حركو خيمنه ولونه
ليش ماجيت بطيحتك خويه سبونه
صدرك طبك يحسيني وي ظهرك
وكساعه تسألني يخي بنتك
***
خويه بس اركض وطيح
ياحسين اصرخ وصيح
ليش صوتي ماتسمعه رد عليه

عيوني تهمل بس دمع
من شفت رض بالضلع
اشلون ما رحموك خويه ال اميه

ماسمعت اختك تون
ومنل ظرب زركه المتن
خويه من تسكت تأثر حيل بيه

احجي وياي وبرد كليبي يخويه
احجي وياي يا ابن امي وبويه
دامي النحر محزوز من عندك
و كساعه تسالني يخي بنتك
******
جم رمح بيك العثر
وجسمك مكطع وذر
اظن ماخلوك خويه ترد ليه

ظهري يحسين نكسر
وراح اتبعك عل اثر
بالجن تحل الحبل خويه منديه

بعازت الوالي اصبحت
ردت اكومن وعثرت
كلي خويه وياي روحي بالحميه

كوم وياي خلي اضمدلك جروحك
كوم وياي روحي مرتبطه ويروحك
يمكن طفل مذبوح من عندك
وكساعه تسالني يخي بنتك
******
خوله بنتك ايست
لخيمتك خويه عتنت
وصاحت الراس برمح راوه اليه

شنهي عبدالله ورمح
طفل بعده وينذبح
طوله بطول السهم جابوه اليه

شفت بعيونك حجي
تكلي بطلي منل بجي
لاتخلين العده يشمتون بيه

هاي الاطفال تصيح جا وينه ابونه
هاي إلاطفال تكلي ياعمه ولونه
وحدايه غربه التحدي بضعنك
و كساعه تسالني يخي بنتك

تمت بعون الله
إلى خادم الحسين : موسى نعيم الزيدي
******

فدوه ودينه لهلنه عمه زينب عمه زينب
/////////////////////////////////////////////////////
ماكو بس صوت الحوافر والركض يمنه نسمعه
عمه واليحرسنه ظالم للخيم ما ألنه رجعه
وبالخرابه اليله نبقه ودمعه نذرفها على دمعه
چنه مدلولات اهلنه مر إلوداع شيجرعه

چنه وحدنه بقينه عمه زينب عمه زينب

/////////////////////////////////////////////////////
بلا رحم هل وادم اصلا والخيم محتركه كلها
بس ونين اليله اسمع لليتامه تريد اهلها
طفله منتظره ابوها وانه ما اكطع املها
تغيرت من البواجي ذبل وتغير شكلها

احتركت اليله خيمنه عمه زينب عمه زينب

/////////////////////////////////////////////////////
عالجمر نركض هضيمه اليله ياعمه نولينه
وبالحبل إيا مصيبه رحنه مشدودات ادينه
اليسوه والمايسوه هسه وسفه يتفرج علينه
وتفتر العدوان بينه من مدينه العد مدينه

نعگد اليله املنه عمه زينب عمه زينب
/////////////////////////////////////////////////////
اليحدي اليوم بضعنه اجنبي وحنه يتامه
عمه كولي للكفلنه يرجع النه بالسلامه
اشكي العباس امري فرفحت جني حمامه
انخاف أجانه اليله هسه وجلجل علينه ظلامه

المصيبه احنه نولينه عمه زينب عمه زينب
/////////////////////////////////////////////////////
مدللات احنه بزغرنه وهسه بوليت زلم
حيرة الماعدها والي وباليتامه بس تلم
طيحت الكافل يعمه ثلمت كليبي ثلم
يدري بينه نبات ظلمه بالحرم عنده علم

ننتظر يوصل أجلنه عمه زينب عمه زينب
/////////////////////////////////////////////////////
انطفن إسنين عمري إنطفن مثل الضوه
خلي يجتمعون إهلنه حته لو ساعه سوه
چنه الباك التراجي يحدي بضعني نوه
شلي بعمري وحياتي شلي بشم الهوه

حشمي العباس ألنه عمه زينب عمه زينب

الى خادم اهل البيت: موسى نعيم الزيدي

/////////////////////////////////////////////////////

         يابوفاضل گوم 

             فرهدتنه الگوم 

"""""""""""""""""*

اليله بس نار وركض چنه يتامه 

والحرم ماعدها والي ارجع الها بالسلامه

رقيه مدلولة ابوها فرفحت چنها حمامه

والعدو مايرحم احد يعتدي علينه بظلامه


خلي بالك من اجيتك وعتنتيك منكسر ظهري عليك

ردت اودعك ليه اضمك مالكيت اجفوف الزمك من اديك

  هل امر معلوم

فرهدتنه الگوم

_

بالخرابه  اليله كلنه بحاجتك راعي اللوه

مامش احد يفزعلنه يمرنه لو نسمة هوه

بطيحتك حل الظلام وانحجب عنه الضوه

اعتنينه من المدينه ومن اجينه احنه سوه 


روحي راحت ياكفيلي ودليلي من احشمك خويه  رد

وانه يمك جيت المك زينب انه  يابو فاظل ليه صد

خلافك احنه اليوم

فرهدتنه الگوم 

__

ماسمعت من المخيم يابو فاظل من صحت

اركضت صوب الشريعه تعثرت انه وطحت

تذكريتك يا كفيلي وحامي ضعني ونحت

يابوفاضل انه زينب خويه مسبيه رحت


انه زينب من ولوني وسبوني ابجي سكته وبس اون

خلاف اخوتي اتمنه موتي وللكفلني الليله روحي شو تحن

وما يمرنه النوم

فرهدتنه الگوم

___

نابت بعينك سهم يابو الفظل يم الشريعه 

وجفك وزندك يخو زينب على الحومه كطيعه

اخلافك اليحدي اجنبي بظعن الوديعه

اليله تمشي بلايه والي وعايشه حاله فظيعه


تدري خويه من سبونه وعذبونه اركض واعثر كمت

بهيمه كلنه بدون اهلنه ردنه تفزع ياكفيلي وبهظم إنه صحت

من خيمنه نگوم 

فرهدتنه الگوم 

___

اللوه ياهو اليشيله من طحت راعي العلم 

اخلافك انته ياهظيمه تحترك كل الخيم

والجمر يجوي رقيه وتبجي من كثر الالم

ماكو واحد من سبونه من الظرب متنه سلم 


كوه امشي من خذوني وشتموني وصارت ارماد الخيم

اتنخه بيكم يا اخوتي مكطعيكم ودري كفالي علينه گلبه الليله نثلم 

الكافل النه دوم

فرهدتنه الگوم 

___

خويه عباس بوجودك محد مشاهد خيالي

بهيبتك جنه إحنه نمشي وعايشه بعز ودلالي

مانريد ألماي احلفك إرجع إلنه أنته غالي

وگلي زينب خويه ردي أمشي ويانه تعالي


لو خبر منك يجينه يا ولينه وبحماك أحنه نرد كلنه سوه

فدوه وينك يا حنينك طايح وماتحجي سكته وأنته أعز من الهوه

وألعطاشه تلوم

فرهدتنه الگوم 


الى خادم اهل البيت: موسى نعيم الزيدي

محرم /1444ه‍

الجمعه/2022/7/29

___

      من حل الظلام   هناك  زينب 

       تشوف خيام   بيها النار تلهب 

      والخيل علىه صدر إخوتها تلعب

___

      طايح صاحب الجود يزينب ما عرفتي 

        لوموجود عباس بفيه اليله نمتي 

      وماصار السفر هيج وابد لا ماركضتي

     ولاعطشانه الايتام ولاسوط نضربتي

  

     ياوسفه وهضيمه   تصيحن الظليمه 

       تصيحين الظليمه  وانتي علويه 

     وبلايه خوان زينب رحتي مسبيه

         

 من كثر البواجي اليوم تتعب 

              والخيل عله صدر إخوتها تلعب

__

      مابيه امشي عباس مسبيه خذوني

     عكب عزكم يخويه أشو چنهم ولوني

     بين الخيل والنار بس تدمع عيوني 

      ابجي سكته وبخوف لجل ما يسمعوني

      

        انه ام المصيبه أشو جني غريبه

        أشو جني غريبه واركض بهيمه

      وطفي خيمه ترجع تحترك خيمه

 

 من موقف لموقف زينب اصعب

                         والخيل عله صدر أخوتها تلعب 

_     

         وأسف عينك يعباس   المثلث طفاها 

         اضن ماتكدر تشوف الشمر زينب ولاها

        وحيده بين عدوان ولاواحد إجاها

        الستر وام الستر هاي غصب عنها سباها 

         

       يازينب عجيبه   تعيشين بمصيبه 

       تعيشين بمصيبه وحايره الوحدج 

      وبس ايتام  و رضّع بقت عندج


   والِتْكّفَل خدرها اليله غرّب 

                       والخيل عله صدر أخوتها تلعب 


____    

     منك مستحي الماي لأن عطشان رديت  

     النهر لو يدري بالصار اجاك وانته ماجيت

     وفه مامثله بالكون لخواتك ندري  وفّيِت 

    نطيت جفوف وزنود  بكلشي خويه ضحيت 


       آنه اختك ولوني  عكَبك سلِّبُوني 

        عكبك سلِّبُوني وبالمشي اعثَرْ

        ومامش حيل بيه للسفر اكثرْ  


لوحدها تونْ والليله تِنْحَبْ 

                     والخيل عله صدر إخوتها تلعب 


 ____

       الشمر كدامي ويصيح  ذني بلايه اخوه

       منين نجيب عباس هذاك الكله نخوه

       البلسم للجرح جان  والنه هوه سلوه 

       خلافك احنه عباس من بلوه لبلوه


     ياشمعة زماني فراكك عذابني  

     فراگك عذباني وباقيه بحيره

     وحيده بين ناس بلايه اي غيره


تِنْآطر لوخبر وي الهوه الهب 

                      والخيل عله صدر إخوتها تلعب 

____

       معاناتج معانات  وعشتي ايام صعبه

     اخوج مكطع اوصال بديره وناس غربه

     ومحد من هله هناك ويرف عليه كلبه

     بس عيون الايتام ظلت  أله  تربه 


    بالغربه تتاني وحدها تعاني

    وحدها تعاني ومامش اخوتها

    ونار الخيم  حته إيديها جوتها


  وبس نيران بين الخيم تلهب

                      والخيل عله صدر إخوتها تلعب 


الى خادم أهل البيت: موسى نعيم الزيدي
محرم 1443ه‍
الاربعاء/2022/7/27

____

  متخوصر بصدرك رمح 

       وشايخ على نحرك ذبح

    حسين خويه          حسين خويه 

____ 


     متلملمات عليه چنهن كلهن 

    خيل وسحك بالحافر شيحملهن

    والاعوجيه فوك صدره شعدهن 

    اضلوعه من كثر السحك مردنهن

  

        من صبّح علينه الصبح 

      وشايخ على نحرك ذبح  

    حسين خويه.       حسين خويه

_

   ما چنه ذاك حسين ذابل شفته

    لوادري هيج يصير ابد ماعفته

    يسمع ونين وما يجاوب اخته 

    ماظل جزء سالم ابد من جثته 


    شحسبهن شكد چم جرح

   وشايخ على نحرك ذبح 

حسين خويه      حسين خويه 

_

    متوسد الترابان اخيي ضامي

    منين ما كلبه نزف كدامي

     ماظل كتر ابجسمه ابد مادامي

    ذبحوها وي حز النحر احلامي 

    

       قربان للدين السمح 

     وشايخ على نحرك ذبح

  حسين خويه     حسين خويه

_

     راودني لمن شاهديتك احساس 

    وكبالي فوك الرمح مرفوع الراس

    ومتجمعه وتعاين بقت كل الناس 

    تمنيت لو عايش اخوك العباس

    

        جا خله المهرب يشح 

        وشايخ على نحرك ذبح

     حسين خويه     حسين خويه 

____

    دم هامته سايل مغطي عيونه

     ومن العطش ذابل تغير لونه

      يستوحدونه الكوم ويسلبونه

     خنصره وين انكطع دلونه

      

       دمك على الحومه نسفح 

       وشايخ على نحرك ذبح

     حسين خويه    حسين خويه

____

      مابيك ترجع للخيم حاجينه

     نصبر رقيه لونسكت سكينه

     يسئلني كل ساعه ويكولن وينه 

     بحماه احنه الكربله من جينه

        

        بطف كربله يقدم نصح 

      وشايخ على نحرك ذبح 

     حسين خويه.      حسين خويه  


الى خادم اهل البيت: موسى نعيم الزيدي
محرم1444
الاربعاء/2022/7/27

____    

     

اللهم صل على محمد وال محمد وعجل لوليك الفرج يا الله

الفقر بعدك علي جنه لوانه 

كل محتاج الك تسمع لوانه 

ويتيم يصيح من شافك لوانه 

انشطر راسي ولا حامي الحميه

((الى خادم أهل البيت: موسى نعيم الزيدي))

خبر لينه وصل         علي راسه انطبر 

**********

       خبر بس ياخبر هليله اجانه 

     علي راعي العدل حامي الامانه

     علي الزاهد كضه عمره وزمانه

    أبن ملجم يضربه ويجازي بالخيانه


على أيد أبن الشقي.    علي راسه انطبر

*********

     هتف جبريل اله ويرفع هتافه 

     لان دامي علي بعيونه شافه 

     وصريع بلاذنب راعي الخلافه

     يغدره ابن الدعي  بكل صلافه

ارتفع صوت الجمع      علي راسه انطبر 

********

        اجيت وارد اعاين شنهو صاير

        انه ام كلثوم اناشد كلبي طاير

        علي المحرابه جنه اليله ساير

        اضل اتنطره ودلالي حاير

     ختلف لون السمه.     علي راسه انطبر

***********

     صوايح كلي يبنيتي تلاحقها نوايح

     هظيمه والدي بمحرابه طايح

      شحسب وانه ابوي منيدي رايح

      وسمعنه بالسمه ايرتله صايح

القلع خيبر وسف      علي راسه انطبر

***********

        واجت يم بابه تدعيله اليتامه 

        علي ياربي يرجع بالسلامه

         الفقر بعده يلاوينا وضلامه  

         نريده بس ستر ألنه وعلامه

 منو النه بعد          علي راسه انطبر

***********

         وحشه بلا ابو الدنيه بلاها

        وشمسنه انطفت غرب ضوها

         الحياه زهره ودمه ينزف هواها

          ونينين الفاكده تسمع صدها

   نزف شفنه ودمه.      علي راسه انطبر


ال. خادم أهل البيت: موسى نعيم الزيدي

*********

 

         

زينب. زينب أيا غربة زينب
زينب زينب. ايا غربة زينب
/////////////////////////////////////////////////////
شلون ليله وزينب بلايه الكفيل
رجعت وعالخد مدامعها تسيل
وحايره بأيتامها واحد عليل
الجره عليها نعرفه مو قليل

زينب زينب ايا غربة. زينب
زينب زينب. ايا غربة زينب
/////////////////////////////////////////////////////
اليله زينب تمشي وتخاف بظلام
وراس اخوها حسين يبره عالسهام
يبجي الونها صفه حته الحمام
توجهت من كربله لارضج يشام

زينب زينب ايا غربة زينب
زينب زينب ايا غربة زينب
/////////////////////////////////////////////////////
ظلت بلا والي تمشي محيره
وحايره بأ يتامها بأرض الثره
زينب يساعد كلبها على الجره
تمشي خطوه وخطوه ترجع ليوره

زينب زينب ايا غربة زينب
زينب زينب ايا غربة زينب
/////////////////////////////////////////////////////
تمشي مسبيه العقيله من العراق
ويه كوم بلا رحم كلها نفاق
وهذا ممشاها يدل معنى الفراق
ودم اخوها حسين عالغبره يراق

زينب زينب ايا غربة زينب
زينب زينب ايا غربة زينب
/////////////////////////////////////////////////////
زينب المحد يشوف الها خيال
هسه زينب بيدها شدو حبال
وتنسبي بين المدن هيجي يقال
العايشه بعز تبقى هسه بلا دلال

زينب زينب ايا غربة زينب
زينب زينب ايا غربة زينب

الى خادم اهل البيت : موسى نعيم الزيدي

/////////////////////////////////////////////////////

اللهم ارزقنا خدمة الحسين عليه السلام

ياخيل كافي سحك

                       وحشه وظلام وحرك 

ضهره نطبك ع الصدر

                       ونحره يحزه الشمر 

/////////////////////////////////////////////////////

هذا خوي حسين انه ماعرفته 

من كثر سحك الحوافر فوك جثته 

 الله لاينطيك يل بالخيل دسته 

بيا وكت حسين هيج أتيهه اخته


والحسره تخنك خنك 

                       من شفته دامي صدك

من شاهديته العصر 

                          نحره يحزه الشمر

/////////////////////////////////////////////////////

اركض واعثر وكومن من اجيته

حته لا انشاف بالظلمه اعتنيته

ولاجزء بجسمه سالم من لكيته

وخنصره بيا كتر شو تيهيته


ماحسبت نفترك 

                وسوط على متني يدك

والخيل فوكه تمر

                ونحره يحزه الشمر

/////////////////////////////////////////////////////

المصيبه الف وتسع ميت جرح بيك

حايره يحسين انه شلون أداويك

خاف اسحبلي رمح خويه ويأذيك

انه زينب ياعزيزي خويه احاجيك


الخيل طول بعرض 

               بصدره كامت ترض 

وانه ركضت ع الجمر 

                    ونحره يحزه الشمر 

/////////////////////////////////////////////////////

شايل رماح على صدره بكد حنينه 

ومن على التل انه اسمعنه ونينه

وظن راسه على الرمح معلكينه

كربله جيناج وشسويتي بينه


المن بعد اشتكي. 

                 واني بطريق السبي

شلي بعد بالعمر

                ونحره يحزه الشمر

/////////////////////////////////////////////////////

خايفه يحسين لا للكاع اهوه

احدي بخطواتي كوه خطوه خطوه

انه جيت من المدينه عندي اخوه

جانو العمري وحياتي همه سلوه


منين اجاني القدر

                 حسين دامي النحر

ع فراكه انه انجبر

                   ونحره يحزه الشمر


الى خادم اهل البيت: موسى نعيم الزيدي

الاربعاء/2021/8/18

محرم/1443

/////////////////////////////////////////////////////

/((ابوذيات نعي))

المخيم خيم بكلبي تره الماه

عطاشه وبالحرب طلبت تره الماه

ابو فاضل وعلي خلافك تره الماه 

شافته الراحت سبيه

/////////////////////////////////////////////////////

زينب هودجج بحماي يسراي 

فنه اليكرب وموجوده يسراي 

لجيب زياد وهل زياد يسراي 

وسويهم غنم بالموزميه

/////////////////////////////////////////////////////

وحك العنهر جفه شمرها 

على زينب ليلة الفركه شمرها 

دريت المشت مسبيه شمرها 

بمجالس تنشتم من ال اميه

/////////////////////////////////////////////////////

بقه كلمن هله مناطر يعدلون 

المخيم من كدر وترب يعدلون

الحزن جان الي اخوه يعدلون 

الهوادج لوتثني النوك اليه

////////////////////////////////////////////////////

وحك الواعد اخته بماي بالطاف 

السيفه ماوكف على الروس بالطاف

ابو فاضل اجاهم حلم بالطيف 

على شباه الرجال من الميه


يليل موادعه ياناس وحشاه 

على الي ذل جميع الجيش وحشاه 

اليبجي عليه دم مو دمع وحشاه 

نتكطع كل صباح وكل مسيه


/////////////////////////////////////////////////////

شنهو الاخرك عباس مايت 

الكاع بطيحتك بالجيش مايت 

صدك عالمشرعه يكلون مايت 

وسهم بالعين وجفوفك رمييه

/////////////////////////////////////////////////////

تعرفني يا عزيزي حسين مو مال 

مشي كلبي من الفگد ولظيم مو مال

الهودج كل ل خي عباس مومال 

العز والسرت عدوان بيه

/////////////////////////////////////////////////////

عيوني شابحه ظلت وراكم 

بالكت لو ضعنكم رد وراكم 

صدك الشمر بسوطه وراكم 

ضرب وباك ترجيت رقيه

الى خادم اهل البيت:موسى نعيم الزيدي
/////////////////////////////////////////////////////

((قصيدة مسلم ابن عقيل سفير الامام الحسين عليه السلام))

من على قصر الاماره. الظالم يصدر قراره
مسلم التنعا حميده ينشمر مشدوده ايده
من على قصر الاماره.
/////////////////////////////////////////////////////
ليل ووداع وبواجي كلي بعدك شحتمل
ويدك اخبار الاجتني بويه كصاها الحبل
اعتنيت من المدينه بجيتي ماريدن اذل
كون من اوصل يبويه انه اشوفنك عدل

من مشه وعافها داره. والكلب مشتعله ناره
مسلم التنعا حميده. ينشمر مشدود ايده
من على قصر الاماره
/////////////////////////////////////////////////////
والخبر الثاني اجاني والدج كالو وحيد
لانه يمك حته اشوفك دربي يابويه بعيد
طير كون انه يبويه وينطوي دربي اريد
الكوم ماعدها عداله عايشه حكم العبيد

والدي جيتك زياره. والبجي نص العباره
مسلم التنعا حميده. ينشمر مشدود ايده
من على قصر الاماره
/////////////////////////////////////////////////////
ذابل يكولن عنك منكسر جنك ورد
اردن أوصلك وجيلك بالكي ويانه ترد
فركتك يابويه تدري تمرد بكلبي مرد
ظالم تعرفه زماني وعلبجي خطني جرد

شنهو حكمج يالمنار على الوحيد تصير غاره
مسلم التنعا حميده. ينشمر مشدود ايده
من على قصر الاماره
/////////////////////////////////////////////////////
وبالطريق انه يبويه عمي الحسين اعتناني
كلي بنتي حميده انه ابوج وعمج اني
ويمسح بأيده على راسي وانه الشوفك اتاني
هالخبر كلش جرحني بويه والله وعذباني

ورايح نطالب بثاره. انه وولادي الغياره
مسلم التنعا حميده. ينشمر مشدود أيده
من على قصر الاماره
/////////////////////////////////////////////////////
والهضميه الي هضمني طايح ومويم عمامه
وانه بنيته حميده مفرفحه جني حمامه
الطايح وماعنده والي يخنكه أليل وظلامه
ينسكر لو ترك ولده بظهره عايفهم يتامه

والدي اعرف اخباره. بطيحته سولي جاره
مسلم التنعا حميده. ينشمر مشدود ايده
من على قصر الاماره

الى خادم اهل البيت: موسى نعيم الزيدي
الجمعه/2021/8/13
محرم/1443
////////////////////////////////////////////////////

((فزاعيه قصيده تقرء بالطور الخفيف الى الامام علي الاكبر عليه السلام))

حان الوداع يالاكبر حان الوداع
*""""**"***********************
قدمت ابني وعزيزي والعساكر ذلها ذل
برز جن بركان بالطف علي الاكبر من نزل
اشبه الناس برسوله بالشجاعه والعمل
جده قالع باب خيبر عمه عباس الفحل

هالخبر ذاع يالاكبر هالخبر ذاع
******************************
ليلى اباب المخيم تنتظر منه يرد
ظامي وذبلان ابنها من العطش جنه ورد
علي الاكبر لزم سيفه وسوه بالحومه جرد
قرراليله بيمينه يمرد العسكر مرد

هزهز الكاع االاكبر هزهز الكاع
******************************
من رجع ضامي الاكبر للخيم جنه ضوه
طلب من حسين ابوه الماي وبشوفه ارتوه
وكله بويه الماي اشربه وما اشربنه سوه
ودع المدلول ابنه العايش بروحه نوه

رايح بساع يالاكبر رايح بساع
******************************
توجهت ليلى لربها بحسره واهات والم
ورافعه ايديها تضرع والكلب حيل نلجم
تنشاشده وتكله الهي رجعه سالم للخيم
شافها حسين وإجاها وكلبه اعليها نهشم

تعبي ماضاع يالاكبر تعبي ماضاع

******************************
رجع صوب الجيش الاكبر مطر الحومه رگب
سيفه جنه نار بيده والعساكر جن حطب
جنه عمه ابو فاضل من على العسكر غضب
محكمه بسيفه سوه بساحة الحومه نصب

صاحت سباع يالاكبر صاحت سباع
******************************
مارجع للخيمه سالم سابح بدم هامته
وصاحت بصوت الثكاله امه لمن شافته
تگله حاجيني عزيزي ليلى وبهم نادته
وسداه حسين يمها ونت إهيه وعمته

دنيته باع الاكبر دنيته باع

الى خادم اهل البيت: موسى نعيم الزيدي
الثلاثاء/2021/8/10
محرم/1443ه‍
**************-***-***********

قصيدة ابي الفضل العباس والسيده زينب ((سلام الله عليهم))

من على التل. خويه ابعثلك سلامي
شلون اجيلك وانته يم النهر دامي
يابوفاضل. يابو فاضل
******************************
من عفتني انه زينب
شاهد الله ماشف راحه بغيابك
لوعتني يا كفيلي
طيحتك يم النهر ساعة مصابك
هذا حالي يابو فاضل
عايشه بس كون اشم ريحة ثيابك
لو مشينه انه ادري
بروحتي يابوالفضل يشتد عذابك

منهو الي ضل. واخوتي ذكره واسامي
شلون اجيلك. ونته يم النهر دامي
يابو فاضل يابو فاضل
******************************
ما اجيتك ودمعي يجري
خايفه خويه اجي ولجم جروحك
ولوشفتني. زركه متني
ادري من تشوف وضعي يزيد نوحك
من وصلني. خبر منك
خاف اجي للمشرعه وتفيض روحك
ها يحماي. وشايل الواي
المشرعه بعيده عليه شلون الوحك

هل خبر حل. طايح العباس ضامي
اشلون اجيلك. وانته يم النهر دامي
يابو فاضل. يابو فاضل
******************************
زندك وجف. على الشريعه
مابقه اي جزء سالم بيه جسمك
وحيرتني. والله مدري
يابو فاضل من اجيك شلون المك
والمثلث. تارس العين
ومن أسحبنه السهم خافن يلجمك
والكسرني. خويه اكثر
عني طحت بعيد ما اكدر اضمك

كلها تسئل. وأليتامه بلايه حامي
اشلون اجيلك ونته يم النهر دامي
يابو فاضل. يابو فاضل
*****************************
من اذكرك إويجي اليل
تبقه مشبوحه الدربنه خويه عيني
بيه تدري. مفاركه النوم
وليك ياخذني وتيهنك حنيني
يابو فاضل. والله صعبه
من صيح احضرلي خويه وماتجيني
ومن اكلك. يشتموني
وماتجاوبني تعرف يكثر ونيني

انه أحشمك بالكي لو تسمع كلامي
شلون اجيلك. ونته يم النهر دامي
يابو فاضل. يابو فاضل
******************************
منين اجتني. هالمصيبه
وكربله مضمومه جانت وين اليه
فرقتنه. وطشرتنه
والاخو اليله بقه بلايه اخيه
ناس غربه. بلايه رحمه
منهو يقبلها بحبل مشدوده اديه
والهضيمه بلايه خيمه
وماكو في يحميني اني الهاشميه

وليلي لو جل. حايره انه ويتامي
شلون اجيلك وانته يم النهر دامي
يابو فاضل. يابو فاضل

إلى خادم اهل البيت: موسى نعيم الزيدي
السبت/2021/8/7/
محرم/1443ه‍
********************************